Ǝnǝfilal 19:7 - Ǝlinjil ǝn Ɣaysa Ǝlmǝsix

⁷ Fǝliwǝsatana, naknu tǝdǝwit, nǝssǝɣmǝr Mǝššina, fǝlas izǝzlay n Ǝjemar ewadan-du, amaran tǝmazlayt-net tǝsimatag.

ⵍⵍ ⵢⵙⴰ ⵍⵎⵙⵈ

⁷ ⴼⵍⵓⵙⵜⵏⴰ ⵏⴾⵏⵓ ⵜⴹⵓⵜ ⵏⵙⵗⵎⵔ ⵎⵛⵏⴰ ⴼⵍⵙ ⵤⵤⵍⵢ ⵏⵌⵎⵔ ⵓⴹⵏ⵿ⴹⵓ ⵎⵔⵏ ⵜⵎⵤⵍⵢⵜⵏⵜ ⵜⵙⵎⵜⴶ⵰

Ǝnǝfilal 19:7 ပူးပေါင်းရင်းမြစ်များ

Matta 1:20

Isamadran daɣ awen da as t-in-ibaz etǝs inafalal-as-du angalos n Ǝmǝli daɣ targǝt, inn-as: «Yusǝf, ahaya ǝn Dawǝd, a kay-wǝr-tǝggǝz tasa n azalaf ǝn Maryama, fǝlas barar wa ihan tadist-net, Infas wa Zǝddigan a d-ifal.

Matta 22:2

«Taɣmar ta n jǝnnawan, tǝha ǝlmital n ǝmǝnokal iyyan isassagan saksas daɣ tǝkrǝst ǝn barar-net.

Luqa 12:36

Talim d eklan ǝqqâlnen y ad d-ifǝl mǝššissan takrǝst fǝl a sǝr-ǝs in-ǝbdǝdan da da ad d-izzǝkkat daɣ ǝmi n ahan.

Yaxya 3:29

Ǝmazlay da ilan tǝmazlayt, amaran ǝmidi-net wa n ǝnaflis-net, ǝnta a innǝttafan ǝd zǝzlay, issigad den da iqqâl-as. As isla y ǝmǝsli n ǝmazlay igmây-du tǝmazlayt, ad aknu tǝdǝwit. Tǝdǝwit tǝdi za ǝnta a ǝgeɣ, amaran ǝmǝrǝdda tǝnda.

2 ⴾⵍⴾⵔⵏ⵿ⵜ 11:2

Fǝlas ǝgeɣ-awan tara ta n tǝsmiten, šismiten di da šin d-ǝfalnen Mǝššina, id tǝhâm-i šaššelan ǝn tǝntut ǝs wǝr kala a tat-idas alǝs, a dǝr isimarkas alǝs iyyanda, a t-imosan Ǝlmǝsix, amaran nak a das-isamarkasan dǝr-ǝs.

Kǝl-Efez 5:23

id alǝs ǝnta a imosan ǝmuzar ǝn tǝntut zund ǝmmǝk as Ǝlmǝsix a imosan ǝmuzar n Ǝlkǝnisat tǝmosat taɣǝssa-net, amaran ǝnta iman-net a imosan Ǝnǝssefsi-net.

Kǝl-Efez 5:32

Arat wa ǝnne da daɣ batu n Ǝlmǝsix d Ǝlkǝnisat, imos ǝssir zǝwwǝran ǝn Mǝššina.

Kǝl-Filib 3:3

Nakkanay a igan ǝmǝnkǝd wa n tidǝt, fǝlas ǝlɣibada a nǝga Mǝššina s Infas wa Zǝddigan. Ɣaysa Ǝlmǝsix a imosan abarag-nana. Wǝr nǝga attama waliyyan daɣ arat iga aggadǝm.

Ǝnǝfilal 11:13

Amazay wen da a daɣ iga amaḍal ǝnǝgǝynǝgǝy labasan, tǝbarajjat tǝzunt ta n marawat n ǝɣrǝm en, tǝzzar aba ǝssa gim n awedan daɣ ǝhluk wa igan den. Win d-ǝragnen daɣ awen, tǝggaz-tan tasa sǝksǝdat, ǝssǝɣmaran Mǝššina di n Ǝmǝli ǝn jǝnnawan.

Ǝnǝfilal 19:9

Inn-i angalos ad ǝktǝbaɣ as: «Ǝbbilalan win tawaɣranen s ad ǝggǝzan izǝzlay n Ǝjemar!» Dǝffǝr adi inn-i: «Batuten ǝn tidǝt awa âs Mǝššina iman-net as tanat-iga.»

Ǝnǝfilal 21:2

Tǝzzar oggeɣ aɣrǝm wa zǝddigan, a t-imosan Yerusalam ta taynayat, tǝtazabbat-du daɣ jǝnnawan, issigl-et du Mǝššina. Tǝsimatag zun tǝmazlayt tǝgât ǝddǝlugan-net win hossaynen y ad tammanay d alǝs-net.

Ǝnǝfilal 21:9

Tǝzzar ikk-i-du iyyan daɣ angalosan win ǝssâ ǝttâfnen ǝssayat tǝkǝrwasen šin ǝdnaynen ǝssa alwabatan win ǝlkamnen inn-i: «Iyyaw, a kay-assaknaɣ tantut ta n tǝmazlayt n Ǝjemar.»