Ǝnǝfilal 19:1 - Ǝlinjil ǝn Ɣaysa Ǝlmǝsix

¹ Dǝffǝr awen ǝsleɣ daɣ jǝnnawan y arat olân d ǝmǝsli issohen n ǝljǝmaɣat tagget tǝgannit: «Alleluya! Efsan, ǝd tanaya, ǝd tarna in Ǝmǝli-nana Mǝššina,

ⵍⵍ ⵢⵙⴰ ⵍⵎⵙⵈ

¹ ⴹⴼⵔ ⵓⵏ ⵙⵍⵗ ⴹⵗ ⵌⵏⵓⵏ ⵢⵔⵜ ⵍⵏ ⴹⵎⵙⵍⵢ ⵙⵂⵏ ⵏⵍⵌⵎⵗⵜ ⵜⴶⵜ ⵜⴶⵏⵜ «ⵍⵍⵢⴰ⵰ ⴼⵙⵏ ⴹⵜⵏⵢⴰ ⴹ ⵜⵔⵏⴰ ⵏ ⵎⵍⵏⵏⴰ ⵎⵛⵏⴰ

Ǝnǝfilal 19:1 ပူးပေါင်းရင်းမြစ်များ

Matta 6:13

A dana-wǝr-taga daɣ alɣarar ǝn jarrabatan, kalar agǝz-ana daɣ Iblis, [fǝlas taɣmar, ǝd tarna, ǝd tanaya ši-nak har faw. Amin."»]

Ǝnǝfilal 11:15

Insaɣ angalos wa n ǝssa esǝk wa ittaf. Itawasla i maslan zawwarnen daɣ jǝnnawan. Imaslan win den gannin: «Ǝmǝrǝdda tarna ta n tizart y ǝddǝnet šin Ǝmǝli-nana Mǝššina d Ǝlmǝsix-net. Ad iqqǝl ǝmǝnokal har faw.»

Ǝnǝfilal 12:10

Dǝffǝr awen ǝsleɣ y ǝmǝsli issohen igannu daɣ jǝnnawan: «Ǝmǝrǝdda alwaq wa n efsan osa-du! Ǝmǝrǝdda Ǝmǝli-nana isinafalal tarna-net, ǝd taɣmar-net! Ǝmǝrǝdda taɣmar tǝlla gǝr fassan n Ǝlmǝsix-net, id Aššaytan s ǝnta a isawaran imǝdrayan-nana lahanan dat Mǝššina ehad ezal, a d-itawakkasan daɣ jǝnnawan, itawagar-du s amaḍal.

Ǝnǝfilal 19:6

Tǝzzar ǝsleɣ y arat olân d ǝmǝsli ǝn tiddawat tagget, olân d ǝjit n aman aggotnen, ola deɣ d eggagan labasnen as inna: «Alleluya! Fǝlas Ǝmǝli Mǝššina di ǝn mǝššis ǝn tarna, issǝbdad taɣmar-net.