Ǝnǝfilal 18:15 - Ǝlinjil ǝn Ɣaysa Ǝlmǝsix

¹⁵ Kǝl jola win ǝggǝrgasnen daɣ ǝsǝtǝg wa taggin daɣ ǝɣrǝm wen, a dǝr-ǝs nǝmǝggǝgan fǝl tǝksǝda n a tan-in-awǝd alɣazab-net. Ad hallin, sikalalan;

ⵍⵍ ⵢⵙⴰ ⵍⵎⵙⵈ

¹⁵ ⴾⵍ ⵌⵍⴰ ⵓⵏ ⴶⵔⴶⵙⵏⵏ ⴹⵗ ⵙⵜⴶ ⵓⴰ ⵜⴶⵏ ⴹⵗ ⵗⵔⵎ ⵓⵏ ⴹⵔⵙ ⵏⵎⴶⴶⵏ ⴼⵍ ⵜⴾⵙⴹⴰ ⵏ⵿ⵜⵏⵏⵓⴹ ⵍⵗⵤⵀⵏⵜ⵰ ⴹ ⵂⵍⵏ ⵙⴾⵍⵍⵏ⵰

Ǝnǝfilal 18:15 ပူးပေါင်းရင်းမြစ်များ

Markus 11:17

Inna y aytedan daɣ əsəssəɣri wa tan-itaggu: «Wərgeɣ iktâb as, inna Məššina: "Ehan-in, a das-itǝwǝggu esǝm ehan n ǝlɣibada i tawšeten kul". Kawanay amaran tǝgâm-tu "ǝsǝlɣǝs ǝn baydagan".»

Igitan 16:19

As ǝnayan mǝssawǝs as ab-as sǝr-san tat-du-tǝgammad tǝnfa, ǝbazan Bulǝs ǝd Silas, ǝlwayan-tan s asammanay n ǝɣrǝm, ǝssǝbdadan-tan dat naxkiman.

Ǝnǝfilal 18:12

gǝr urǝɣ, wala azrǝf, wala šihun šin ǝlanen almaqam, wala ǝljuhǝr, wala lin, wala tabdoq tǝgât tǝzuɣay tǝŋŋât, wala ǝlxǝrir, wala tabdoq ta tǝgat tǝzuɣay tǝhossayat, wala eškan kul win as izod aḍu-nasan, wala aratan win ǝganen daɣ tǝhunt tǝknât tǝmǝllay s ǝnta daɣ itaggu uɣǝn wa n xummaysa, wala win eškan win ǝlanen almaqam, wala win daroɣ, wala win tǝzoli, wala win tǝhun šin hossaynen,

Ǝnǝfilal 18:13

wala egel n ašǝk was itawannu kanel, wala ǝzzǝnǝfan n annabatan win ǝlanen aḍu, wala alwarditan, wala aḍutan win ǝzodnen ǝmosnen mir d ǝlmǝsǝk, wala esmad n alɣanab, wala widi wa n azzayt, wala egel, wala alkama, wala šitan, wala ayfad, wala ǝggǝsan wala amalankaytan wala eklan, wala ikefǝlan.

Ǝnǝfilal 18:14

Ad gannin kǝl jola y ǝɣrǝm wen: «Aratan win ǝran man-nak kul ǝddǝggagan fall-ak. Tǝnaflǝyt, d aratan win hossaynen, ǝzodnen aba-tan fall-ak. Wǝr ilkem ad ǝlasan ǝtǝwǝnay!»

Ǝnǝfilal 18:19

Sawaran iɣafawan-nasan aboqqa, hallin, ǝɣšâdan man-nasan wǝllen, sikarayan gannin: «Xašša! Xašša wǝllen y ǝɣrǝm wa zǝwwǝran a, s ǝnta a daɣ ǝggǝrgasan aytedan kul win ǝlanen iɣlalan n aman win zawwarnen, mišan alwaq iyyanda ɣas a fǝl iɣrad ahluk!»

Ǝnǝfilal 18:3

Šimattiwen n ǝddǝnet kul ǝddewnat dǝr-ǝs daɣ arak deranan-net labasnen n igi n ǝzzǝna, imos awen zun esmad sassinat. Imǝnokalan n ǝddǝnet nimaggan dǝr-ǝs ǝzzǝna, kǝl jola n ǝddǝnet deɣ isaggargas-tan ǝɣrǝm wa n Babǝylon, s ǝrrǝzǝɣan-net ǝknânen igǝt.»