Ǝnǝfilal 16:9 - Ǝlinjil ǝn Ɣaysa Ǝlmǝsix

⁹ Tosa-du tuksay labasat ad tǝkaggay aytedan. Tǝzzar ad takasan tarna y esǝm ǝn Mǝššina s ǝnta a ixkaman daɣ alwabatan win, edag an a das-ǝtuban ǝssǝɣmǝran-tu.

ⵍⵍ ⵢⵙⴰ ⵍⵎⵙⵈ

⁹ ⵜⵙⴹⵓ ⵜⴾⵙⵢ ⵍⵀⵙⵜ ⴹ ⵜⴾⴶⵢ ⵢⵜⴹⵏ⵰ ⵜⵤⵔ ⴹ ⵜⴾⵙⵏ ⵜⵔⵏⴰ ⵢⵙⵎ ⵏⵎⵛⵏⴰ ⵙⵏ⵿ⵜⴰ ⵈⴾⵎⵏ ⴹⵗ ⵍⵓⵀⵜⵏ ⵓⵏ ⴹⴶ ⵏ ⴹⵙⵜⵀⵏ ⵙⵗⵎⵔⵏ⵿ⵜⵓ⵰

Ǝnǝfilal 16:9 ပူးပေါင်းရင်းမြစ်များ

Luqa 13:3

Ǝnneɣ-awan, kala! Amaran kawanay da, as wǝr tǝtubam, ad tǝhlǝkam ketnawan.

Luqa 13:5

Ǝnneɣ-awan, kala! Amaran, kawanay da, as wǝr tǝtubam, ad tǝhlǝkam ketnawan.»

2 ⴾⵍⴾⵔⵏ⵿ⵜ 12:21

Ǝksuda deɣ a kawan-in-asa ilǝs-i Ǝmǝli-nin Mǝššina ǝzǝbǝz ǝn tǝkarakit ɣur-wan; ǝksudaɣ ad ǝɣšǝdan man-nin, fǝlas wiyyad daɣ-wan aggotnen a wǝr nǝmmǝzzay d igi ǝn bakkadan win as kala a tan-taggin, wǝr ǝtuban deɣ daɣ igi ǝn mazalan samadasnen win taggin, d igi n ǝzzǝna ǝd mazalan zizallatnen win taggin.

Ǝnǝfilal 11:13

Amazay wen da a daɣ iga amaḍal ǝnǝgǝynǝgǝy labasan, tǝbarajjat tǝzunt ta n marawat n ǝɣrǝm en, tǝzzar aba ǝssa gim n awedan daɣ ǝhluk wa igan den. Win d-ǝragnen daɣ awen, tǝggaz-tan tasa sǝksǝdat, ǝssǝɣmaran Mǝššina di n Ǝmǝli ǝn jǝnnawan.

Ǝnǝfilal 14:7

Idkâl ǝmǝsli-net wǝllen igannu: «Sǝɣmǝrat Mǝššina, tagim-as adkul wa dǝr ihor, id alwaq osa-du wa daɣ zʼagu ǝššǝriɣa-net. Ǝɣbǝdat wa d-ixlakan ijǝnnawan d amaḍal d agaraw ǝd šittawen n aman.»

Ǝnǝfilal 16:21

A du-tifǝtǝqqen dagrazan as akkiyyan daɣ-san imos ǝzuk-net edag n ǝkkozat tǝmǝrwen ǝn kilaw, rattakan fǝl aytedan. Ad takkasan aytedan tarna i Mǝššina fǝl ǝddǝlil n alwaba wa n dagrazan en, fǝlas alwaba iknân tǝzzǝwwǝrt wǝllen a imos.

Ǝnǝfilal 2:21

Ǝkfeq-qat alwaq ewâdan ad tutab, mišan wǝr tara ǝmǝzzǝy d alxal-net wa n igi n ǝzzǝna.

Ǝnǝfilal 9:20

Mišan aytedan win wǝr aba daɣ albalatan win den, wǝr ǝtuban daɣ ark aratan win tamazalan. Wǝr ǝmmǝzzayan d ǝlɣibada ǝn kǝlǝsuf, wala ǝssǝnǝman n urǝɣ ǝd win ǝzrǝf ǝd win daroɣ ǝd win tǝhun ǝd win eškan. Ǝssǝnǝman win den, wǝrmad za as hannayan, wala sallin, wala ǝfrâgan ǝmǝtǝkwǝy.