Ǝnǝfilal 16:2 - Ǝlinjil ǝn Ɣaysa Ǝlmǝsix

² Tǝzzar igla wa azzaran daɣ-san, inɣal tǝkǝrwast-net fǝl amaḍal. Ǝwatnat šiqqas labasnen aytedan kul win iwar ejwal n ǝmudar, ǝɣbâdan šaššelan-net.

ⵍⵍ ⵢⵙⴰ ⵍⵎⵙⵈ

² ⵜⵤⵔ ⴶⵍⴰ ⵓⴰ ⵤⵔⵏ ⴹⵗⵙⵏ ⵏ⵿ⵗⵍ ⵜⴾⵔⵓⵙ⵿ⵜⵏⵜ ⴼⵍ ⵎⴹⵍ⵰ ⵓⵜⵏⵜ ⵛⵆⵙ ⵍⵀⵙⵏⵏ ⵢⵜⴹⵏ ⴾⵍ ⵓⵏ ⵓⵔ ⵌⵓⵍ ⵏⵎⴹⵔ ⵗⵀⴹⵏ ⵛⵛⵍⵏⵜ⵰

Ǝnǝfilal 16:2 ပူးပေါင်းရင်းမြစ်များ

Igitan 12:23

Wala a ihogan iwat-tu angalos n Ǝmǝli fǝlas igi a iga iman-net daɣ adag ǝn Mǝššina, wǝr iga y Ǝmǝli adkul wa dǝr ihor; tǝzzar ǝtšanat-tu tǝwakkawen, aba-tu.

Ǝnǝfilal 13:12

Iššǝšɣal tarna kul n ǝmudar wa azzaran a d-osan dat-ǝs, tǝzzar eway-du s amaḍal ǝd win t-ǝwarnen, as ǝssǝjadan y ǝmudar sǝksǝdan wa azzaran as izzay ǝbus-net imosan abus inaqqin.

Ǝnǝfilal 14:16

Tǝzzar inkar wa iqqiman fǝl ǝgnaw olay s ǝlmoši-net awa iwaran amaḍal ketnet daɣ tǝnfa.

Ǝnǝfilal 14:9

Ilkam-as-du angalos iyyan wa n karad, igannu s ǝmǝsli ihhoken: «Aytedan win ǝɣbadnen ǝmudar wa sǝksǝdan ǝd šaššelan-net, iwâr-tan asannal-net daɣ tǝkannaren, madeɣ ifassan, win di ad ašwin esmad wa n alham ǝn Mǝššina. Esmad wen izdâr amaran a dasan-itǝwǝggu daɣ tǝkabart ta n alham ǝn Mǝššina, agin alɣazab sǝksǝdan igan ǝs tǝmsay d adaɣas-ǝn-tahart irɣân, dat angalosan a zaddognen d Ǝjemar. Ǝhu n alɣazab-nasan, ill-ay har faw, amaran wǝrmad a dasan-tu-tǝlla tǝsasmit ehad, za wala ezal.

Ǝnǝfilal 16:1

Dǝffǝr awen ǝsleɣ y ǝmǝsli zǝwwǝran as d-igmad ehan n ǝlɣibada, inna y angalosan win ǝssâ: «Agliwat tǝnɣǝlam fǝl amaḍal ketnet ǝssayat tǝkǝrwasen šin alham ǝn Mǝššina.»

Ǝnǝfilal 16:11

Ad takkasan tarna i Mǝššina di n Ǝmǝli ǝn jǝnnawan fǝl ǝddǝlil ǝn tǝsǝnnay sǝksǝdat ta taggin ǝd šiqqas šin tan-ǝhanen, wǝr ǝtuban daɣ mazalan-nasan.

Ǝnǝfilal 8:7

Insaɣ angalos wa azzaran esǝk wa ittaf, tǝzzar ǝmalan-tu dagrazan ǝd tǝmsay ǝrtaynen d ǝzni, iffay-du awen kul fǝl amaḍal. Tǝrakammat tǝzunt ta n karadat n ǝddǝnet, tǝrakammat tǝzunt ta n karadat n eškan kul, irakammat yel kul.