Ǝnǝfilal 14:7 - Ǝlinjil ǝn Ɣaysa Ǝlmǝsix

⁷ Idkâl ǝmǝsli-net wǝllen igannu: «Sǝɣmǝrat Mǝššina, tagim-as adkul wa dǝr ihor, id alwaq osa-du wa daɣ zʼagu ǝššǝriɣa-net. Ǝɣbǝdat wa d-ixlakan ijǝnnawan d amaḍal d agaraw ǝd šittawen n aman.»

ⵍⵍ ⵢⵙⴰ ⵍⵎⵙⵈ

⁷ ⴹⴾⵍ ⵎⵙⵍⵏⵜ ⵓⵍⵏ ⴶⵏⵓ «ⵙⵗⵎⵔⵜ ⵎⵛⵏⴰ ⵜⴶⵎⵙ ⴹⴾⵍ ⵓⴰ ⴹⵔ ⵂⵔ ⴹ ⵍⵓⵆ ⵙⴹⵓ ⵓⴰ ⴹⵗ ⵤⴶⵓ ⵛⵔⵗⵏⵜ⵰ ⵗⵀⴹⵜ ⵓⴰ ⴹⵈⵍⴾⵏ ⵌⵏⵓⵏ ⴹⵎⴹⵍ ⴹⴶⵔⵓ ⴹⵛⵜⵓⵏ ⵏⵎⵏ⵰»

Ǝnǝfilal 14:7 ပူးပေါင်းရင်းမြစ်များ

Matta 25:13

Igla Ɣaysa iššewal inn-asan: «Daɣ adi ǝnkǝdat, fǝlas wǝrmad tǝssânam ǝzǝl, za wala assaɣat ta du-z-asa.»

Luqa 17:18

Adis wǝr tan-iha i d-iqqâlan iggudǝy i Mǝššina ar ǝnaftaɣ wa?»

Igitan 14:15

«Xa meddan! Ma tǝtaggim da? Nakkanay wǝr nǝmos ar aytedan ǝn šilaten-nawan. Isalan n Ǝlinjil a dawan-du-neway fǝl ad tammazzayam d ǝlɣibada n ǝssǝnǝman, tutabam ǝs Mǝššina di n Amaɣlol a d-ixlakan ijǝnnawan d amaḍal ǝd gǝrwan d awa tan-ihan kul.

1 ⵀⵜⵔⵙ 4:7

Tǝzǝrǝst n ǝddǝnet tǝhôz. Ǝqqǝlat aytedan ǝlanen ǝzzǝbun tannadim daɣ man-nawan, fǝl ad tǝfrǝgam igi ǝn tǝwatriwen.

Ǝnǝfilal 11:13

Amazay wen da a daɣ iga amaḍal ǝnǝgǝynǝgǝy labasan, tǝbarajjat tǝzunt ta n marawat n ǝɣrǝm en, tǝzzar aba ǝssa gim n awedan daɣ ǝhluk wa igan den. Win d-ǝragnen daɣ awen, tǝggaz-tan tasa sǝksǝdat, ǝssǝɣmaran Mǝššina di n Ǝmǝli ǝn jǝnnawan.

Ǝnǝfilal 11:18

šimattiwen n ǝddǝnet iggâz-tanat alham labasan, mišan ǝmǝrǝdda alham wa nak a d-ewadan. Alwaq wa n ǝššǝriɣa ǝn nǝmmǝttan a d-osan. Alwaq ewad-du wa daɣ za tǝrzǝmaɣ y eklan-nak a tan-imosan ǝnnǝbitan, takfaq-qan arozan-nasan, ǝntanay ǝd mizdagan kul, d aytedan kul win miksadan-nak, gǝr win muzaran wala win tan-wǝr-nǝmos. Alwaq ewad-du wa n ǝhluk ǝn win hallaknen ǝddǝnet!»

Ǝnǝfilal 15:4

Ma imos wa ewadan a kay wǝr iksud ya Ǝmǝli? Ma imos wa wǝr za nǝssǝɣmǝr esǝm-nak? Fǝlas kay ɣas a imosan ǝmizdag. Amaran tawšeten kul a d-asinat, ǝɣbadnat-kay, fǝlas igitan-nak oɣâdnen a nafalalnen.»

Ǝnǝfilal 16:9

Tosa-du tuksay labasat ad tǝkaggay aytedan. Tǝzzar ad takasan tarna y esǝm ǝn Mǝššina s ǝnta a ixkaman daɣ alwabatan win, edag an a das-ǝtuban ǝssǝɣmǝran-tu.

Ǝnǝfilal 18:10

A dǝr-ǝs nǝmǝggǝgan, fǝl tǝksǝda n a tan-in-awǝd alɣazab wa zʼagu den. Ad gannin: «Xašša! Xašša wǝllen y ǝɣrǝm wa zǝwwǝran ǝn Babǝylon ilan tarna. Alwaq iyyanda ɣas a fǝl t-iwwǝddab Mǝššina!»

Ǝnǝfilal 18:17

Amaran alwaq iyyanda ɣas a fǝl aba tǝgǝrgist ten!» Aytedan kul win azzarnen y ǝɣlalan win aman ǝzzozalan-tan d aytedan kul win šakalnen fǝl gǝrwan win zawwarnen ǝd win maššaɣalan n ǝɣlǝlan n aman ǝd win ǝganen jola gǝr kallan ǝs tarrayt ǝn gǝrwan, ǝbdadan-in daɣ igǝg

Ǝnǝfilal 18:19

Sawaran iɣafawan-nasan aboqqa, hallin, ǝɣšâdan man-nasan wǝllen, sikarayan gannin: «Xašša! Xašša wǝllen y ǝɣrǝm wa zǝwwǝran a, s ǝnta a daɣ ǝggǝrgasan aytedan kul win ǝlanen iɣlalan n aman win zawwarnen, mišan alwaq iyyanda ɣas a fǝl iɣrad ahluk!»

Ǝnǝfilal 19:5

Igmad-du ǝmǝsli tǝxawit ta n taɣmar en, inna: «Agiwat tǝmmalen y Ǝmǝli-nana, ketnawan inaɣbidan-net, win t-ǝksudnen gǝr win wǝr nǝla almaqam wala win t-ǝlanen!»

Ǝnǝfilal 4:11

Ya Ǝmǝli-nana Mǝššina, kay a ihoran ǝd tanaya d ǝtǝwǝsǝɣmar, ǝd tarna, id kay a d-ixlakan ǝkkulluk n arat. Aratan kul ǝllan-tu ǝs tarrayt ǝn tara-nak, amaran kay a tan-d-ixlakan.

Ǝnǝfilal 4:9

Ǝssiggadan daɣ tǝmmalen ǝn tanaya ǝd saɣmar ǝd godan i Mǝššina, s ǝnta a iqqiman fǝl tǝxawit ta n taɣmar, ill-ay har faw.

Ǝnǝfilal 8:10

Insaɣ angalos wa n karad esǝk wa ittaf. Irtak-du ǝtri zǝwwǝran daɣ jǝnnawan, igân ǝbǝlǝzlǝz an abela ǝn tǝmsay, irtak fǝl tǝzunt ta n karadat ǝn gǝrwan win ǝngaynen, ǝd šittawen n aman.