Ǝnǝfilal 13:8 - Ǝlinjil ǝn Ɣaysa Ǝlmǝsix

⁸ Aytedan n ǝddǝnet kul ad t-ǝɣbǝdan ar win as ǝktaban esmawan-nasan daɣ ǝlkǝttab wa n tǝmǝddurt harwa ɣur ǝxluk n ǝddǝnet. Ǝlkǝttab en in Ǝjemar wa igzaman iqqal takutay.

ⵍⵍ ⵢⵙⴰ ⵍⵎⵙⵈ

⁸ ⵢⵜⴹⵏ ⵏⴹⵏⵜ ⴾⵍ ⴹ ⵜⵗⵀⴹⵏ ⵔ ⵓⵏ ⵙ ⴾⵜⵀⵏ ⵙⵎⵓⵏⵙⵏ ⴹⵗ ⵍⴾⵜⵀ ⵓⵏ ⵜⵎⴹⵔ⵿ⵜ ⵂⵔⵓⴰ ⵗⵔ ⵈⵍⴾ ⵏⴹⵏⵜ⵰ ⵍⴾⵜⵀⵏ ⵏ ⵌⵎⵔ ⵓⴰ ⴶⵤⵎⵏ ⵆⵍ ⵜⴾⵜⵢ⵰

Ǝnǝfilal 13:8 ပူးပေါင်းရင်းမြစ်များ

Matta 25:34

Den daɣ ad zʼanna nak an ǝmǝnokal i win ǝhanen aɣil-in: "Ayewat kawanay win as iga Abba-nin arraxmat, ad tǝgrǝwam taɣmar ta dawan-tǝtawasamatagat harwa ɣur ǝnǝtti n ǝddǝnet.

Luqa 10:20

Mišan a kawan-wǝr-isǝfǝliwǝs as ǝttâfan kǝlǝsuf tǝnna-nawan, kalar isǝffǝliwǝset-kawan akatab wa ǝgan ǝsmawan-nawan daɣ aljannat.»

Yaxya 1:29

As iga ǝzǝl wa hadan ogga Yaxya Ɣaysa izay-t-idu, tǝzzar inna: «Ǝnta den ajaɣol ǝn Mǝššina wa itakkasan ibakkadan daɣ ǝddǝnet.

Kǝl-Efez 1:4

Daɣ adi, ǝssǝnatanaɣ as harwa dat ǝxluk n ǝddǝnet a danaɣ-isannafran Mǝššina y ad nǝqqǝl i-net ǝs tarrayt n Ǝlmǝsix fǝl a dat-ǝs nǝqqǝl aytedan zaddognen wǝr iwer a imosan lahan, fǝl ad nagu tǝmǝddurt tǝha tara.

Kǝl-Filib 4:3

Amaran kay da, imosan ǝmidi-nin wa n tidǝt daɣ ǝššǝɣǝl, ǝgmâya daɣ-ak ad tilalaɣ i tǝdoden di ǝs maknan gar-essanat fǝlas ǝllilnat-i ǝs tǝbǝllant fǝl Ǝlinjil, nak ǝd Kǝleman ǝd midawan-in win hadatnen daɣ ǝššǝɣǝl s ǝsmawan-nasan ǝktâban daɣ ǝlkǝttab wa ǝhan ǝsmawan n aytedan win ǝgrawnen tǝmǝddurt ta tǝɣlalat.

Titǝs 1:2

Ǝmmǝk en daɣ as zʼagin attama ǝn tǝmǝddurt ta tǝɣlalat. Tǝmǝddurt ten, Mǝššina di wǝr nǝtǝggu bahu a igan arkawal-net dat ǝxluk n ǝddǝnet.

Ǝnǝfilal 12:15

Tǝzzar ifsa-du aššol aman ǝmosan zun agarew dǝffǝr tǝntut, fǝl a tat-ǝbǝtan.

Ǝnǝfilal 13:12

Iššǝšɣal tarna kul n ǝmudar wa azzaran a d-osan dat-ǝs, tǝzzar eway-du s amaḍal ǝd win t-ǝwarnen, as ǝssǝjadan y ǝmudar sǝksǝdan wa azzaran as izzay ǝbus-net imosan abus inaqqin.

Ǝnǝfilal 17:8

Ǝmudar sǝksǝdan wa toggeɣ ǝddi, kala ad t-illa, mišan ǝmǝrǝdda ab-as t-illa. Daɣ alwaq wǝr nǝggug, a d-igmǝd ǝɣǝɣi wa wǝr nǝla eder, akku edag n ǝhluk. Amaran aytedan n ǝddǝnet kul win as wǝr ǝkteban esmawan-nasan daɣ ǝlkǝttab wa n tǝmǝddurt harwa ɣur ǝnǝtti n ǝddǝnet, ad ǝqqǝnan ɣafawan-nasan as ǝnayan ǝmudar id kala ad t-illa, dǝffǝr adi ab-as t-illa, amaran ijwâr a d-osa.

Ǝnǝfilal 21:27

Wǝr tu-z-iggǝz a immidasan, wala deɣ i itamazalan talbast, wala bahu. Kalar wǝr tu-z-iggǝz ar win as ǝktaban ǝsmawan-nasan daɣ ǝlkǝttab wa n tǝmǝddurt n Ǝjemar.

Ǝnǝfilal 3:10

Dad zamas tǝlkâmam y awal-in omaran ǝs zǝmmerat, wǝdi nak da a kawan-agǝza daɣ tamert ta n jarrabatan win d-ǝzaynen ǝddǝnet ketnet, fǝl ad iqqǝl awen jarraba ǝgeɣ y aytedan n ǝddǝnet kul.

Ǝnǝfilal 3:20

Ǝnǝyat! Nak ǝlleɣ ɣur tǝsǝhǝrt n ahan takawkawaq-qat. As di-isla awedan, olam-i ehan, ad ǝggǝzaɣ aɣaywan-net, ǝdrǝwa dǝr-ǝs tǝmǝklawt.

Ǝnǝfilal 3:5

Ǝmmǝk en daɣ as wa d-ornan ad alsu tabdoq tǝgat tǝmǝllay tǝsiraqqet, amaran wǝr zʼǝmǝsaɣ esǝm-net daɣ ǝlkǝttab wa ǝhan ǝsmawan n aytedan win ǝgrawnen tǝmǝddurt ta tǝɣlalat. Ad ǝqbǝla dat Abba-nin, d angalosan-net âs awedan wǝdi i-nin.

Ǝnǝfilal 5:12

Ǝssiggadan gannin s ǝmǝsli issohen: «Ǝjemar wa igzaman iqqal takutay, ihor d agaraw ǝn tarna ǝd tǝgǝrgist ǝd masnat ǝd tǝɣurad d ǝtǝwǝsǝɣmar ǝd tanaya ǝd tǝmmalen!»

Ǝnǝfilal 5:13

Tǝzzar ǝsleɣ daɣ amazay wen da i tǝxǝllak kul daɣ jǝnnawan d amaḍal, ǝd daw amaḍal, ǝd gǝrwan, ganninat: «Tǝmmalen ǝd saɣmar ǝd tanaya ǝd tarna har faw in wa iqqiman fǝl tǝxawit ta n taɣmar d Ǝjemar!»

Ǝnǝfilal 6:1

Dǝffǝr awen oggeɣ Ǝjemar as olam talxatimt ta tazzarat daɣ šin ǝssayat, ǝsleɣ y iyyan daɣ ǝkkoz mudaran as inna s ǝmǝsli olân d eggag: «Iyyaw!»