Ǝnǝfilal 13:6 - Ǝlinjil ǝn Ɣaysa Ǝlmǝsix

⁶ Ad itakkǝs ǝmudar en tarna i Mǝššina, d adag wa iha, ǝd win ǝzdaɣnen ijǝnnawan kul.

ⵍⵍ ⵢⵙⴰ ⵍⵎⵙⵈ

⁶ ⴹ ⵜⴾⵙ ⵎⴹⵔⵏ ⵜⵔⵏⴰ ⵢ ⵎⵛⵏⴰ ⴹⴹⴶ ⵓⴰ ⵂⴰ ⴹⵓⵏ ⵤⴹⵗⵏⵏ ⵌⵏⵓⵏ ⴾⵍ⵰

Ǝnǝfilal 13:6 ပူးပေါင်းရင်းမြစ်များ

Matta 12:34

Xa taššolen šin da! Manǝmmǝk as za tannim a olaɣan, ǝnta kawanay tǝknâm tallabast? Wǝrgeɣ awa idkaran ǝwǝl n awedan, ǝnta a d-igammadan imi-net?

Matta 15:19

Ǝssǝnat as ǝwǝl ǝnta a du-gammadnat arak ǝnnǝyaten, d igi ǝn man, d igi n ǝzzǝna, d igi ǝn tǝdoden madeɣ igi ǝn meddan, ǝd šikra, ǝd tǝgǝyya ǝn bahu, ǝd šizmit.

Yaxya 1:14

Wa imosan Awal, iqqal awedan ixsar ɣur-na, ikna tǝla n ǝlxurma, imos mǝššis ǝn tidǝt. Nǝsinagra tanaya-net, tanaya ta igarraw Barar a n iyyanda ɣur Abba-net.

Kǝl-Ǝrrum 3:13

Šigarsaten-nasan ǝmosnat zun tǝsǝska ǝnnolamnen, ilsawan-nasan takarrasan sǝr-san aytedan, idǝlay-nasan wǝr ǝɣberan ar assam ǝn taššolt.

ⴾⵍⴾⵍⵙⵢⴰ 1:19

Aratan kul win ǝtawannanen s Ǝlmǝsix da, kul tidǝt id fǝlas Mǝššina iman-net a isaggatakken ǝs tara-net ǝsǝxsǝl ǝn tišit-net di tǝndat daɣ Barar-net,

ⴾⵍⴾⵍⵙⵢⴰ 2:9

Fǝlas Ǝlmǝsix ǝnta daɣ tǝɣǝssa-net a daɣ tǝɣsar tišit kul ǝn Mǝššina,

ⴾⵍⵗⵀⵔⵢ 9:2

Ahaket a itawakrasan, imosan ǝššin daggan. Edag wa azzaran ih-ay ǝsǝkbǝl ǝn fǝtǝlaten ǝd tabǝl ǝd tǝgǝlwen šin tat-ǝggarnen a d-ǝmmewaynen ǝmosnat šikutawen y Ǝmǝli. Edag wen esǝm-net Edag wa Zǝddigan.

ⴾⵍⵗⵀⵔⵢ 9:24

Amaran Ǝlmǝsix, wǝrgeɣ Edag wa Ogaran Tazdak ǝkrâsan aytedan imos ǝlmital ǝn wa n tidǝt a iggaz, kalar ijǝnnawan iman-nasan a iggaz, fǝl ad imǝl dat Mǝššina har ǝmǝrǝdda, imos almawakkil-nana.

Ǝnǝfilal 11:12

Ǝslan daɣ jǝnnawan y ǝmǝsli issohen igannu y ǝnnǝbitan win ǝššin: «Gazzayat-du sa da!» Ǝggǝzzayan ǝs jǝnnawan ǝhân ignawan, hânnayan-tan zǝnga-nasan.

Ǝnǝfilal 12:12

Dawatat daɣ adi ijǝnnawan ǝd win tan-ǝzdaɣnen! Mišan iket alɣazab ill-ay y amaḍal ǝd gǝrwan, id Iblis izzǝbbat-in sǝr-wan, ih-ay alham wǝllen, fǝlas alwaq ǝndǝrran a das d-iqqiman, amaran issân daɣ awen.»

Ǝnǝfilal 15:5

Dǝffǝr aratan win den, ǝswadaɣ oggeɣ edag wa zǝddigan n ahaket wa n ǝmǝnǝy as innolam daɣ jǝnnawan.

Ǝnǝfilal 18:20

«Dawatat ijǝnnawan! Aɣrǝm iɣrad ahluk! Dawatat kawanay da win ǝmosnen imizdagan ǝn Mǝššina ǝd nǝmmuzal d ǝnnǝbitan. Awalla, Mǝššina iwwǝddab aɣrǝm wa fǝl tǝkma ta dawan-iga.»

Ǝnǝfilal 21:3

Ǝsleɣ y ǝmǝsli issohen a d-igmâdan tǝxawit ta n taɣmar igannu: «Ǝmǝrǝdda ehan ǝn Mǝššina illa gǝr aytedan. A dǝr-san inǝmǝɣsǝr, ǝqqǝlan šimattiwen-net. Mǝššina iman-net as ɣur-san zʼimǝl, iqqǝl Ǝmǝli-nasan.

Ǝnǝfilal 4:1

Dǝffǝr awen ǝnaya tǝsǝhǝrt tǝnnolamat daɣ jǝnnawan. Ǝsleɣ y ǝmǝsli was ǝsleɣ dat awen, olân d anasaɣ n asak. Igann-i ǝmǝsli wen: «Gazzay-du sa da, a kay-assaknaɣ arat was kundaba iga dǝffǝr awa.»

Ǝnǝfilal 4:4

Tǝxawit ta n taɣmar en, ǝɣlaynat-tat sanatat tǝmǝrwen ǝn tǝxawit ǝn taɣmar d ǝkkozat, a fǝl ǝqqiman sanatat tǝmǝrwen n ǝmɣar d ǝkkoz ǝn samlalan, ǝssiwarnen šikǝbba ǝn taɣmar ǝgânen daɣ urǝɣ.

Ǝnǝfilal 5:13

Tǝzzar ǝsleɣ daɣ amazay wen da i tǝxǝllak kul daɣ jǝnnawan d amaḍal, ǝd daw amaḍal, ǝd gǝrwan, ganninat: «Tǝmmalen ǝd saɣmar ǝd tanaya ǝd tarna har faw in wa iqqiman fǝl tǝxawit ta n taɣmar d Ǝjemar!»

Ǝnǝfilal 7:15

Awen daɣ a fǝl ǝbdadan dat tǝxawit ta n taɣmar ǝn Mǝššina, ǝɣbâdan-tu ehad d azal daɣ adag-net wa n ǝlɣibada. Amaran wa iqqiman fǝl tǝxawit ta n taɣmar, a dǝr-san zʼinǝmǝxsǝran agǝz-tan.

Ǝnǝfilal 7:9

Dǝffǝr awen ǝlasaɣ asawad, oggeɣ tiddawat zǝwwǝrat wǝllen, as wǝr t-illa i ifragan ǝšidǝn-net. Tiddawat ten tǝga daɣ ɣǝrfan n ǝddǝnet kul, ǝd tawšeten kul, ǝd tǝmattiwen kul, d awalan kul win tawašawalnen. Ǝbdâdan dat tǝxawit ta n taɣmar, dat Ǝjemar, ǝzlâgan šikadkaden zagrotnen mallolnen, ǝttâfan ilǝdlad ǝn tagayt.