Ǝnǝfilal 13:10 - Ǝlinjil ǝn Ɣaysa Ǝlmǝsix

¹⁰ Kud kasaw a itaggaz awedan ad t-iggǝz. Kud ǝtǝwǝnɣa a zʼagu ǝs tǝzoli, a sǝr-ǝs itǝwǝnɣu. Win ǝmosnen imizdagan ǝn Mǝššina, alwaq-nasan da da wa n ǝšitǝy ǝn zǝmmerat d ǝzǝgzan.

ⵍⵍ ⵢⵙⴰ ⵍⵎⵙⵈ

¹⁰ ⴾⴹ ⴾⵙⵓ ⵜⴶⵤ ⵓⴹⵏ ⴹ ⵜⴶⵤ⵰ ⴾⴹ ⵜⵓⵏ⵿ⵗⴰ ⵤⴶⵓ ⵙ ⵜⵤⵍⵢ ⵙⵔⵙ ⵜⵓⵏ⵿ⵗⵓ⵰ ⵓⵏ ⵎⵙⵏⵏ ⵎⵤⴹⴶⵏ ⵏⵎⵛⵏⴰ ⵍⵓⵆⵏⵙⵏ ⴹⴰ ⴹⴰ ⵓⵏ ⵛⵜⵢ ⵏ⵿ⵤⵎⵔⵜ ⴹⵤⴶⵤⵏ⵰

Ǝnǝfilal 13:10 ပူးပေါင်းရင်းမြစ်များ

Matta 26:52

Tǝzzar inn-as Ɣaysa: «Suɣǝl takoba-nak tǝtǝrut, fǝlas aytedan kul win šaqqalnen ǝs takoba, takoba as zʼammatin.

Matta 7:2

Fǝlas ǝmmǝk was tǝxkamam, ǝnta as za tǝtǝwǝxkǝmam kawanay da, amaran tǝsǝkǝt tas tǝkkatam y aytedan, ǝnta as dawan-z-ikǝt Mǝššina.

Luqa 21:19

Zǝmmerat-nawan as za tagǝzam iman-nawan.

ⴾⵍⴾⵍⵙⵢⴰ 1:11

akn-iwan Mǝššina ǝsǝssuhi daɣ anamod kul ǝs tarna-net di maqqarat fǝl ad tilem zǝmmerat, tǝggǝz-kawan tazaydart, tǝggudǝyam ǝs man filawasnen y Abba wa kawan-issǝfragan agaraw daɣ tǝkasit ta issǝnsa daɣ taɣmar-net di tǝmosat ǝnnur tǝhat ijǝnnawan iskat y aytedan-net win ǝhanen tarrayt ta n Ǝlmǝsix.

ⴾⵍⵗⵀⵔⵢ 6:12

As tǝgam adi wǝr za tǝqqǝlam imǝssǝndad, kalar ad tattalalam win ǝgrawnen arraxmat tas itawagga arkawal-net ǝs tarrayt n ǝzǝgzan-nasan ǝd tǝzaydart-nasan.

Ǝnǝfilal 1:9

Nak Yaxya, amadray-nawan a mosa, ǝheɣ tǝssust zun ta daɣ tǝham, ǝdrâwa dǝr-wan Taɣmar ta n Mǝššina ǝd zǝmmerat. Awen kul ǝdrâwaq-qu dǝr-wan daɣ tǝrtǝyt ǝd Ɣaysa. Ǝheɣ akal imosan gǝrwǝtlan as itawannu Fatmos fǝlas emel a ǝgeɣ awal ǝn Mǝššina, ǝmosa deɣ tǝgǝyya n awa iga Ɣaysa.

Ǝnǝfilal 11:18

šimattiwen n ǝddǝnet iggâz-tanat alham labasan, mišan ǝmǝrǝdda alham wa nak a d-ewadan. Alwaq wa n ǝššǝriɣa ǝn nǝmmǝttan a d-osan. Alwaq ewad-du wa daɣ za tǝrzǝmaɣ y eklan-nak a tan-imosan ǝnnǝbitan, takfaq-qan arozan-nasan, ǝntanay ǝd mizdagan kul, d aytedan kul win miksadan-nak, gǝr win muzaran wala win tan-wǝr-nǝmos. Alwaq ewad-du wa n ǝhluk ǝn win hallaknen ǝddǝnet!»

Ǝnǝfilal 14:12

Alwaq wen ǝnta wa n zǝmmerat ǝn mizdagan ǝn Mǝššina, ǝbbirdagnen y alwajiban-net, ǝknân deɣ tǝlɣudǝla i Ɣaysa.»

Ǝnǝfilal 16:6

Fǝlas tanaɣla a ǝgan azni ǝn mizdagan d ǝnnǝbitan, amaran tǝkfeq-qan azni y ad t-ašwin, id ǝhoran dǝr-ǝs.»

Ǝnǝfilal 17:11

Ǝmudar sǝksǝdan was kala ad t-illa, abʼas t-illa ǝmǝrǝdda, ǝnta da ǝmǝnokal a imos. Ǝnta a imosan wa n ǝttam, idrâw deɣ ǝlmǝxsud iyyanda d ǝssa win hadatnen, amaran ad akku edag n ǝhluk.

Ǝnǝfilal 17:8

Ǝmudar sǝksǝdan wa toggeɣ ǝddi, kala ad t-illa, mišan ǝmǝrǝdda ab-as t-illa. Daɣ alwaq wǝr nǝggug, a d-igmǝd ǝɣǝɣi wa wǝr nǝla eder, akku edag n ǝhluk. Amaran aytedan n ǝddǝnet kul win as wǝr ǝkteban esmawan-nasan daɣ ǝlkǝttab wa n tǝmǝddurt harwa ɣur ǝnǝtti n ǝddǝnet, ad ǝqqǝnan ɣafawan-nasan as ǝnayan ǝmudar id kala ad t-illa, dǝffǝr adi ab-as t-illa, amaran ijwâr a d-osa.

Ǝnǝfilal 2:19

"Kawanay kǝl-Ǝlkǝnisat ta n Tǝyatir, ǝssânaɣ awa tǝtamazalam, ǝssâna daɣ tara ta kawan-tǝhat, d ǝzǝgzan-nawan d ǝššǝɣǝl-nawan ǝd zǝmmerat-nawan. Ǝssânaɣ deɣ as ǝššǝɣǝlan-nawan win ǝzraynen, ogaran win azzarnen.

Ǝnǝfilal 2:2

"Kawanay kǝl-Ǝlkǝnisat ta n Efez, ǝssâna daɣ mazalan-nawan, d ǝššǝɣǝlan win tǝgam, ǝd zǝmmerat-nawan. Ǝssânaɣ âs wǝr tǝqbelam inǝllubas, tǝtajarrabam deɣ win ǝnnanen ǝs bahu ǝmosan inǝmmuzal. Tǝsattaddam as bahu a taggin.

Ǝnǝfilal 3:10

Dad zamas tǝlkâmam y awal-in omaran ǝs zǝmmerat, wǝdi nak da a kawan-agǝza daɣ tamert ta n jarrabatan win d-ǝzaynen ǝddǝnet ketnet, fǝl ad iqqǝl awen jarraba ǝgeɣ y aytedan n ǝddǝnet kul.

Ǝnǝfilal 3:3

Daɣ adi, aktiwat Ǝlinjil was tǝslam d ǝsǝssǝɣri wa tǝgrawam. Aɣǝdat daɣ-as, tutabam. As wǝr tǝnkeram daɣ etǝs, a din-asaɣ ǝheɣ ǝlmital n abaydag, wǝr za tǝssǝnam alwaq wa daq-qawan in-z-ǝɣdǝra.