Ǝnǝfilal 1:7 - Ǝlinjil ǝn Ɣaysa Ǝlmǝsix

⁷ Ǝnta ǝddi a d-izayan ǝddi iha-du šignawen. Aytedan kul ad t-ǝnǝyan harkid win t-ǝdagnen saxxarabben-tu ǝs tǝzoli. Tawšeten n ǝddǝnet kul a fall-asnat tagu tǝfǝyyawt daɣ talɣa n awa t-igrawan. Awalla awen daɣ a igan. Amin!

ⵍⵍ ⵢⵙⴰ ⵍⵎⵙⵈ

⁷ ⵏ⵿ⵜⴰ ⴹⵢ ⴹⵤⵢⵏ ⴹⵢ ⵂⴹⵓ ⵛⴶⵏⵓⵏ⵰ ⵢⵜⴹⵏ ⴾⵍ ⴹ ⵜⵏⵢⵏ ⵂⵔⴾⴹ ⵓⵏ ⵜⴹⴶⵏⵏ ⵙⵈⵔⵀⵏ⵿ⵜⵓ ⵙ ⵜⵤⵍⵢ⵰ ⵜⵓⵛⵜⵏ ⵏⴹⵏⵜ ⴾⵍ ⴼⵍⵙⵏⵜ ⵜⴶⵓ ⵜⴼⵢⵓⵜ ⴹⵗ ⵜⵍⵗⴰ ⵏⵓⴰ ⵜⴶⵔⵓⵏ⵰ ⵓⵍⴰ ⵓⵏ ⴹⵗ ⴶⵏ⵰ ⵎⵏ⵰

Ǝnǝfilal 1:7 ပူးပေါင်းရင်းမြစ်များ

Matta 16:27

Ǝssǝnat as nak Ag Aggadǝm a d-asa ǝleɣ tanaya n Abba-nin, ǝddewa d angalosan-net, ǝddi amaran, awedan kul ad t-akfu maruzat n awa ewadan mazalan-net.

Matta 16:28

Ǝggǝyyeɣ ǝsilakanaɣ-awan as wiyyad daɣ aytedan win ǝbdadnen da wǝr tan-z-iba iket wǝr ǝnayan assa-nin nak Ag Aggadǝm ǝmosaɣ ǝmǝnokal.»

Matta 24:30

Ǝddi a du-za-tǝnǝfilǝl alɣalamat-in nak Ag Aggadǝm daɣ jǝnnawan. Šimattiwen kul n ǝddǝnet ad sǝkkirǝynat, tǝzzar ǝnǝynat-i nak Ag Aggadǝm as du-z-asa ǝheɣ šignawen, ǝkneɣ tǝla ǝn tarna ǝd tanaya.

Matta 25:31

Igla Ɣaysa iššewal inn-asan: «As d-ǝqqala nak Ag Aggadǝm ǝheɣ tanaya-nin, ǝddewa-du d angalosan kul, ad ǝqqama fǝl tǝxawit-in ta n tanaya.

Matta 26:64

Inn-as Ɣaysa: «Awalla kay iman-nak a innan adi. Amaran ǝmâlaɣ-awan as, a obazan ɣur ǝmǝrǝdda, a di-tǝnǝyam nak Ag Aggadǝm, ǝqqima daɣ ǝɣil n Ǝmǝli ǝn Tarna, tǝnǝyam-i deɣ ǝzaya-du, ǝwâra šigaraken a n jǝnnawan.»

Markus 13:26

alwaq wədi da ad za təwənǝya nak Ag Aggadəm as du-z-asa əheɣ šignawen, daɣ tarna-nin tagget, əd tanaya-nin,

Markus 14:62

Inn-as Ɣaysa: «Awalla əmosaq-qu; amaran a di-tənǝyam nak Ag Aggadəm əqqima daw əɣil n Ǝməli ən Tarna, tǝnǝyam-i deɣ ǝzaya-du, əheɣ igarakan əgmâda-du ijənnawan.»

Luqa 21:27

Alwaq wǝdi, a di-ǝnǝyan aytedan nak Ag Aggadǝm as du-z-asa, ǝheɣ tagarak, ǝleɣ tarna ǝd tanaya tagget.

Yaxya 19:34

Mišan idag iyyan daɣ sojitan win tasaga ǝn Ɣaysa s allaɣ-net, iffay-du daɣ-as ǝzni d aman.

Yaxya 19:37

Ǝlkǝttaban ih-en ǝntada as: «Ad ǝssǝdǝgan isawadan-nasan sa sǝr wa saxxarabben.»

1 ⴾⵍ⵿ⵜⵙⵍⵏⴾ 1:10

Tǝqqâlam deɣ y a d-ifǝl Barar-net Ɣaysa ijǝnnawan s ǝnta a d-issǝnkar daɣ tǝmattant, a danaɣ-agǝz daɣ alham ǝn Mǝššina ǝzǝl a ilkaman.

1 ⴾⵍ⵿ⵜⵙⵍⵏⴾ 4:17

Dǝffǝr adi nakkanay win d-ogaz alwaq wen nǝddar, a dǝr-san nidaw nǝmmidkal daɣ tǝgnawen, nǝssǝlkǝd y Ǝmǝli daɣ alhawa, nǝmǝl ɣur-ǝs har faw.

ⴾⵍⵗⵀⵔⵢ 10:29

Daɣ adi, ma dǝr zʼagdu attadib wa dǝr ihor awedan wa issǝknan iba ǝn safrar i Barar ǝn Mǝššina, issǝkna mǝlka y ǝzni ǝn tassaq wa t-izzǝzdagan, isammadray Infas wa Zǝddigan ihakkin arraxmat?

1 ⵢⵈⵢⴰ 3:2

Imaran-in nakkanay ǝmǝrǝdda bararan ǝn Mǝššina a nǝmos, amaran arat wa za nǝqqǝl dǝffǝr awa harwa da wǝr dana-d-inafalal. Nǝssân ɣas as Ǝlmǝsix as du-z-inǝfilǝl nola dǝr-ǝs, fǝlas anay a tu-za-nagu ǝnta iman-net.

Yuday 1:14

Ǝntanay da tǝqqal-tan batu ta iga ǝnnǝbi Xenok, imosan ahaya wa n ǝssa n Adǝm. Inna sǝr-san: «Ǝnǝy, Ǝmǝli a d-asu iddew ǝd tǝmǝrwen ǝn giman n angalosan,

Ǝnǝfilal 22:20

Wa igǝyyen fǝl aratan win, isattadd-en, inna: «Awalla, ǝzayaɣ-in tarmad.» Amin! Iyyaw, Ǝmǝli Ɣaysa!

Ǝnǝfilal 22:4

Aytedan win ǝhanen aɣrǝm wen ad ǝnǝyan udǝm n Ǝmǝli, iktǝb deɣ esǝm-net fǝl tǝkannaren-nasan.