ⴾⵍⴾⵍⵙⵢⴰ 3:3 - Ǝlinjil ǝn Ɣaysa Ǝlmǝsix

³ Fǝlas šilat n aytedan aba a tǝmosam abʼas tǝtamazalam aratan win tǝtamazalam ǝstizarat, amaran tǝmǝddurt-nawan tǝstâr s Ǝlmǝsix ɣur Mǝššina.

ⵍⵍ ⵢⵙⴰ ⵍⵎⵙⵈ

³ ⴼⵍⵙ ⵛⵍⵜ ⵏⵢⵜⴹⵏ ⵀⴰ ⵜⵎⵙⵎ ⵀⵙ ⵜⵜⵎⵤⵍⵎ ⵔⵜⵏ ⵓⵏ ⵜⵜⵎⵤⵍⵎ ⵙ⵿ⵜⵤⵔⵜ ⵎⵔⵏ ⵜⵎⴹⵔ⵿ⵜⵏⵓⵏ ⵜⵙ⵿ⵜⵔ ⵙⵍⵎⵙⵈ ⵗⵔ ⵎⵛⵏⴰ⵰

ⴾⵍⴾⵍⵙⵢⴰ 3:3 ပူးပေါင်းရင်းမြစ်များ

Matta 11:25

Igla Ɣaysa iššêwal inna: «Ǝgeɣ-ak tǝmmalen ya Abba, Ǝmǝli ǝn jǝnnawan d amaḍal fǝl aɣabar wa tǝgeɣ aratan win i musanan, ǝd malan ǝn tayttay, tǝsannafalalaq-qan y aytedan win wǝr nǝzlay ǝd bararan;

Yaxya 14:19

Dǝffǝr alwaq wǝr nǝggǝt, ǝddǝnet wǝr di-za-tǝlǝs anay; eges kawanay a di-tǝlǝsam anay fǝlas ǝddâra, kawanay da ad tǝddǝram.

Yaxya 3:16

Fǝlas, Mǝššina awa iga y ǝddǝnet daɣ tara ikfa Barar-net a n iyyanda fǝl ad iqqǝl as i sǝr-ǝs izzǝgzanan wǝr zʼihlǝk, kalar ad igrǝw tǝmǝddurt ta tǝɣlalat.

Yaxya 4:14

mišan i išwan aman win tu-z-akfa wǝdi immizzay ǝd fad, fǝlas a daɣ-as ǝqqǝlan adri ingayan s aman win hakkinen tǝmǝddurt ta tǝɣlalat.»

Yaxya 5:21

Ǝmmǝk wa daɣ-as d-isankar Abba inǝmmǝttan itaggu daɣ-san iman, ǝmmǝk wǝdi da as ihakku Barar ǝnta da tǝmǝddurt i was tat-ira.

Yaxya 5:24

«Ǝggǝyyeɣ ǝsilakanaɣ-awan as awedan kul wa issǝsaman i batuten-in, izzǝgzan ǝs wa di-d-izammazalan, wǝdi igrâw tǝmǝddurt ta tǝɣlalat. Wǝr zʼawwaddab, kalar tǝmattant a d-igmad ǝs tǝmǝddurt.»

Yaxya 5:40

eges wǝr tǝrem a di-du-takkim y ad tǝgrǝwam tǝmǝddurt.»

Kǝl-Ǝrrum 5:10

Fǝlas, dad zamas harwa nǝmos izǝnga ǝn Mǝššina da nǝga dǝr-ǝs alxer ǝs tarrayt ǝn tǝmattant ǝn Barar-net, manǝmmǝk as wǝr za nǝgrǝw efsan s ǝssǝbab ǝn tǝmǝddurt ǝn Barar-net ǝmǝrǝdda a dǝr-ǝs nǝga alxer.

Kǝl-Ǝrrum 5:21

Daɣ adi dad zamas abakkad ixkâm fǝl ǝddǝnet iddew ǝd tǝmattant, wǝdi arraxmat ǝn Mǝššina da ad tǝxkam tidaw ǝd taqqat fǝl a danaɣ-takfu tǝmǝddurt ta tǝɣlalat ǝs tarrayt n Ǝmǝli-nana Ɣaysa Ǝlmǝsix.

Kǝl-Ǝrrum 6:11

Daɣ adi kawanay da agiwat i man-nawan iduf n as aba-kawan daɣ batu ta n abakkad, tagim deɣ iduf n as tǝddâram i Mǝššina daɣ tassaq d Ǝlmǝsix Ɣaysa.

Kǝl-Ǝrrum 6:2

Kala kala! Nakkanay win ǝganen tǝmattant ta dana-tǝzammazzayat ǝd bakkadan, manǝmmǝk as za naglu daɣ igi-nasan?

Kǝl-Ǝrrum 8:2

Fǝlas tarna ta n Infas wa ihakkin tǝmǝddurt ihân Ɣaysa Ǝlmǝsix tǝsiddarfat-kay daɣ tarna ta n abakkad ǝd tǝmattant.

1 ⴾⵍⴾⵔⵏ⵿ⵜ 15:45

Adi a fǝl ǝnnan Ǝlkǝttaban: «Adǝm a d-azzaran y aytedan s ǝxluk, imal-tu iddâr,» mišan Adǝm wa n ǝššin s ǝnta wa ilkaman, a t-imosan Ǝlmǝsix, infas a imos, ihakkin tǝmǝddurt.

1 ⴾⵍⴾⵔⵏ⵿ⵜ 2:14

Mišan awedan wa wǝr nǝlkem ar i masnat ta n aggadǝm, wǝdi wǝr ifreg ad iqbǝl arat wa d-ifalan Infas di Zǝddigan ǝn Mǝššina, id ɣur-ǝs ǝmmǝskǝl a imos awen, wǝr ifreg ad t-agru fǝlas Infas di Zǝddigan ǝn Mǝššina a ihakkan ǝgǝrri-nnet.

2 ⴾⵍⴾⵔⵏ⵿ⵜ 5:14

Fǝlas tara ta danaɣ-iga Ǝlmǝsix a tǝnnodat daɣ arat kul wa nǝtaggu. Id nǝzzigzan as awedan iyyanda, a t-imosan Ǝlmǝsix, a immutan daɣ adag n aytedan kul; daɣ adi aytedan kul ǝddewan dǝr-ǝs daɣ tamattant ta iga.

2 ⴾⵍⴾⵔⵏ⵿ⵜ 5:7

Fǝlas awa nǝzzǝgzan as nǝlkam, wǝrgeɣ awa nǝhannay ǝs šittawen-nana.

ⴾⵍⴶⵍⵜⵢⴰ 2:20

Ǝddâra mišan abʼas imos as nak a iddaran, kalar Ǝlmǝsix a iddaran iha iman-nin. Ǝmǝrǝdda tǝmǝddurt-in ta n tišit n aggadǝm, ǝgeq-qat s ǝzǝgzan ǝs Barar ǝn Mǝššina as awa di-iga daɣ tara, iman-net a ikfa aba-tu daɣ adag-in.

Kǝl-Efez 3:9

Sǝnnǝfilǝla deɣ y aytedan [kul], ǝmmǝk was innǝzzam Mǝššina tarrayt ta, har tat-iɣrad ǝsǝkmǝl. Tarrayt ten, harwa daɣ tizarat a tat-iga Mǝššina a d-ixlakan arat kul, tǝmos ǝssir.

Kǝl-Filib 4:7

As iga adi, alxer wa ihakku Mǝššina, imosan alxer illân dǝnnǝg arat kul was ifrag awedan ǝgǝrri-net, ad agǝz iwallan-nawan ǝd medranan-nawan daɣ arat kul id tartǝyt a tǝgam d Ǝlmǝsix Ɣaysa.

ⴾⵍⴾⵍⵙⵢⴰ 1:5

Ǝzǝgzan wa ǝd tara ta, eraw-tan-du attama wa tǝgam daɣ Mǝššina, n awa dawan-issǝnsa daɣ aljannat. Attama wa tǝgam-tu ǝzǝl wa kawan-d-ewad Ǝlinjil, a imosan isalan win tidǝt ǝn Ɣaysa Ǝlmǝsix.

ⴾⵍⴾⵍⵙⵢⴰ 2:20

Azzama aba kawan-tǝnimannakam d Ǝlmǝsix, tǝtawaɣtasam-du daɣ taɣmaren ǝn kǝlǝsuf daɣ ǝddǝnet, daɣ adi mafel tǝlakkamam i batuten n ǝddǝnet, tǝqqabbalam ǝlqanunan ǝmosnen:

ⴾⵍⴾⵍⵙⵢⴰ 2:3

Ǝlmǝsix ǝnta ɣas a imosan tǝsassarut ǝn tǝgǝrgist a tǝmos tayttay ǝd masnat.

ⴾⵍⴾⵍⵙⵢⴰ 3:4

As d-itawasanafalal Ǝlmǝsix a imosan tǝmǝddurt-nawan, kawanay da a du-tǝtǝwǝsǝnǝfilǝlam dǝr-ǝs, tǝgrǝwam ǝlxurma-net.

ⴾⵍⵗⵀⵔⵢ 7:25

Daɣ adi ifrâg tehakkay n ǝlɣillas ikmâlan y aytedan win din-ǝzzǝhaznen iman-nasan Mǝššina ǝs tarrayt-net, id iddâr har faw, y ad iššâwal i Mǝššina s esǝm-nasan.

1 ⵀⵜⵔⵙ 3:4

Kalar ǝgmǝymat šihussay šin ǝɣbarnen daɣ ǝwǝl, s ǝntanatay a wǝr nǝgǝmmǝd, ǝmosnen talmat d ǝsǝnsi ǝn tayttay. Šihussay den da šin ǝknanen tǝla n almaqam ɣur Mǝššina.

1 ⵀⵜⵔⵙ 4:2

Awen daɣ a fǝlas a obazan ɣur azala, ad wǝr tǝlǝsam šiyyit ǝn man-nawan tǝlkamam i deranan win aggadǝm, kalar ǝlkǝmat i tara ǝn Mǝššina daɣ awa din-iqqiman daɣ tǝɣǝrras-nawan.

1 ⵢⵈⵢⴰ 3:2

Imaran-in nakkanay ǝmǝrǝdda bararan ǝn Mǝššina a nǝmos, amaran arat wa za nǝqqǝl dǝffǝr awa harwa da wǝr dana-d-inafalal. Nǝssân ɣas as Ǝlmǝsix as du-z-inǝfilǝl nola dǝr-ǝs, fǝlas anay a tu-za-nagu ǝnta iman-net.

Ǝnǝfilal 2:17

Wa isallin aslet y awa inna Infas wa Zǝddigan y Ǝlkǝnisaten! Wa d-ornan, ad t-akfaɣ manna tǝɣbârat, akfaq-qu deɣ tǝhunt mallat a fǝl iktâb esǝm aynayan as tu-wǝr-illa i t-issânan ar wa t-igrawan."»