ⴾⵍⴾⵍⵙⵢⴰ 3:15 - Ǝlinjil ǝn Ɣaysa Ǝlmǝsix

¹⁵ Alxer wa iga Ǝlmǝsix daɣ wallan-nawan ixkǝmet šinaden-nawan, fǝlas alxer wen da as kawan-d-iɣra Mǝššina fǝl ad tǝqqǝlam arat iyyanda, a das-tǝtigudǝyam.

ⵍⵍ ⵢⵙⴰ ⵍⵎⵙⵈ

¹⁵ ⵍⵈⵔ ⵓⴰ ⴶⴰ ⵍⵎⵙⵈ ⴹⵗ ⵓⵍⵏⵓⵏ ⵈⴾⵎⵜ ⵛⵏⴹⵏⵓⵏ ⴼⵍⵙ ⵍⵈⵔ ⵓⵏ ⴹⴰ ⵙ ⴾⵓⵏ⵿ⴹⵗⵔⴰ ⵎⵛⵏⴰ ⴼⵍ ⴹ ⵜⵆⵍⵎ ⵔⵜ ⵢⵏ⵿ⴹⴰ ⴹⵙ⵿ⵜⵜⴶⴹⵢⵎ⵰

ⴾⵍⴾⵍⵙⵢⴰ 3:15 ပူးပေါင်းရင်းမြစ်များ

Yaxya 14:27

Oyyeɣ-awan-du alxer, ǝkfeq-qawan alxer wa-nin; nak wǝr dawan-t-ǝkfeɣ ǝs tǝmǝwit tas tu-tǝhakku ǝddǝnet; ad wǝr tǝššǝwǝšam wala tǝggǝz-kawan tasa.

Yaxya 16:33

Ǝmâlaɣ-awan arat wa fǝl ad tǝgrǝwam alxer daɣ tǝrtǝyt ta dǝr-i tǝgam. Ad tǝnǝyam arkanay daɣ ǝddǝnet, ad wǝr tiksadam wala, fǝlas ǝddǝnet ǝrzêq-qat.»

Kǝl-Ǝrrum 1:21

id ǝssânan Mǝššina mišan wǝr das-ǝgen saɣmar wa dǝr ihor za wǝr das-ǝgen igodan. Kalar oyyan iman-nasan ǝssǝxrakan-tan medranan wǝr nǝnfa wala, ǝjawanken deɣ daɣ šiyyay id iwallan-nasan a ǝɣfalnen.

Kǝl-Ǝrrum 14:17

Fǝlas Taɣmar ta n Mǝššina wǝr tǝmos tettay wala tessay. Kalar taqqat a tǝmos d alxer ǝd tǝfalawist ǝs tarrayt n Infas wa Zǝddigan.

Kǝl-Ǝrrum 15:13

Ǝgmâya daɣ Mǝššina s ǝnta a ɣur d-iffal attama ketnet a kawan-akfu tǝfalawist d alxer ǝkmâlnen ǝs tarrayt n ǝzǝgzan-nawan fǝl ad tǝsǝnnǝhǝlam agaraw n attama ǝs tarna n Infas wa Zǝddigan.

Kǝl-Ǝrrum 5:1

Daɣ adi as nǝgraw taqqat dat Mǝššina s ǝzǝgzan-nana, wǝdi nǝgrâw alxer gar-enaɣ ǝd Mǝššina ǝs tarrayt n Ǝmǝli-nana Ɣaysa Ǝlmǝsix.

1 ⴾⵍⴾⵔⵏ⵿ⵜ 10:17

Id tagǝlla iyyadda a imos Ǝlmǝsix, nakkanay deɣ harkid igǝt-nana taɣǝssa iyyadda a nǝmos fǝlas ketnana nǝdrâw tagǝlla iyyadda ta.

1 ⴾⵍⴾⵔⵏ⵿ⵜ 7:15

Dǝr iga awen daɣ, wa daɣ-san wǝr nǝzzǝgzan, gǝr za alǝs wala tantut, as ira ǝmǝzzǝy ǝn wa hadan, ammazzayet dǝr-ǝs. Amadray daɣ ǝzǝgzan wǝdi, madeɣ tamadrayt tǝdi, wǝr t-idu-z-iqqǝl ǝššǝriɣa n adi, fǝlas Mǝššina, tǝmǝddurt iha alxer as ira a tat-tǝgâm.

2 ⴾⵍⴾⵔⵏ⵿ⵜ 4:15

Fǝlas awa ketnet tǝnfa-nawan a fǝl tu-nǝtaggu, fǝl a din-tawǝd arraxmat n Mǝššina aytedan aggotnen, igatan godan i Mǝššina, fǝl zazwar-net.

2 ⴾⵍⴾⵔⵏ⵿ⵜ 9:11

Awalla, Mǝššina a kawan-isǝbbǝlǝl daɣ arat kul fǝl ad tǝfrǝgam ad tallallem faw daɣ arat kul; awǝy-du adi s aytedan win as za nawǝy širgiten-nawan igi ǝn godan i Mǝššina.

Kǝl-Efez 4:16

Ǝnta en daɣ a isadwalan taɣǝssa ketnet, ǝnta deɣ a ɣur du-tǝgarraw tǝɣǝssa assahat-net, iga awen daɣ tara. Ǝnta deɣ a isannamannakan taɣǝssa tǝnamattaf ǝs sǝmmǝɣras ǝssohatnen fǝl ad tǝfrǝg tǝslǝt kul igi n ǝššǝɣǝl-net.

Kǝl-Efez 4:4

Taɣǝssa iyyadda a tu-tǝllat, d Infas iyyanda. Ǝmmǝk en daɣ as Mǝššina iɣr-iwan-du s ad tagim attama iyyanda, a t-imosan was du-tǝtawaɣram.

Kǝl-Efez 5:1

Dad zamas bararan ǝn Mǝššina ikna tara a tǝmosam, wǝdi ǝlkǝmat y almasal wa-net.

Kǝl-Efez 5:20

Tigudǝyat faw arat kul i Mǝššina di n Abba, s esǝm n Ǝmǝli-nana Ɣaysa Ǝlmǝsix.

ⴾⵍⴾⵍⵙⵢⴰ 2:7

Sǝssǝhǝtat daɣ-as iman-nawan. Ǝqqǝlat aytedan ǝkrâsnen daɣ-as, ǝssohatnen daɣ ǝzǝgzan-nasan, s ǝmmǝk was tǝtawasasaɣram, tǝqqǝlam deɣ aytedan ǝknanen dǝkkur n agoda y Ǝmǝli.

ⴾⵍⴾⵍⵙⵢⴰ 3:17

Arat kul wa tǝgannam ǝd wa tǝtaggam, mazalat-tu s esǝm n Ǝmǝli Ɣaysa, a sǝr-ǝs tǝtigudǝyam i Mǝššina di n Abba-nana.

1 ⴾⵍ⵿ⵜⵙⵍⵏⴾ 5:18

Ǝkkulluk n alxalat fall-awan tǝgat, ad tǝtigudǝyam i Mǝššina. Ǝnta ǝddi da arat wa fall-awan ira Mǝššina fǝlas tǝrtayam ǝd Ɣaysa Ǝlmǝsix.

1 ⵜⵎⵜⵢ 2:1

Ǝgmâya daɣ-wan daɣ adi ad tǝgammayam daɣ Mǝššina a iknan tumaɣlaten n aytedan, tǝtattaram, tǝtansayam-tu y aytedan kul, tǝtigudǝyam-as awa iga y akk awedan.

1 ⵜⵎⵜⵢ 6:12

Agu tǝbǝllant ta tolaɣat, tǝmosat aggaz n ǝzǝgzan. Ǝqbǝl tǝmǝddurt ta tǝɣlalat, fǝlas Mǝššina iɣr-ik y a tat-tǝgrǝwaɣ, amaran batu-net a daɣ tǝmalaɣ ǝzǝgzan-nak dat tǝgǝyyawen aggotnen.

ⴾⵍⵗⵀⵔⵢ 13:15

[Daɣ adi] iwâr-anaɣ ad nǝtaggu faw i Mǝššina šikutawen ǝs tarrayt ǝn Ɣaysa. Šikutawen šin ǝmosnat tǝmmalen, almaɣna šigaytalen a daɣ nǝqbâl dat awedan kul as ǝnta a imosan Ǝmǝli.

Ǝnǝfilal 7:12

gannin: «Amin! Tǝmmalen ǝd tanaya ǝd masnat ǝd godan d ǝtǝwǝsǝɣmar ǝd tarna ǝd fǝrregat, kul in Ǝmǝli-nana Mǝššina, har faw! Amin!»