ⴾⵍⴾⵍⵙⵢⴰ 3:12 - Ǝlinjil ǝn Ɣaysa Ǝlmǝsix

¹² Kawanay tǝhâm win d-isannafran Mǝššina, issǝwar-tan aganna ir-en. Daɣ adi tǝggǝzet-kawan tǝhanint, tilem iman mallolnen, tǝsǝllǝqqǝwam iman-nawan, talǝɣam, tǝggǝz-kawan tazaydart.

ⵍⵍ ⵢⵙⴰ ⵍⵎⵙⵈ

¹² ⴾⵓⵏⵢ ⵜⵂⵎ ⵓⵏ ⴹⵙⵏⴼⵔⵏ ⵎⵛⵏⴰ ⵙⵓⵔ⵿ⵜⵏ ⴶⵏⴰ ⵔⵏ⵰ ⴹⵗ ⴹⵢ ⵜⴶⵤⵜⴾⵓⵏ ⵜⵂⵏⵏ⵿ⵜ ⵜⵍⵎ ⵎⵏ ⵎⵍⵍⵏⵏ ⵜⵙⵍⵆⵓⵎ ⵎⵏⵓⵏ ⵜⵍⵗⵎ ⵜⴶⵤⴾⵓⵏ ⵜⵤⵢⴹⵔ⵿ⵜ⵰

ⴾⵍⴾⵍⵙⵢⴰ 3:12 ပူးပေါင်းရင်းမြစ်များ

Matta 24:22

Kundaba as adan win den ikf-en Ǝmǝli tǝzǝrǝst, wǝdi wǝr t-illa i daɣ-san du-z-irǝgan. Kalar ad tǝwǝzzǝgzǝlan fǝl ǝddǝlil n aytedan win tawasanafrannen.

Matta 24:24

Fǝlas ad t-ǝmǝlan ǝlmǝsixan ǝn bahu, ǝmǝlan-tu deɣ ǝnnǝbitan ǝn bahu. Ad taggin alɣalamaten simaklalnen, ǝd tǝlmǝɣjujaten ǝmmittaynen, har as ǝnnar ǝfragan awen, ǝssǝxrǝkan aytedan harkid win isannafran Mǝššina.

Matta 24:31

Tǝzzar insǝɣ in asak, zǝmmizǝla nak Ag Aggadǝm angalosan-in, ǝššidǝwan-du aytedan win ǝsannafrana daɣ tǝɣǝmmar an ǝkkozat n ǝddǝnet.»

Markus 13:20

Kundaba as adan win di ikf-en Ǝmǝli tǝzǝrǝst, wǝdi wər t-illa i daɣ-san du-z-irəgan. Kalar ad tǝwǝzzǝgzǝlan fǝl ǝddǝlil n aytedan win tawasanafrannen.»

Markus 13:22

Fǝlas ad t-ǝmǝlan ǝlmǝsixan ǝn bahu, ǝmǝlan-tu deɣ ǝnnǝbitan ǝn bahu. Ad taggin alɣalamaten ǝd tǝlmǝɣjujaten, har as ǝnnar ǝfragan awen, ǝssǝxrǝkan aytedan harkid win isannafran Mǝššina.

Markus 13:27

təzzar zǝmmizǝlaɣ angalosan ǝs tǝɣəmmar an əkkozat n ǝddǝnet, y a d-əššidəwan aytedan kul win sannafranaɣ.»

Luqa 1:78

Awen itagg-ay Ǝmǝli-nana Mǝššina fǝl ǝssǝbab ǝn tǝhanint tagget ta tu-tǝhat. Adi a fǝl dana-du-z-asu Ǝlmǝsix ola ǝd gǝmmud ǝn tǝfuk,

Luqa 18:7

Tordâm as Mǝššina wǝr zʼakfu aytedan win isannafran alxaq-nasan, tu-tansaynen hallan ehad ezal? Tordâm as a fall-asan-in isahhagu tadhǝlt-net?

Kǝl-Ǝrrum 1:7

Kattabaɣ-awan-in ketnawan kawanay a ǝhanen aɣrǝm n Ǝrrum tǝmosam win ikna Mǝššina tara tǝtiwaɣram s ad tizdagam. Ǝgmaya daɣ Mǝššina di n Abba-nana d Ǝmǝli Ɣaysa Ǝlmǝsix a dawan-igan arraxmat d alxer.

Kǝl-Ǝrrum 13:14

Kalar tǝqqǝlet tǝbdoq-nawan alxal wa n Ǝmǝli Ɣaysa Ǝlmǝsix. Ad wǝr tayyim tarrayt waliyyat y arak deranan win aggadǝm annadin daɣ-wan.

Kǝl-Ǝrrum 9:11

Mǝššina ila tarrayt-net tas isanafran aytedan. Ǝsǝnnǝfrǝn-net aytedan ilkâm i taɣaray ta tan-iga ǝs tarrayt-net, wǝrgeɣ imazalan-nasan. Fǝl ad isattaddu tarrayt ta d-iga den, tǝmosat arat isinafran, inna i Raqqiyetu harwa da wǝr ǝhǝwan bararan-net, wǝr ǝknen wala za wǝr t-ǝɣšedan: «Wa waššaran ad iqqǝl akli ǝn wa ǝndarran.»

1 ⴾⵍⴾⵔⵏ⵿ⵜ 13:4

Awedan wa taha tara, tǝh-ay tǝzaydart, olâɣ; wǝr iẓway y awedan waliyyan, wǝr itaggu ibaragan, wǝr idkel iman-net dǝnnǝg aytedan.

2 ⴾⵍⴾⵔⵏ⵿ⵜ 6:6

Nǝsaknu tišit-nana imaššaɣalan ǝn Mǝššina ǝs man zaddognen, ǝd masnat ta nǝgraw, ǝd tǝzaydart ta dana-tǝhat, ǝd man mallolnen. Nǝsakn-et deɣ ǝs tǝdhǝlt ta danaɣ-iga Infas wa Zǝddigan ǝd tara tǝgât s ǝwǝl iyyanda ta dana-tǝhat.

ⴾⵍⴶⵍⵜⵢⴰ 5:6

Fǝlas awedan was tǝlla tassaq gar-es d Ǝlmǝsix Ɣaysa, wǝr izlay ǝmǝnkǝd d iba-net. Wǝr ɣur-ǝs imos arat ar ǝzǝgzan. Ǝzǝgzan amaran tara a tu-tǝsaknit.

Kǝl-Efez 1:4

Daɣ adi, ǝssǝnatanaɣ as harwa dat ǝxluk n ǝddǝnet a danaɣ-isannafran Mǝššina y ad nǝqqǝl i-net ǝs tarrayt n Ǝlmǝsix fǝl a dat-ǝs nǝqqǝl aytedan zaddognen wǝr iwer a imosan lahan, fǝl ad nagu tǝmǝddurt tǝha tara.

Kǝl-Efez 4:2

Ǝqqǝlat faw aytedan wǝr nǝdkel iman-nasan, tilmadam, tǝqqǝlam imǝzǝzzǝydar. Nǝmǝqbǝlat gar-ewwan ǝs tara.

Kǝl-Efez 4:24

Zund ǝmmǝk as ilassu awedan tabdoq, tǝqqǝlet tǝbdoq-nawan alxal aynayan wa d-iga Mǝššina. Alxal wen, itinǝfilil daɣ taqqat ǝd tazdak šin tǝhakku tidǝt.

Kǝl-Efez 4:32

Tinǝmǝggiwat awa olaɣan gar-ewwan, akkiyyan iqqǝl awedan tǝha tǝhanint, lǝmmid i midiwan-net. Akkiyyan daɣ-wan isurǝfet i win hadatnen zund ǝmmǝk as dawan-isoraf Mǝššina ǝs tarrayt n Ǝlmǝsix.

Kǝl-Filib 1:8

Mǝššina issan as tara ta dawan-ǝgeɣ ketnawan Ɣaysa Ǝlmǝsix iman-net a du-tǝfal.

ⴾⵍⴾⵍⵙⵢⴰ 3:10

tǝzzar tǝgam daɣ-san ǝmǝrǝdda iyyat tǝzrâyat. Iman-nawan win ǝntanay a ǝtawašašaynaynen faw ǝs šašelan n Ǝmaxlak-nasan fǝl ad tilem masnat tǝndât ǝn Mǝššina.

1 ⴾⵍ⵿ⵜⵙⵍⵏⴾ 5:15

A tu-wǝr-imǝl awedan izzizalan tǝkma s iyyat, kalar gammayat faw igi n awa olaɣan, gǝr za gar-ewwan kawanay iman-nawan, wala deɣ gar-ewwan d awedan a iqqal.

2 ⵜⵎⵜⵢ 1:9

s ǝnta danaɣ-issǝfsan, ig-ana teɣaray zǝddigat, wǝrgeɣ fǝl ǝddǝlil ǝn mazalan-nana, kalar fǝl ǝddǝlil n awa issǝbdad Mǝššina ǝs tara-net, d arraxmat ta dana-tǝtawakfat ǝs tarrayt n Ǝlmǝsix Ɣaysa harwa dat axluk-net ǝddǝnet.

2 ⵜⵎⵜⵢ 2:10

Awen da fǝlas ǝddǝlil ǝn win isannafran Mǝššina a fǝl ǝzmara y arat ketnet, fǝl ad ǝgrǝwan ǝntanay da efsan ǝs tarrayt n Ǝlmǝsix Ɣaysa, ǝgrǝwan tanaya tǝɣlalat.

Titǝs 1:1

Awa nak Bulǝs, imosan akli ǝn Mǝššina, ǝmosa deɣ anammazul ǝn Ɣaysa Ǝlmǝsix. Issiwar-i Mǝššina ǝzuk n a d-awǝyaɣ ǝs tarrayt ta n ǝzǝgzan aytedan win isannafran; ǝssusǝnaq-qan tidǝt ta tan-za-tassaknit anamod was zʼagin tǝmǝddurt tǝnimannakat ǝd tara ǝn Mǝššina.

1 ⵀⵜⵔⵙ 1:2

di n Abba harwa dat alwaq ǝs masnat-net d ǝnnizam-net. Ig-en aytedan a sǝr-ǝs ǝskâtnen s ǝssǝbab n Infas wa Zǝddigan, fǝl ad abbardagan i Ɣaysa Ǝlmǝsix, tǝwǝzǝzdǝgan deɣ s ǝzni-net. Mǝššina ya tǝzizabbe-du fall-awan arraxmat, d alxer wǝr nǝla ǝddukad.

2 ⵀⵜⵔⵙ 1:10

Awen daɣ a fǝlas ǝgmâya daɣ-wan imǝdrayan-in, ad taknim ǝddǝguz wǝllen, tǝsǝssuhem teɣaray ta kawan-iga Mǝššina, d ǝsǝnnǝfrǝn wa kawan-iga. Fǝlas arat wǝdi as tu-tǝgam, wǝr dawan-ilkem ad tudâm daɣ a imosan tǝkma.

1 ⵢⵈⵢⴰ 4:19

Nakkanay tǝha tara iwallan-nana, fǝlas Mǝššina a danaɣ-iran ǝstizarat.

2 ⵢⵈⵢⴰ 1:13

Ǝhulan-kawan-in bararan ǝn tǝmidit-nawan ta tǝnnǝfranat.

Ǝnǝfilal 17:14

Ad ammagaran d Ǝjemar, mišan a tan-arnu arz-en, id ǝnta a imosan Ǝmǝli ǝn malan, imos ǝmǝnokal ǝn mǝnokalan. Aytedan win du-tawaɣranen, tawasanafranan ǝmosan alɣadilan, ad idawan d Ǝjemar daɣ tarna ta du-z-agu den.»