ⴾⵍⴾⵍⵙⵢⴰ 3:11 - Ǝlinjil ǝn Ɣaysa Ǝlmǝsix

¹¹ Daɣ tǝmǝwit ta tǝzrayat a, wǝr tu-tǝlla zǝlǝyat gǝr aytedan kul gǝr ǝqqalan Kǝl-Ǝlyǝhud wala win tan-wǝr-nǝmos, gǝr win ǝmmǝnkadnen wala win wǝr nǝmmǝnkad, gǝr ǝmosan iɣǝrab wala aljahilan, gǝr ǝmosan eklan wala ilallan, ǝlmǝxsud as ketnasan ǝhân Ǝlmǝsix di imosan arat kul.

ⵍⵍ ⵢⵙⴰ ⵍⵎⵙⵈ

¹¹ ⴹⵗ ⵜⵎⵓⵜ ⵜⴰ ⵜⵤⵔⵢⵜ ⴰ ⵓⵔ ⵜⵜⵍⴰ ⵤⵍⵢⵜ ⴶⵔ ⵢⵜⴹⵏ ⴾⵍ ⴶⵔ ⵆⵍⵏ ⴾⵍⵍⵢⵂⴹ ⵓⵍⴰ ⵓⵏ ⵜⵏⵓⵔⵏⵎⵙ ⴶⵔ ⵓⵏ ⵎⵏ⵿ⴾⴹⵏⵏ ⵓⵍⴰ ⵓⵏ ⵓⵔ ⵏⵎⵏ⵿ⴾⴹ ⴶⵔ ⵎⵙⵏ ⵗⵔⵀ ⵓⵍⴰ ⵍⵌⵂⵍⵏ ⴶⵔ ⵎⵙⵏ ⴾⵍⵏ ⵓⵍⴰ ⵍⵍⵏ ⵍⵎⵈⵙⴹ ⵙ ⴾⵜⵏⵙⵏ ⵂⵏ ⵍⵎⵙⵈ ⴹⵢ ⵎⵙⵏ ⵔⵜ ⴾⵍ⵰

ⴾⵍⴾⵍⵙⵢⴰ 3:11 ပူးပေါင်းရင်းမြစ်များ

Yaxya 14:23

Inn-as Ɣaysa: «Awedan wa di-iran, ad ittǝf awa ǝnne, ir-ay Abba-nin, nas-ay-du nǝmǝl ɣur-ǝs.

Yaxya 15:5

Nak a imosan esab n alɣanab, kawanay ilǝdlad-net. Wa dǝr-i igan tartǝyt ta dǝr-ǝs ǝge, a t-idu-tǝgmǝd tǝnfa tagget fǝlas as daɣ-i in-tǝqqǝtasam wǝr tǝfregam wala.

Yaxya 17:23

Nak ǝrtâya dǝr-san, kay tǝrtâya dǝr-i. Ǝqqǝlanet arat iyyanda ǝs tǝmǝwit tǝndât fǝl ad tǝssǝn ǝddǝnet as kay a di-d-izammazalan tǝgeɣ-asan deɣ tara ta di-tǝge.

Igitan 15:17

fǝl ad ǝgmǝyan aytedan win d-ǝqqimnen Ǝmǝli. Awalla šimattiwen kul šin wǝr nǝmos Kǝl-Ǝlyǝhud, ad ǝqqǝlnat tamattay-nin, ǝɣbadnat-i. Adi a inna Ǝmǝli wa igan aratan di kul",

Igitan 28:2

Ǝssǝknan-anaɣ aytedan n akal wen ǝlluɣ wǝr nǝla tulat. Ǝgan-ana ketnana marhaba, ǝssǝrɣan-ana temsay, fǝlas akonak a iffayan, iga deɣ asamed.

Igitan 28:4

As ǝnayan kǝl akal wen taššolt tǝkirayray daɣ ǝfus ǝn Bulǝs, ad tinǝmǝnnin: «Igmâd aššak as alǝs wen ǝmǝggi ǝn man a imos. Irag-du daɣ agaraw, mišan harwa da ilkâm-as ǝššǝriɣa, wǝr ira ad iddǝr.»

Kǝl-Ǝrrum 1:14

Tišit-in anammazul tǝsiwar-i ǝššǝɣǝl daɣ aytedan kul gǝr Kǝl-Ǝlyunan as ǝmoranat šittawen-nasan wala win tan-wǝr-nǝmos, gǝr win musanan wala win aljahilan.

Kǝl-Ǝrrum 10:12

Wǝr izlay wa imosan Ag Ǝlyǝhud wala wa tu-wǝr-nǝmos. Ketnasan Ǝmǝli-nasan iyyanda, ihakkin s ǝllǝllu-net taggast y aytedan kul win daɣ-as tat-ǝgmaynen.

Kǝl-Ǝrrum 3:22

Mǝššina iqabbal taqqat ǝs tarrayt n ǝzǝgzan ǝs Ɣaysa Ǝlmǝsix. Amaran aytedan win ǝzzǝgzannen kul iqabbal taqqat-nasan, fǝlas aytedan wǝr ǝzlayan:

Kǝl-Ǝrrum 3:29

Meɣ ak nǝga iduf n as Mǝššina Kǝl-Ǝlyǝhud ɣas as imos Ǝmǝli-nasan? Awak Mǝššina wǝr imos Ǝmǝli n aytedan win wǝr nǝmos Kǝl-Ǝlyǝhud? Awalla Ǝmǝli n aytedan kul a imos, harkid win wǝr nǝmos Kǝl-Ǝlyǝhud.

1 ⴾⵍⴾⵔⵏ⵿ⵜ 12:13

Fǝlas gǝr za nǝmos Kǝl-Ǝlyǝhud wala aytedan win wǝr tan-nǝmos, gǝr za nǝmos eklan wala illalan, Infas wa Zǝddigan wǝdi da, a daɣ nǝtawasalmaɣ ketnana, nǝqqal taɣǝssa iyyadda. Ketnana deɣ Infas wa Zǝddigan wǝdi da, a idnayan iwallan-nana.

1 ⴾⵍⴾⵔⵏ⵿ⵜ 14:11

Amaran as wǝr ǝssenaɣ iyyan daɣ-san, ad ǝqqǝlaɣ s awedan wa t-iššewalan awedan ǝn tama, iqqǝl-tu sǝr-i nak da.

1 ⴾⵍⴾⵔⵏ⵿ⵜ 7:19

Ǝmǝnkǝd wala iba-net wǝrgeɣ ǝnta a imosan arat, amazal s ammaran ǝn Mǝššina a t-imosan.

ⴾⵍⴶⵍⵜⵢⴰ 2:20

Ǝddâra mišan abʼas imos as nak a iddaran, kalar Ǝlmǝsix a iddaran iha iman-nin. Ǝmǝrǝdda tǝmǝddurt-in ta n tišit n aggadǝm, ǝgeq-qat s ǝzǝgzan ǝs Barar ǝn Mǝššina as awa di-iga daɣ tara, iman-net a ikfa aba-tu daɣ adag-in.

ⴾⵍⴶⵍⵜⵢⴰ 5:6

Fǝlas awedan was tǝlla tassaq gar-es d Ǝlmǝsix Ɣaysa, wǝr izlay ǝmǝnkǝd d iba-net. Wǝr ɣur-ǝs imos arat ar ǝzǝgzan. Ǝzǝgzan amaran tara a tu-tǝsaknit.

Kǝl-Efez 1:23

tǝmosat taɣǝssa-net. Taɣǝssa en amaran ǝnta a daɣ ikannu Ǝlmǝsix ǝlkamalat, ǝnta a ihan edag kul.

Kǝl-Efez 2:14

Ǝlmǝsix ǝnta a imosan alxer-nana, ǝnta a issǝrtayan Kǝl-Ǝlyǝhud ǝd win tan-wǝr-nǝmos ig-en arat iyyanda, irza taɣǝrt ta tan-tǝzammazzayat, ikkas ǝnǝmǝzǝnga gar-essan, ǝs tarrayt ǝn taɣǝssa-net ta ikfa fǝl tǝgǝttawt.

Kǝl-Efez 2:15

Arat wen ig-ay s ikus wa din-iga Ǝttawret d ǝlwajiban-net d ǝššǝrǝdan-net. Iga alxer gǝr Kǝl-Ǝlyǝhud ǝd win tan-wǝr-nǝmos ǝs tarrayt ǝn tassaq ta dǝr-san iga, ig-en tamattay iyyadda taynayat.

Kǝl-Efez 3:17

Onsâyaq-qu ad izdǝɣ Ǝlmǝsix daɣ wallan-nawan, ǝs tarrayt n ǝzǝgzan-nawan, id tǝqqalam aytedan zizawatnen wǝllen sihaddan deɣ fǝl tara.

Kǝl-Efez 3:6

Ǝssir wen ǝnta da: Aytedan win wǝr nǝmos Kǝl-Ǝlyǝhud, ǝd mǝzzǝgzan s Ǝlmǝsix win ǝmosnen Kǝl-Ǝlyǝhud ǝgrâwan tǝkasit, ǝqqalan taɣǝssa iyyadda, ǝqqalan deɣ arat iyyanda ǝs tarrayt ǝn tassaq ta ǝgan d Ǝlmǝsix daɣ arkawal wa ihan Ǝlinjil.

Kǝl-Efez 6:8

Tǝssanam as: Arat kul olaɣan wa iga awedan, ad igrǝw maruzat-net ɣur Ǝmǝli, gǝr imos awedan wen akli wala ǝllǝlli.

ⴾⵍⴾⵍⵙⵢⴰ 2:10

amaran kawanay win daɣ-as ǝnamannaknen tǝgrâwam arat kul ǝs tǝnǝddawt. Ǝnta a imosan eɣaf n ǝlxǝkuman kul ǝd tǝmǝnukǝla kul.

1 ⵢⵈⵢⴰ 5:20

Nǝssân as Barar ǝn Mǝššina osâ-du, amaran ǝnta a danaɣ-ikfan ǝgǝrri fǝl ad nǝssǝn Ǝmǝli wa n tidǝt, amaran nǝrtây d Ǝmǝli wa n tidǝt ǝs tarrayt ǝn Barar-net Ɣaysa Ǝlmǝsix. Ǝnta a imosan Ǝmǝli wa n tidǝt ihakkan tǝmǝddurt ta tǝɣlalat.

2 ⵢⵈⵢⴰ 1:9

Awedan kul wa inamaggagan d ǝsǝssǝɣri n Ǝlmǝsix wǝdi wǝr irtay ǝd Mǝššina. Amaran wa iglan ittâf ǝsǝssǝɣri wa, wǝdi irtây d Abba ǝd Barar-net.