ⴾⵍⴾⵍⵙⵢⴰ 2:2 - Ǝlinjil ǝn Ɣaysa Ǝlmǝsix

² Arat wa ǝgeq-qu fǝl tara n ad tilem kawanay dǝr-san ǝlhimmat, tǝnǝmǝrim gar-ewwan s ǝwǝl iyyanda, fǝl ad tǝsǝnnǝhǝlam gǝlleyat tǝndât ta ihakku ǝgǝrri ikkisawan, tǝssǝnam ǝssir ǝn Mǝššina wa imos Ǝlmǝsix.

ⵍⵍ ⵢⵙⴰ ⵍⵎⵙⵈ

² ⵔⵜ ⵓⴰ ⴶⵆⵓ ⴼⵍ ⵜⵔⴰ ⵏⴹ ⵜⵍⵎ ⴾⵓⵏⵢ ⴹⵔⵙⵏ ⵍⵂⵎⵜ ⵜⵏⵎⵔⵎ ⴶⵔⵓⵏ ⵙⵓⵍ ⵢⵏ⵿ⴹⴰ ⴼⵍ ⴹ ⵜⵙⵏⵂⵍⵎ ⴶⵍⵢⵜ ⵜⵏ⵿ⴹⵜ ⵜⴰ ⵂⴾⵓ ⴶⵔⵢ ⴾⵙⵓⵏ ⵜⵙⵏⵎ ⵙⵔ ⵏⵎⵛⵏⴰ ⵓⴰ ⵎⵙ ⵍⵎⵙⵈ⵰

ⴾⵍⴾⵍⵙⵢⴰ 2:2 ပူးပေါင်းရင်းမြစ်များ

Matta 11:25

Igla Ɣaysa iššêwal inna: «Ǝgeɣ-ak tǝmmalen ya Abba, Ǝmǝli ǝn jǝnnawan d amaḍal fǝl aɣabar wa tǝgeɣ aratan win i musanan, ǝd malan ǝn tayttay, tǝsannafalalaq-qan y aytedan win wǝr nǝzlay ǝd bararan;

Matta 11:27

«Arat kul ig-ay Abba-nin daɣ ǝfus-in, wǝr t-illa i issanan awa ǝmosa ar Abba, wǝr t-illa deɣ i issanan awa imos Abba ar nak an Barar-net d awedan was areɣ a das-tu-sǝnnǝfilǝla.

Matta 13:11

Ijjawwab-asan Ɣaysa inn-asan: «Taggaɣ-asan ǝlmitalan win, id kawanay tǝgrâwam masnat daɣ ǝssiran ǝn Taɣmar ta n jǝnnawan, ǝntanay amaran wǝr tat-ǝgrewan.

Luqa 1:1

Ya Tayofil wa ǝkneɣ saɣmar, aytedan aggotnen a ǝktabnen isalan n awa ɣur-naɣ igan, s ǝmmǝk iman-net was dana-tan-ǝssoɣalan aytedan win tan-ǝggǝyatnen ǝs šittawen-nasan harwa ɣur ǝnǝtti-nasan, ǝqqalan aytedan ǝšɣâlnen daɣ amel n awal ǝn Mǝššina. Awen da fǝl di-d-iggaz nak da, dǝffǝr as ǝššiggaraɣ isalan di kul s ǝlluɣ a d-ibazan ɣur ǝlǝsǝl-nasan, a dak-in-aga y-asan akatab innizzaman,

Yaxya 10:30

Nak d Abba arat iyyanda a nǝmos.»

Yaxya 10:38

Mišan dad imos as taggaq-qan, wǝdi kud sǝr-i wǝr tǝzzǝgzanam da, zǝgzǝnat kuddeɣ ǝs mazalan win tagga, fǝl ad tǝssǝnam, tassantim deɣ daɣ ǝgǝrri n as Abba irtây dǝr-i, nak deɣ ǝrtâya d Abba.»

Yaxya 16:15

Awa ila Abba ketnet i-nin nak da; adi a fǝl dawan-ǝnne, awa igraw Infas wa Zǝddigan daɣ awa ǝle a dawan-z-imǝl.»

Yaxya 17:3

Amaran tǝmǝddurt ta tǝɣlalat awa tat-imosan, ad inǝfilǝl y aytedan awa tǝmosa, kay a imosan Mǝššina wa n tidǝt; inǝfilǝl-asan ǝntada as Ɣaysa Ǝlmǝsix a du-tǝzammazala.

Yaxya 5:17

Mišan inn-asan Ɣaysa: «Abba-nin faw da išɣâl, daɣ adi nak da ǝšɣâla.»

Yaxya 5:23

fǝl ad ǝzzǝzwǝran aytedan kul Barar s ǝmmǝk was ǝzzǝzwaran Abba. Awedan kul wa wǝr nǝzzǝzwar Barar, wǝdi wǝr izzǝzwar Abba wa t-id-izammazalan.»

Yaxya 6:69

Nakkanay nǝzzigzan sǝr-ǝk, nǝssân as kay Ǝmizdag a d-ifâlan Mǝššina.»

Igitan 4:32

Ǝljǝmaɣat ta n mǝzzǝgzan ketnet tǝnimannak tǝmos arat iyyanda. Wǝr tan-iha i igannin awa ila, i-net ɣas-net, kalar ǝdrâwan arat kul wa ǝlan.

Kǝl-Ǝrrum 15:13

Ǝgmâya daɣ Mǝššina s ǝnta a ɣur d-iffal attama ketnet a kawan-akfu tǝfalawist d alxer ǝkmâlnen ǝs tarrayt n ǝzǝgzan-nawan fǝl ad tǝsǝnnǝhǝlam agaraw n attama ǝs tarna n Infas wa Zǝddigan.

Kǝl-Ǝrrum 16:25

Tǝmmalen i Mǝššina s ǝnta a ilan tarna n ad isǝssuhǝt ǝzǝgzan-nawan daɣ anamod inimannakan d Ǝlinjil-net wa ǝmala imos tǝlxutbat ta ǝge daɣ batu ǝn Ɣaysa Ǝlmǝsix. Inimannak deɣ awen d ǝssir ǝn Mǝššina wa danaɣ-inafalalan. Ǝssir wen, iɣbâr daɣ azzaman win okaynen.

Kǝl-Ǝrrum 2:4

Meɣ ak ǝsǝttǝlkǝk a tǝgeɣ ǝlluɣ ǝn Mǝššina, d ǝllǝllu-net, ǝd tǝzaydart-net, tǝqqima wǝr din-tǝgreɣ as ira a kay-isǝmmǝttǝy s ǝlluɣ-net tutaba?

1 ⴾⵍⴾⵔⵏ⵿ⵜ 14:31

Daɣ adi ketnawan tǝfrâgam ad tǝmmâlam s iyyan iyyan isalan win d-izazabbat Mǝššina y aytedan, y ad tǝsassaɣrim inalkiman kul, taknim-asan iman ketnasan.

1 ⴾⵍⴾⵔⵏ⵿ⵜ 2:12

Amaran nakkanay, wǝrgeɣ infas šilat ǝn wa n ǝddǝnet a nǝgraw, kalar infas wa d-ifalan Mǝššina a nǝgraw, fǝl ad nagru arraxmaten šin fall-ana d-izazzabbat Mǝššina.

ⴾⵍⴶⵍⵜⵢⴰ 3:28

Abʼas ǝzlayan Kǝl-Ǝlyǝhud, wala Kǝl-Ǝlyunan, wala eklan, wala ilallan, wala ǝzlâyan meddan ǝd tǝdoden, fǝlas ketnawan awedan iyyanda a tǝmosam daɣ tassaq d Ǝlmǝsix Ɣaysa.

Kǝl-Efez 1:7

Tartǝyt ǝd Barar-net en da a dana-tǝkfat tǝdarfit ǝs tarrayt n ǝzni-net. Tǝdarfit ten tǝmos tǝsureft ǝn bakkadan-nana, amaran nǝgrâw-tat s arraxmat ǝn Mǝššina wǝr nǝla ǝddukad

Kǝl-Efez 3:16

Awalla! Ǝgmâyaɣ daɣ-as ad aknu ǝssǝsuhi ǝn wallan-nawan ǝs tarrayt n Infas-net wa Zǝddigan s ǝssǝbab ǝn tanaya-net tǝkmâlat.

Kǝl-Efez 3:3

Almaɣna Mǝššina a di-isannafalalan ǝssir ǝn tarrayt ta d-iga, s ǝnta a ǝktaba da imos arat ǝn tǝfir.

Kǝl-Efez 6:22

Ǝgmâyaɣ-in ǝsuki wa dawan-t-in-z-aga, fǝl a dawan-agu isalan-nana, alǝm-awan fǝl man.

Kǝl-Filib 2:1

Dad zamas tǝnayam tǝsasmit ǝs tǝrtǝyt-nawan d Ǝlmǝsix, tǝnayam allam fǝl man wa du-tǝtaway tara-net, tǝnayam tassaq ta ihakku Infas wa Zǝddigan, tǝnayam deɣ tǝhanint d ǝlluɣ n Ǝlmǝsix,

Kǝl-Filib 3:8

Fadda wǝrge aratan win di ɣas, kalar arat kul ǝge daɣ-as asawad n as afanaz a di-imos fǝl ǝddǝlil n ǝdkul a dǝnnǝg wǝr illa iyyan a tǝga masnat n Ǝlmǝsix Ɣaysa, Ǝmǝli-nin. Ǝddǝlil-net fǝl ǝqbalaɣ a di-igmǝd arat kul, amaran arat kul ǝgeɣ-as iduf n as tajjargant a imos, fǝl ad ǝttǝya daɣ tarrayt n Ǝlmǝsix,

ⴾⵍⴾⵍⵙⵢⴰ 1:26

s a dawan-ǝsaffaggaɣ ǝssir wa iɣbar elan s elan. Mišan ǝmǝrǝdda ǝssir wa itawasanafalal i win das-ǝlkamnen,

ⴾⵍⴾⵍⵙⵢⴰ 1:27

ǝntanay as ira Mǝššina a tan-issusǝn daɣ igǝt wa dǝr ogda ǝdkul n ǝssir wa iqqalan šimattiwen n ǝddǝnet kul. Ǝssir wa imos-tu as: Ǝlmǝsix iɣsâr daɣ wallan-nawan adi da fǝlas illikan as ad tilem tadagart daɣ ǝlxurma ǝn Mǝššina.

ⴾⵍⴾⵍⵙⵢⴰ 1:9

Adi da fǝlas a kawan-nǝsla nǝtattar-awan ǝs Mǝššina. Nǝgammay daɣ-as a kawan-aknu ǝsusǝn ǝn tara-net, s a kawan-akfu s Infas Wa Zǝddigan, tayttay kul d ǝgǝrri.

ⴾⵍⴾⵍⵙⵢⴰ 2:19

amaran abʼas isassahat iman-net daɣ tǝrtǝyt d Ǝlmǝsix a imosan eɣaf ǝn tǝɣǝssa. Taɣǝssa ta kul ǝnta a tǝtittǝyat s Ǝlmǝsix s ǝmmǝk wa ira Mǝššina, s ǝnǝmǝnnak ǝn tǝsǝllad wa du-tawayan sǝmmǝɣras ǝd zǝrwan.

ⴾⵍⴾⵍⵙⵢⴰ 3:14

Aratan win kul agiwat tara dǝnnǝg-san, as tǝgam adi ad taknim ǝnǝmǝnnak.

ⴾⵍⴾⵍⵙⵢⴰ 4:3

A dana-tǝtaggim šiwatriwen nakkanay da fǝl a danaɣ-alǝm Mǝššina tarrayt n ǝzǝwwǝziwǝz ǝn salan n ǝssir-net a imos Ǝlmǝsix. Ǝssir wa ǝnta a imosan ǝddǝlil n ǝtǝwǝttaf-in daɣ kasaw ǝmǝrǝdda.

ⴾⵍⴾⵍⵙⵢⴰ 4:8

Adi da a fǝl as ǝgmâyaɣ-in ǝzǝmmizǝl wa t-in-ǝge sǝr-wan fǝl a dawan-agu isalan-nana, alǝm-awan fǝl man.

1 ⴾⵍ⵿ⵜⵙⵍⵏⴾ 1:5

Adi da fǝlas isalan n Ǝlinjil win dawan-nǝga, wǝr kawan-in-osen ǝmosan awal ɣas, kalar ǝmosan imazalan ǝn tarna, d ǝsǝggǝtǝkki zǝwwǝran win ihakku Infas wa Zǝddigan. Tǝssânam wǝllen imazalan win nǝga gar-ewwan fǝl agamay ǝn tǝnfa-nawan.

1 ⴾⵍ⵿ⵜⵙⵍⵏⴾ 3:2

Tǝzzar nǝzammazal-in amadray-nana Timotay, imosan ǝmadhal daɣ ǝššǝɣǝlan win Mǝššina, tan imosan ǝzǝwwǝziwǝz ǝn salan n Ǝlinjil n Ǝlmǝsix, y ad isǝssuhǝt ǝzǝgzan-nawan alǝm-awan fǝl man,

1 ⴾⵍ⵿ⵜⵙⵍⵏⴾ 5:14

Nǝgmay daɣ-wan deɣ imǝdrayan-nana, ad tǝraqqamam y aytedan win mǝssǝndad, tǝtaggim ǝnnǝsixatan olaɣnen i win ǝksannen iman, tǝdahhalam inǝrkam, tǝqqǝlam imǝzǝzzǝydar y aytedan kul.

1 ⵜⵎⵜⵢ 3:16

Igmâd aššak as ǝssir wa danaɣ-isannafalal Mǝššina a t-imosan Ǝlmǝsix, i zǝwwǝran: Inafalal imos awedan. Iggǝyyat Infas ǝn Mǝššina as oɣâd. Ǝnâyan-tu angalosan. Tiwaggan salan-net y aytedan win wǝr nǝmos Kǝl-Ǝlyǝhud. Ǝzzigzanan sǝr-ǝs aytedan daɣ ǝddǝnet ketnet. Immǝdkal ǝs jǝnnawan ǝs tanaya.

ⴾⵍⵗⵀⵔⵢ 10:22

Daɣ adi, zǝnnǝmihǝzatanaɣ iman-nanaɣ ǝd Mǝššina ǝs wallan ǝɣdâlnen, d ǝzǝgzan ikmâlan, fǝlas ǝtǝwǝzǝzdag a ǝgan wallan-nana daɣ igi n id t-illa arak ǝmedran, tǝtawašarad tǝɣǝssa-nana s aman win zaddognen.

ⴾⵍⵗⵀⵔⵢ 6:11

Mišan nǝsidaran âs akkiyyan daɣ-wan ad assaknu gǝlleyat tǝdi da har tǝzǝrǝst, fǝl ad tǝgrǝwam igi n attama indân.

2 ⵀⵜⵔⵙ 1:10

Awen daɣ a fǝlas ǝgmâya daɣ-wan imǝdrayan-in, ad taknim ǝddǝguz wǝllen, tǝsǝssuhem teɣaray ta kawan-iga Mǝššina, d ǝsǝnnǝfrǝn wa kawan-iga. Fǝlas arat wǝdi as tu-tǝgam, wǝr dawan-ilkem ad tudâm daɣ a imosan tǝkma.

2 ⵀⵜⵔⵙ 1:3

Ǝgeɣ-awan tǝwatray tǝdi fǝlas tarna ǝn Mǝššina as danaɣ-ihakku arat kul was nǝddǝrar y ad nagu tǝmǝddurt a daq-qu nǝksud. Ǝnta a danaɣ-iknan ǝsusǝn ǝn wa danaɣ-iɣran ǝs tanaya-net d ǝlluɣ-net.

2 ⵀⵜⵔⵙ 3:18

Kalar are daɣ-wan ad tǝššitim ǝzǝzzǝwi daɣ arraxmat ta tǝgrawam, ǝd masnat ǝn Ɣaysa Ǝlmǝsix, s ǝnta Ǝmǝli-nana n Ǝnǝssefsi-nana. Ǝnta a ilan tanaya ǝmǝrǝdda, il-et deɣ har faw. Amin!

1 ⵢⵈⵢⴰ 3:19

Tǝmǝwit ta da as nǝssan as aytedan ǝlkâmnen i tidǝt a nǝmos, daɣ adi wǝr danaɣ-iššǝwaš wala dat Mǝššina,

1 ⵢⵈⵢⴰ 5:7

Daɣ adi karadat tǝgǝyyawen a t-ǝllanen ǝmosnen: