ⴾⵍⴾⵍⵙⵢⴰ 1:5 - Ǝlinjil ǝn Ɣaysa Ǝlmǝsix

⁵ Ǝzǝgzan wa ǝd tara ta, eraw-tan-du attama wa tǝgam daɣ Mǝššina, n awa dawan-issǝnsa daɣ aljannat. Attama wa tǝgam-tu ǝzǝl wa kawan-d-ewad Ǝlinjil, a imosan isalan win tidǝt ǝn Ɣaysa Ǝlmǝsix.

ⵍⵍ ⵢⵙⴰ ⵍⵎⵙⵈ

⁵ ⵤⴶⵤⵏ ⵓⴰ ⴹⵜⵔⴰ ⵜⴰ ⵔⵓⵜⵏ⵿ⴹⵓ ⵜⵎⴰ ⵓⴰ ⵜⴶⵎ ⴹⵗ ⵎⵛⵏⴰ ⵏⵓⴰ ⴹⵓⵏⵙⵏ⵿ⵙⴰ ⴹⵗ ⵍⵌⵏⵜ⵰ ⵜⵎⴰ ⵓⴰ ⵜⴶⵎ⵿ⵜⵓ ⵤⵍ ⵓⴰ ⴾⵓⵏ⵿ⴹⵓⴹ ⵍⵏ⵿ⵌⵍ ⵎⵙⵏ ⵙⵍⵏ ⵓⵏ ⵜⴹⵜ ⵏ⵿ⵗⵢⵙⴰ ⵍⵎⵙⵈ⵰

ⴾⵍⴾⵍⵙⵢⴰ 1:5 ပူးပေါင်းရင်းမြစ်များ

Luqa 12:33

Zanzat-in awa tǝlam, tǝkǝtam-tu i tǝlaqqawen, tagim i man-nawan fartamanitan wǝr nǝtǝmǝndu, tǝššidǝwam daɣ jǝnnawan ǝrrǝzǝɣ wa wǝr nǝɣǝrrǝd, wǝr mad t-in-z-ihazan baydagan wala deɣ tǝɣšǝd-tu tamaday.

Igitan 10:36

Issoka-du Kǝl-Israyil awal-net imosan isalan n Ǝlinjil, ǝmmâlnen isalan n alxer wa ihakku Ɣaysa Ǝlmǝsix, ǝnta wa n Ǝmǝli n awedan kul.

Igitan 13:26

Imǝdrayan-in kawanay win hayawan n Ibrahim ǝd kawanay win wǝr nǝmos Kǝl-Ǝlyǝhud tǝksudam Mǝššina, isalan n ǝlɣillas wa, nakkanay as tan-d-issoka Mǝššina.

Igitan 23:6

Issân Bulǝs as tǝzunt n Asaggawar en iyyat Sadusaytan a daɣ tǝga, ta hadat Farisaytan; adi a fǝl idkal ǝmǝsli-net wǝllen dat Asaggawar, inna: «Imǝdrayan-in, nak Farisay a ǝmosa, erâwan wiyyad Farisaytan, wǝr d-ǝmmewaya s adag n ǝššǝriɣa wa, ar fǝlas ǝgeɣ attama daɣ as inǝmǝttan ilkâm a d-ǝnkǝran daɣ tamattant.»

Igitan 24:15

Ǝgêɣ attama wa daɣ Mǝššina, amaran ǝntanay da ǝgân-tu, a t-imos as tǝll-ay tanakra daɣ tamattant, gǝr za y aytedan win oɣadnen wala win wǝr noɣed.

Kǝl-Ǝrrum 10:8

Awak ma inna Awal ǝn Mǝššina daɣ batu ta? A inna: «Awal ihoz-kay, iha imi-nak, iha ǝwǝl-nak,» amaran awal wa batu n ǝzǝgzan a daɣ iššewal, ǝnta deɣ as nǝtaggu tǝlxutbat.

1 ⴾⵍⴾⵔⵏ⵿ⵜ 13:13

Amaran ǝmǝrǝdda karad aratan win, a t-ǝllanen, a tan-imosan: ǝzǝgzan d attama ǝd tara; mišan wa tan-ogaran tara.

1 ⴾⵍⴾⵔⵏ⵿ⵜ 15:19

Kud nakkanay attama-nana daɣ Ǝlmǝsix wǝr okay ǝddǝnet ta da ɣas, adi za wǝr t-illa awedan daɣ ǝddǝnet wǝr noger tǝla ǝn tǝhanint.

2 ⴾⵍⴾⵔⵏ⵿ⵜ 5:19

imosan as: Mǝššina eway-du alxer gar-es d ǝddǝnet ketnet ǝs tarrayt n Ǝlmǝsix, abʼas fall-asan ittaf ibakkadan-nasan. Ǝntanay da da isalan n igi n alxer win as danaɣ-inna a tan-nagu y aytedan.

2 ⴾⵍⴾⵔⵏ⵿ⵜ 6:7

Nǝsaknu tišit-nana imaššaɣalan ǝn Mǝššina s awal imosan tidǝt wa nǝmmâl, ǝd fǝrregat ta danaɣ-ikfa Mǝššina. Nǝsaknu tišit-nana imaššaɣalan ǝn Mǝššina ǝs tǝzoli n ǝmǝgǝr ta n taqqat tas za nammagar naggǝz iman-nana.

ⴾⵍⴶⵍⵜⵢⴰ 2:14

Mišan assaɣa wad ǝnayaɣ as wǝr zalalaɣan daɣ lǝkkum i tarrayt ǝn tidǝt ta n Ǝlinjil, ǝnneɣ i Qayfas dat mǝdrayan-nana kul: «Kay was imos ǝlǝsǝl-nak ag Ǝlyǝhud, tǝgeɣ tǝmǝddurt tolat ǝd ta n awedan wǝr nǝmos iyyan daɣ Kǝl-Ǝlyǝhud, toyyeɣ tarrayt ta n Ǝttawret. Daɣ adi manǝmmǝk as za tǝšǝhhǝššǝlaɣ aytedan win wǝr nǝmos Kǝl-Ǝlyǝhud lǝkkum y alɣadaten n Ǝttawret?»

ⴾⵍⴶⵍⵜⵢⴰ 2:5

Mišan aytedan win den wǝr dasan-nǝga wala arat n amazay ǝn tǝrǝddawt s awa ǝran. Arat wen nǝg-ay fǝl aggaz y-awan tidǝt ta n Ǝlinjil.

ⴾⵍⴶⵍⵜⵢⴰ 5:5

Nakkanay amaran tarrayt n Infas wa Zǝddigan as nǝssǝgad s ikus n aššak i taqqat tas nǝga attama n a danaq-qat-akfu ǝzǝgzan.

Kǝl-Efez 1:13

Kawanay da tǝslâm y awal wa imosan tidǝt a t-imosan isalan n Ǝlinjil win kawan-hakkinen ǝlɣillas ǝs tarrayt n Ǝlmǝsix. Amaran as tǝzzǝgzanam, wǝdi issǝwar-kawan Mǝššina ǝs tarrayt n Ǝlmǝsix ejwal issiknan âs tamattay-net a tǝmosam. Ejwal wen, imos-tu Infas wa Zǝddigan as iga arkawal-net.

Kǝl-Efez 4:21

Dad zamas tǝgrâwam isalan n Ǝlmǝsix, tǝtawasasaɣram daɣ tǝrtǝyt dǝr-ǝs, wǝdi tǝtiwasâsanam tidǝt ta tǝhât Ɣaysa.

ⴾⵍⴾⵍⵙⵢⴰ 1:23

kud imos as tǝglam tǝttâfam ǝzǝgzan-nawan, tǝzizawem daɣ-as iman-nawan, tǝzzikkem daɣ-as s assahat, wǝr tǝkkǝsem attama wa tǝgam as tǝslam y Ǝlinjil. Ǝlinjil wa, ittimalan y aytedan kul n ǝddǝnet, ǝnta as ǝqqala nak Bulǝs ǝmǝggi ǝn salan-net.

ⴾⵍⴾⵍⵙⵢⴰ 1:27

ǝntanay as ira Mǝššina a tan-issusǝn daɣ igǝt wa dǝr ogda ǝdkul n ǝssir wa iqqalan šimattiwen n ǝddǝnet kul. Ǝssir wa imos-tu as: Ǝlmǝsix iɣsâr daɣ wallan-nawan adi da fǝlas illikan as ad tilem tadagart daɣ ǝlxurma ǝn Mǝššina.

ⴾⵍⴾⵍⵙⵢⴰ 3:16

Iɣsǝret awal n Ǝlmǝsix daɣ wallan-nawan s igǝt. Ad tǝtinǝmǝsǝsǝɣrim, tǝtinǝmǝsǝnkidam gar-ewwan ǝs tayttay tǝndât, amaran ad tǝtaggim šigaytalen i Mǝššina ǝs man ǝglaynen, ǝd tǝmmalen, ǝd sakkan win d ǝgmadnen daɣ Infas Wa Zǝddigan. Ǝtaggat-tan fǝl ad tassaknim igodan-nawan i Mǝššina.

1 ⴾⵍ⵿ⵜⵙⵍⵏⴾ 2:13

Faw da nǝtigudǝy i Mǝššina fǝl ǝddǝlil n as tǝslam y awal-net wa dawan-nǝmal, tǝqbalam-tu, wǝr das-tǝgem iduf n as awal n aytedan, kalar tǝgam-as iduf n awa imos, a t-imosan awal ǝn Mǝššina a išɣalan daɣ wallan-nawan kawanay a sǝr-ǝs ǝzzǝgzannen.

2 ⴾⵍ⵿ⵜⵙⵍⵏⴾ 2:16

Amaran nǝgmây daɣ Mǝššina di n Abba-nana d Ǝmǝli-nana Ɣaysa Ǝlmǝsix iman-net danaɣ-ǝrânen, ǝkfân-ana s arraxmat tǝsasmit tǝɣlâlat d-igi n attama issohen,

1 ⵜⵎⵜⵢ 1:15

Batu ta, igmâd-tat aššak, tǝhor deɣ d i tat-izzǝgzanan ketnet tǝmosat as: Ǝlmǝsix Ɣaysa osâ-du ǝddǝnet fǝl ad assafsu inasbakkadan as nak eɣaf-nasan.

2 ⵜⵎⵜⵢ 4:8

Daɣ adi, awa obazan ɣur ǝmǝrǝdda, tǝtiwasans-i tǝkǝbbut ta n aqqad tǝmosat aroz ǝn wa d-ornan, s ǝnta di-z-akfu Ǝmǝli imosan ǝmašraɣ wa oɣadan, ǝzǝl a ilkaman. Wǝrgeɣ nak ɣas as tat-z-akfu, kalar a tat-akfu y aytedan kul win ǝqqalnen ǝs tara y ǝnǝfilal-net.

Titǝs 1:2

Ǝmmǝk en daɣ as zʼagin attama ǝn tǝmǝddurt ta tǝɣlalat. Tǝmǝddurt ten, Mǝššina di wǝr nǝtǝggu bahu a igan arkawal-net dat ǝxluk n ǝddǝnet.

ⴾⵍⵗⵀⵔⵢ 7:19

Ǝlqanun wa, wǝr d-issǝxsal arat waliyyan ikmâlan. Attama amaran wa danaɣ-itawakfan ofâ wa n ǝlqanun wen. Attama wa, ǝnta a danaɣ-issǝfragan ǝnǝmihaz ǝd Mǝššina.

1 ⵀⵜⵔⵙ 2:2

Awal ǝn Mǝššina zun ax wǝr nǝqqer a dawan-imos. Agiwat-as tara ta taggin bararan ǝs sǝket ǝhǝwan y ǝx, fǝl a kawan-issǝdwǝl daɣ tišit-nawan ǝlmǝsixitan.

1 ⵀⵜⵔⵙ 3:15

Zǝzwǝrat daɣ wallan-nawan Ǝlmǝsix imosan Ǝmǝli, tarḍim as ǝnta a imosan Ǝmizdag. Sǝmmutǝgat faw y ǝsǝssǝgri n awedan kul wa kawan-issǝstanan daɣ batu n attama wa tǝgam.

2 ⵀⵜⵔⵙ 1:12

Ǝnta da da ǝddǝlil wa fǝl kawan-du-saktaɣ har faw aratan win, kuddeɣ as tǝssânam-tan kala da tǝzizawem daɣ tidǝt ta tǝttafam.

1 ⵢⵈⵢⴰ 3:3

Aytedan win ǝganen attama wa, win di ǝzzizdagan iman-nasan s ǝmmǝk as zǝddig Ǝlmǝsix.