ⴾⵍⴾⵍⵙⵢⴰ 1:13 - Ǝlinjil ǝn Ɣaysa Ǝlmǝsix

¹³ Ǝnta a dana-d-ikkasan daɣ ǝlxǝkum n Iblis di imosân šiyyay ig-anaɣ daɣ wa n Barar-net Ɣaysa Ǝlmǝsix a ikna tara.

ⵍⵍ ⵢⵙⴰ ⵍⵎⵙⵈ

¹³ ⵏ⵿ⵜⴰ ⴹⵏⴹⴾⵙⵏ ⴹⵗ ⵍⵈⴾⵎ ⵏⵀⵍⵙ ⴹⵢ ⵎⵙⵏ ⵛⵢⵢ ⴶⵏⵗ ⴹⵗ ⵓⵏ ⵀⵔⵔⵏⵜ ⵗⵢⵙⴰ ⵍⵎⵙⵈ ⴾⵏⴰ ⵜⵔⴰ⵰

ⴾⵍⴾⵍⵙⵢⴰ 1:13 ပူးပေါင်းရင်းမြစ်များ

Matta 17:5

Harwada iššewal Butros as tan-tǝlsa tǝgarak tǝmilawlawat, təqqal-asan zun telay. Igmad ǝmǝsli tagarak ten, inna: «Awa Barar-in wa ǝkneɣ tara; ǝnta a d-issǝndan agna-nin. Sǝsǝmat-as!»

Matta 25:34

Den daɣ ad zʼanna nak an ǝmǝnokal i win ǝhanen aɣil-in: "Ayewat kawanay win as iga Abba-nin arraxmat, ad tǝgrǝwam taɣmar ta dawan-tǝtawasamatagat harwa ɣur ǝnǝtti n ǝddǝnet.

Matta 3:17

Igmad-du ǝmǝsli ijǝnnawan inna: «Ǝnta ǝddi Barar-in ǝkne tara, amaran ǝnta a d-issǝndan agna-nin.»

Luqa 13:24

«Imi ǝn Taɣmar ta n Mǝššina i kǝruzan, daɣ adi ballanat tǝgmǝyam d iguz-net. Ǝnneɣ-awan aytedan aggotnen a zʼǝgmǝynen d iguz-net, mišan a dasan-indǝr.

Luqa 22:53

Wǝrgeɣ ǝzǝl kul ǝrtâya dǝr-wan daɣ Ahan wa Zǝwwǝran n Ǝlɣibada mišan wǝr di-tobezam? Ǝmǝrǝdda za alwaq-nawan a d-ewadan, kawanay ǝd taɣmar ta n Iblis ǝd šiyyay-net.»

Yaxya 17:24

Abba, areɣ as win di-tǝkfe ad ǝggǝzan ǝntanay da edag wa ǝhe fǝl ad ǝhannayan tanaya ta di-tǝkfe fǝlas di-tare harwa dat ǝxluk n ǝddǝnet.

Yaxya 3:35

Abba ira Barar-net amaran aratan kul ig-en daɣ ǝfus-net.

Yaxya 5:24

«Ǝggǝyyeɣ ǝsilakanaɣ-awan as awedan kul wa issǝsaman i batuten-in, izzǝgzan ǝs wa di-d-izammazalan, wǝdi igrâw tǝmǝddurt ta tǝɣlalat. Wǝr zʼawwaddab, kalar tǝmattant a d-igmad ǝs tǝmǝddurt.»

Igitan 26:18

fǝl ad tara šittawen-nasan, tǝkkǝsaq-qan-du daɣ šiyyay s ǝnnur, ǝgmǝdan-du tarna ta n Iblis ǝlkǝman i Mǝššina, fǝl ad ǝgrǝwan tǝsureft ǝn bakkadan-nasan, ǝgrǝwan deɣ tadagart daɣ mizdagan ǝs tarrayt n ǝzǝgzan sǝr-i."

Kǝl-Ǝrrum 14:17

Fǝlas Taɣmar ta n Mǝššina wǝr tǝmos tettay wala tessay. Kalar taqqat a tǝmos d alxer ǝd tǝfalawist ǝs tarrayt n Infas wa Zǝddigan.

2 ⴾⵍⴾⵔⵏ⵿ⵜ 11:14

Wǝr iqqen adi eɣaf, fǝlas wala Aššaytan itaggu iman-net angalos n ǝnnur itâggin tidǝt.

2 ⴾⵍⴾⵔⵏ⵿ⵜ 4:4

Wǝr ǝzzǝgzanan fǝlas Iblis wa n ǝmǝli n ǝddǝnet ta, a tan-isaddarɣalan; igdal-asan anay n ǝnnur wa d-igammadan Ǝlinjil, ǝnnur wa isaknin tanaya n Ǝlmǝsix imosan šaššelan ǝn Mǝššina.

Kǝl-Efez 1:6

amaran ig-ay fǝl ad nǝmmâl tanaya-net d arraxmat-net tas danaɣ-isabbalal ǝs tarrayt ǝn Barar-net a ikna tara.

Kǝl-Efez 4:18

Tayttay-nasan wǝr tat-iha ǝnnur, ǝmosan inaftaɣan i tǝmǝddurt ta tǝssǝɣmarat Mǝššina s ǝssǝbab n ǝljǝhǝl-nasan a sǝr-san du-tewây taɣart ǝn wallan-nasan.

Kǝl-Efez 5:5

Fǝlas ǝssǝnat wǝllen as, awedan kul wa itaggin ǝzzǝna, wǝdi immidas, iga attama-net daɣ ǝrrǝzǝɣan n aytedan, almaɣna iɣbâd ǝssǝnǝman, wǝdi wǝr zʼigrǝw adagar waliyyan daɣ taɣmar ta n Ǝlmǝsix ǝd Mǝššina.

Kǝl-Efez 5:8

Fǝlas illikan âs dat awa kala ad tǝham šiyyay, mišan ǝmǝrǝdda tǝhâm ǝnnur daɣ tǝrtǝyt d Ǝmǝli. Agiwat alxal wa taggin aytedan ǝhanen ǝnnur,

Kǝl-Efez 6:12

id tǝbǝllant ta nǝga, wǝrgeɣ aytedan a dǝr tat-nǝga ǝmosnen taɣǝssa d ǝzni, kalar taɣmaren, d ǝlxǝkuman, ǝd muzaran ǝlanen tarna ǝd fǝrregat a tan-imosan taɣmaren šin ǝxkamnen daɣ šiyyay ǝd kǝl ǝtǝnkul win ǝhanen ijǝnnawan tawayan-du tǝkma a dǝr nǝmmǝgar.

1 ⴾⵍ⵿ⵜⵙⵍⵏⴾ 2:12

Nǝsimatar-kawan, nolam-awan fǝl man, nǝzzidgaz-kawan deɣ y ad tagim alxal wa ira Mǝššina s ǝnta a kawan-iɣran fǝl ad tǝggǝzam taɣmar-net ǝd tanaya-net.

ⴾⵍⵗⵀⵔⵢ 2:14

Daɣ adi, dad zamas bararan win olân, ǝgân daɣ azni ǝd tǝɣǝssa, wǝdi, Ɣaysa da iggâz alxalat ta ǝhan. Arat wen ig-ay, fǝl ad attaftaf ǝs tǝmattant-net wa ittafan tarna ǝn tǝmattant, a t-imosan Iblis,

1 ⵀⵜⵔⵙ 2:9

Kawanay amaran: «Tawšet tǝnnifranat a tǝmosam, tiddawat ǝn limaman ǝn Mǝššina di n Ǝmǝnokal, tǝmosam harwa da aɣrǝf iskatan ǝs Mǝššina, tǝmosam deɣ tamattay-net. Ikkas-kawan-du fǝl ad tǝmmalam igitan simaklalnen,» win iga id ǝnta a kawan-d-iɣran daɣ šiyyay, ig-iwan daɣ ǝnnur-net isinahalan ǝmǝlǝwlǝw.

2 ⵀⵜⵔⵙ 1:11

Ǝmmǝk en daɣ as za tagim agaraw ikmalan y iguz ǝn taɣmar tǝɣlalat n Ǝmǝli-nana, s ǝnta Ǝnǝssefsi-nana, a t-imosan Ɣaysa Ǝlmǝsix.

1 ⵢⵈⵢⴰ 2:8

Dǝr iga awen da ya ammar wa dawan-in-kattaba da aynay. Šinaya-net tǝtawahannay daɣ Ǝlmǝsix, tǝtawahannay deɣ daɣ-wan, fǝlas šiyyay a tamattatnen itimǝlǝwlǝw d ǝnnur wa n tidǝt.

1 ⵢⵈⵢⴰ 3:14

Nakkanay nǝssân as nǝgmâd-du tǝmattant ǝs tǝmǝddurt tǝzrâyat fǝlas imǝdrayan-nana daɣ ǝzǝgzan a nǝra. Awedan wa wǝr nǝra amadray-net daɣ ǝzǝgzan, wǝdi harwa da ǝnǝmmettǝn a imos.

1 ⵢⵈⵢⴰ 3:8

Wa itaggan ibakkadan Iblis as ilkam fǝlas Iblis ɣur ǝnǝtti ad iggaz šin igi ǝn bakkadan. Amaran Barar ǝn Mǝššina osâ-du fǝl ad izzǝrǝz ǝššǝɣǝl n Iblis.