2 ⵜⵎⵜⵢ 1:10 - Ǝlinjil ǝn Ɣaysa Ǝlmǝsix

¹⁰ Arraxmat ta isannafalal-tat-du ǝmǝrǝdda assa n Ǝnǝssefsi-nana Ǝlmǝsix Ɣaysa s ǝnta a ikkasan tarna daɣ tǝmattant, isammalawlaw tǝmǝddurt ta tǝɣlalat tas itaggu Ǝlinjil isalan-net.

ⵍⵍ ⵢⵙⴰ ⵍⵎⵙⵈ

¹⁰ ⵔⵈⵎⵜ ⵜⴰ ⵙⵏⴼⵍⵍ⵿ⵜⵜⴹⵓ ⵎⵔⴹⴰ ⵙⴰ ⵏⵏⵙⴼⵙⵏⵏⴰ ⵍⵎⵙⵈ ⵗⵢⵙⴰ ⵙ ⵏ⵿ⵜⴰ ⴾⵙⵏ ⵜⵔⵏⴰ ⴹⵗ ⵜⵎⵜⵏ⵿ⵜ ⵙⵎⵍⵓⵍⵓ ⵜⵎⴹⵔ⵿ⵜ ⵜⴰ ⵜⵗⵍⵍⵜ ⵜⵙ ⵜⴶⵓ ⵍⵏ⵿ⵌⵍ ⵙⵍⵏⵜ⵰

2 ⵜⵎⵜⵢ 1:10 ပူးပေါင်းရင်းမြစ်များ

Luqa 11:36

Amaran kud taɣǝssa-nak ketnet tǝha ǝnnur, wǝr tat-iha adag ihân šiyyay; wǝdi ad tǝmǝlǝwlǝw ketnet, zun tǝheɣ edag tǝsimalawlaw fǝtǝla.»

Luqa 13:7

Tǝzzar inna y amaššaɣal wa innǝttafan d afarag: "Ǝnǝy! Ǝmǝrǝdda karad elan a ǝgeɣ tasa-du, gammaya-du aratan n ašǝk wa, mišan wǝr kala daɣ-as ǝgrawa wala. Daɣ adi ǝɣtǝs-t-in! Ma ikannu daɣ amaḍal wǝr t-idu-tǝgǝmmǝd tǝnfa."

Luqa 2:11

Azalada Ǝmaɣlas-nawan ihǝw daɣ ǝɣrǝm n Dawǝd. Ǝnta a imosan Ǝlmǝsix Ǝmǝli.

Yaxya 1:9

Awal wa ǝnta a imosan ǝnnur wa n tidǝt, wa d-ikkan ǝddǝnet isimǝlǝwlǝw aytedan kul.

Yaxya 14:6

Inn-as Ɣaysa: «Nak a imosan tarrayt id ǝmosa tidǝt ǝmosa ǝntada wa ihakkan tǝmǝddurt. Awedan waliyyan wǝr in-z-awǝd Abba, ar ǝs tarrayt-in.

Yaxya 20:31

Eges arat wa t-ihan, itiwaktab fǝl ad tǝzzǝgzǝnam as Ɣaysa ǝnta a imosan Ǝlmǝsix, imos deɣ Barar ǝn Mǝššina, amaran, as sǝr-ǝs tǝzzǝgzanam ad tǝgrǝwam tǝmǝddurt s esǝm-net.

Yaxya 4:42

Tǝzzar ǝnnan i tǝntut: «Nakkanay sǝket nǝkna ǝzǝgzan fǝlas ǝstizarat kam ɣas a danaɣ-igan isalan, ǝmǝrǝdda iman-nana as das-nǝsla, amaran nǝssân as tidǝt as ǝnta a imosan Ǝnǝssefsi n ǝddǝnet.»

Yaxya 5:40

eges wǝr tǝrem a di-du-takkim y ad tǝgrǝwam tǝmǝddurt.»

Igitan 13:23

Ihayawan-net a daɣ d-ikkas Mǝššina Ɣaysa s ǝnta a imosan Ǝmaɣlas was iga arkawal-net i Kǝl-Israyil.

Igitan 5:31

Ǝnta a da, a idkal Mǝššina ig-ay daɣ ǝɣil-net, ig-ay Ǝmuzar d Ǝmaɣlas y ad igrǝw i Kǝl-Israyil tarrayt ǝn tǝtubt, ǝgrǝwan tǝsureft ǝn bakkadan-nasan.

Kǝl-Ǝrrum 16:26

Mišan ǝmǝrǝdda sannafalalan-tu Ǝlkǝttaban win d-ǝzzǝbbatnen fǝl ǝnnǝbitan. Mǝššina di n Amaɣlol a omaran s ad inǝfilǝl awen i tawšeten n ǝddǝnet ketnasnat fǝl a sǝr-ǝs ǝzzǝgzǝnat abbardagnat-as.

Kǝl-Ǝrrum 2:7

Win ǝganen tǝzaydart za daɣ ǝmazal n awa olaɣan, gammayan s awen ǝtǝwǝsǝɣmǝr ɣur Mǝššina, d ǝdkul, gammayan tǝmǝddurt ta wǝr nǝɣǝrrǝd, win di ad tan-akfu Mǝššina tǝmǝddurt ta tǝɣlalat.

Kǝl-Ǝrrum 3:31

Daɣ adi wǝrgeɣ emes a din-nǝtaggu ǝššǝriɣa nǝtaggu ǝzǝgzan daɣ adag-net. Kalar ǝsǝttǝddi a nǝtaggu ǝššǝriɣa.

Kǝl-Ǝrrum 6:6

Nǝssân daɣ adi âs aggadǝm was kala a tu-nǝmos, wǝdi itawataytay fǝl tǝgǝttawt iddew d Ǝlmǝsix. Ǝmmǝk en daɣ as tǝmust-nana ta tǝrǝwat ǝn tišit ǝn nasbakkadan tǝhlak, ab-as tu-tǝlla, nakkanay deɣ nǝmmǝzzay d ǝkkǝlu, a t-imosan tišit ǝn nasbakkadan.

1 ⴾⵍⴾⵔⵏ⵿ⵜ 15:26

Azangaw-net was zʼizrǝy s ahluk-net, tamattant.

1 ⴾⵍⴾⵔⵏ⵿ⵜ 4:5

Daɣ adi ad wǝr tǝssǝwǝram awedan waliyyan lahan dat tawaɣlay n Ǝmǝli s ǝnta a zʼassaknin ezal a mallan arat kul wa itawaggan daɣ ǝssir, isǝffǝggu awa ihan iwallan n aytedan. Alwaq wǝdi, awedan kul ad igrǝw ɣur Mǝššina tǝmmal ta dǝr ihor.

2 ⴾⵍⴾⵔⵏ⵿ⵜ 5:4

Tidǝt as ihǝktan win nǝha ǝmǝrǝdda ǝmosan-ana šilat n ǝzuk zǝwwǝran a danaɣ-isihǝnǝffen, eges wǝrgeɣ fǝl aššaddat ǝn tara n ǝmǝzzǝy dǝr-san, kalar fǝl aššaddat ǝn tara n iguz ǝn tǝɣǝswen-nana šin jǝnnawan, fǝl ad tǝlmǝz tǝɣǝssa ta tǝɣlalat, ta wǝr nǝɣlel.

ⴾⵍⴶⵍⵜⵢⴰ 5:4

Tǝmmizzayam d Ǝlmǝsix kawanay win gammaynen taqqat ǝs lǝkkum y ǝššǝriɣa; aba fall-awan arraxmat ǝn Mǝššina.

Kǝl-Efez 1:18

Gammaya daɣ-as deɣ ad alǝm iwallan[-nawan] fǝl ad tǝknim ǝgǝrri n awa imos attama was kawan-iɣra, tǝssǝnam deɣ awa dǝr ogdanat tǝhussay ǝn saɣmar wa igarraw Mǝššina ɣur-na nakkanay a n mizdagan,

Kǝl-Efez 1:9

Awen ig-ay s ǝsusǝn wa daɣ-na iga ǝssir ǝn tara-net. Ǝssir wen imos ǝšidǝw n aratan kul win ǝhanen ijǝnnawan ǝd win ǝwarnen amaḍal fǝl ad ittǝf Ǝlmǝsix tanat-nasan. Tarrayt ten ig-et-du harwa a irǝwan s ǝssǝbab n Ǝlmǝsix, amaran awen da das-igrazan. Igâ awen fǝl ad assandu tarrayt ten daɣ alwaq wa das-iskat.

2 ⴾⵍ⵿ⵜⵙⵍⵏⴾ 2:8

Amaran inǝfilǝl-du In-Tajat mišan as d-osa Ǝmǝli Ɣaysa a daɣ-as ikkǝs iman s Infas-net, assabu tamayyamayt-net s ǝmǝlǝwlǝw n assa-net.

2 ⵜⵎⵜⵢ 1:1

Awa nak Bulǝs, anammazul ǝn Ɣaysa ǝs tǝrǝddawt ǝn Mǝššina. Iwâr-i amel ǝn tǝmǝddurt tas danaɣ-itawagga arkawal-net ǝs tarrayt ǝn tǝrtǝyt d Ǝlmǝsix Ɣaysa.

2 ⵜⵎⵜⵢ 1:8

Daɣ adi a kay-wǝr-tǝggǝz tǝkarakit n ad tǝtagayye fǝl Ǝmǝli-nana, wala deɣ isǝkkǝrukǝd-kay iguz-in kasaw fǝl ǝddǝlil-net. Kalar nǝrtǝyet daɣ alɣazab wa tagga daɣ tarrayt n Ǝlinjil, iga awen ǝs tarna ǝn Mǝššina

2 ⵜⵎⵜⵢ 4:1

Onsayaq-qay fǝl udǝm ǝn Mǝššina, d Ǝlmǝsix Ɣaysa, s ǝnta a zʼišrǝɣan win ǝddarnen ǝd win aba d udǝm n ǝnǝfilal n Ǝlmǝsix ǝd taɣmar-net as:

2 ⵜⵎⵜⵢ 4:8

Daɣ adi, awa obazan ɣur ǝmǝrǝdda, tǝtiwasans-i tǝkǝbbut ta n aqqad tǝmosat aroz ǝn wa d-ornan, s ǝnta di-z-akfu Ǝmǝli imosan ǝmašraɣ wa oɣadan, ǝzǝl a ilkaman. Wǝrgeɣ nak ɣas as tat-z-akfu, kalar a tat-akfu y aytedan kul win ǝqqalnen ǝs tara y ǝnǝfilal-net.

Titǝs 2:11

Ǝnta arraxmat ǝn Mǝššina tǝnifalal, tewây-du efsan y aytedan kul.

Titǝs 2:13

Arat wa a tu-nagu nǝssigad, nǝga attama n ǝzǝl isifalawasan, imosan ǝnǝfilal n ǝdkul ǝn Mǝššina di maqqaran, a t-imosan Ǝnǝssefsi-nana Ɣaysa Ǝlmǝsix.

Titǝs 3:4

Mišan assaɣa wad tǝnafalal ǝnniɣmat ǝn Mǝššina di n Ǝnǝssefsi ǝd tara-net y aytedan,

ⴾⵍⵗⵀⵔⵢ 10:32

Aktiwat-du azzaman win azzarnen, dǝffǝr as kawan-ikfa Mǝššina ǝnnur-net, tǝmmiqqasam d alɣazab labasan, ǝd tǝbǝllant tǝssohet,

2 ⵀⵜⵔⵙ 1:1

Awa nak Simɣon Butros, wa n ǝkli d anammazul ǝn Ɣaysa Ǝlmǝsix, a din-ihulan aytedan kul win ǝgrawnen ǝzǝgzan ilân almaqam zun wa nǝgraw. Ǝzǝgzan wa, nǝgraw-tu ǝs taqqat n Ǝmǝli-nana, n Ǝnǝssefsi-nana Ɣaysa Ǝlmǝsix.

2 ⵀⵜⵔⵙ 1:11

Ǝmmǝk en daɣ as za tagim agaraw ikmalan y iguz ǝn taɣmar tǝɣlalat n Ǝmǝli-nana, s ǝnta Ǝnǝssefsi-nana, a t-imosan Ɣaysa Ǝlmǝsix.

2 ⵀⵜⵔⵙ 1:3

Ǝgeɣ-awan tǝwatray tǝdi fǝlas tarna ǝn Mǝššina as danaɣ-ihakku arat kul was nǝddǝrar y ad nagu tǝmǝddurt a daq-qu nǝksud. Ǝnta a danaɣ-iknan ǝsusǝn ǝn wa danaɣ-iɣran ǝs tanaya-net d ǝlluɣ-net.

2 ⵀⵜⵔⵙ 2:20

Kud aytedan win ǝssannen Ǝmǝli-nana Ɣaysa Ǝlmǝsix, imosan Ǝnǝssefsi-nana, namaggagan ǝd tajjarganen n ǝddǝnet, dǝffǝr adi amaran oyyan iman-nasan ǝqqalan tajjarganen šin den, adi za tawarnan. Alxalat ta ǝggazan den tǝššam-as fadda ta d-ǝgmadan ǝs tizarat.

2 ⵀⵜⵔⵙ 3:18

Kalar are daɣ-wan ad tǝššitim ǝzǝzzǝwi daɣ arraxmat ta tǝgrawam, ǝd masnat ǝn Ɣaysa Ǝlmǝsix, s ǝnta Ǝmǝli-nana n Ǝnǝssefsi-nana. Ǝnta a ilan tanaya ǝmǝrǝdda, il-et deɣ har faw. Amin!

2 ⵀⵜⵔⵙ 3:2

Ǝddi ad za taktim awalan win as kala tan-ǝgan ǝnnǝbitan a zaddognen. Taktim deɣ alwajib wa dawan-ǝmalan nǝmmuzal-nawan. Alwajib wa, ifâl-du wa imosan Ǝmǝli, imos deɣ Ǝnǝssefsi.

1 ⵢⵈⵢⴰ 1:2

Wa imosan tǝmǝddurt, itawasanafalal-du nǝnay-tu nǝggǝyat-as, amaran nǝmmâl-awan tǝmǝddurt ta tǝɣlalat tas kala tǝlla ɣur Abba. Tǝmǝddurt ta ǝmǝrǝdda tǝtawasanafalal-ana-du.

1 ⵢⵈⵢⴰ 4:14

Abba issigla-du Barar-net fǝl ad iqqǝl Ǝnǝssefsi n ǝddǝnet. Nǝnây-tu ǝs šittawen-nana, nǝtagayyat deɣ awen.

Ǝnǝfilal 18:1

Dǝffǝr awen oggeɣ angalos iyyan ilân taɣmar wǝllen itazabbat-du daɣ jǝnnawan, imalawlaw amaḍal ketnet s ǝnnur ǝn tanaya-net.

Ǝnǝfilal 2:7

Wa isallin aslet y awa inna Infas wa Zǝddigan y Ǝlkǝnisaten: 'Wa d-ornan, ad t-aššatšaɣ ara n ašǝk wa n tǝmǝddurt, ihân aljannat ǝn Mǝššina.'"»

Ǝnǝfilal 20:14

Tǝtawagar tǝmattant d alaxirat daɣ aɣazar ǝn tǝmsay. Aɣazar ǝn tǝmsay wen ǝnta a imosan Jahannama.

Ǝnǝfilal 22:14

Ǝbbilalan win rabbaznen šikadkaden-nasan zazdagan-tanat fǝl ad ǝgrǝwan alxaq daɣ ašǝk wa n tǝmǝddurt, ǝggǝzan deɣ aɣrǝm wa zǝddigan en ǝs tǝsǝhar šin as itawaggaz!

Ǝnǝfilal 22:17

Inna Infas wa Zǝddigan ǝd tǝntut ta n tǝmazlayt: «Asa-du!» I isallin kul anniwet: «Iyyaw!» Wa iffudan kul asiwet-du. I iran adi kul ašwet aman win sidurnen tawagrawnen wala inazzan!