2 ⴾⵍⴾⵔⵏ⵿ⵜ 3:7 - Ǝlinjil ǝn Ɣaysa Ǝlmǝsix

⁷ Ǝnnizam n ǝlqanun amaran wa d-itawayan tamattant s aytedan, isǝlluman ǝn tǝhun a fǝl iktab. Izizzabbat-t-idu Mǝššina fǝl Musa daɣ ǝnnur, s awa iga daɣ assahat, indar i Kǝl-Israyil ad ǝswǝdan daɣ udǝm-net. Ǝnnur en da za arat ilakkayan a imos.

ⵍⵍ ⵢⵙⴰ ⵍⵎⵙⵈ

⁷ ⵏⵤⵎ ⵏⵍⵆⵏⵏ ⵎⵔⵏ ⵓⴰ ⴹⵜⵓⵢⵏ ⵜⵎⵜⵏ⵿ⵜ ⵙⵢⵜⴹⵏ ⵙⵍⵎⵏ ⵏ⵿ⵜⵂⵏ ⴼⵍ ⴾⵜⵀ⵰ ⵤⵤⵀⵜⴹⵓ ⵎⵛⵏⴰ ⴼⵍ ⵎⵙⴰ ⴹⵗ ⵏⵔ ⵙⵓⴰ ⴶⴰ ⴹⵗ ⵙⵂⵜ ⵏ⵿ⴹⵔ ⵢ ⴾⵍⵙⵔⵢⵍ ⴹ ⵙⵓⴹⵏ ⴹⵗ ⴹⵎⵏⵜ⵰ ⵏⵔⵏ ⴹⴰ ⵤⴰ ⵔⵜ ⵍⴾⵢⵏ ⵎⵙ⵰

2 ⴾⵍⴾⵔⵏ⵿ⵜ 3:7 ပူးပေါင်းရင်းမြစ်များ

Igitan 6:15

Ǝgaran aytedan ketnasan win asaggawar šittawen daɣ Ǝstefanos, iqqal sǝr-san udǝm-net zun in angalos.

Kǝl-Ǝrrum 10:4

Ǝlmǝsix ǝnta a imosan tǝsǝxtǝmt n ǝššǝriɣa y ad iqqǝl as aytedan kul win sǝr-ǝs ǝzzǝgzannen ad ǝgrǝwan taqqat dat Mǝššina.

Kǝl-Ǝrrum 4:15

Fǝlas ǝššǝriɣa itaway-du tǝmazrǝyt id wǝr nǝfreg a t-idu-nǝsandu, tǝmazrǝyt amaran tǝtaway-du alham. Amaran edag wa wǝr iha ǝššǝriɣa, wǝdi wǝr tu-za-tǝggǝz tǝmazrǝyt.

Kǝl-Ǝrrum 5:20

Ǝššǝriɣa amaran osâ-du fǝl ad tǝttǝy tǝmazrǝyt wǝllen. Mišan ibakkadan as ǝggǝtan daɣ adag a dǝnnǝg-san du-tǝssǝfǝl arraxmat ǝn Mǝššina.

Kǝl-Ǝrrum 7:10

nak amaran ab-i. Alwajiban win as a ihoran âs tǝmǝddurt as ǝtawayan, nak tǝmattant as di-ewayan

Kǝl-Ǝrrum 7:22

Ǝfrâya daɣ ǝwǝl-in y as areɣ ǝššǝriɣa ǝn Mǝššina,

Kǝl-Ǝrrum 7:5

Harwa ad nǝlkâm i deranan ǝn wallan-nana, ǝhân-anaɣ arak deranan win d-itaway ǝššǝriɣa, ǝttâfan tanat ǝn tǝsǝllad-nana fǝl a du-nǝsaxsal aratan win tawaynen ǝs tǝmattant.

1 ⴾⵍⴾⵔⵏ⵿ⵜ 13:10

Mišan as du-tosa alkamalat, awa wǝr nǝkmel ad iba tamayyamat-net.

2 ⴾⵍⴾⵔⵏ⵿ⵜ 3:3

Tǝssîknam deɣ tišit-nawan širawt n Ǝlmǝsix, tǝktâbat s ǝššǝɣǝl-nana, wǝr nǝkteb ǝs taddawat, kalar Infas ǝn Mǝššina di iddaran ǝs tǝktab; wǝr tǝkteb fǝl ǝsǝllum ǝn tǝhunt, kalar iwallan a daɣ tǝktab.

2 ⴾⵍⴾⵔⵏ⵿ⵜ 3:6

Ǝnta deɣ a danaɣ-issǝfragan ad nǝqqǝl imaššaɣalan n arkawal ǝn tassaq ta taynayat, wǝr nǝmos ǝlqanun iktâban fǝl sǝlluman, kalar tassaq a imos iktâb Infas wa Zǝddigan daɣ wallan n aytedan; fǝlas ǝlqanun wa irǝwan iktâban fǝl sǝlluman, tamattant a d-itaway s aytedan, amaran tassaq ta iktab Infas wa Zǝddigan daɣ ǝwǝl, tǝmǝddurt a sǝr-san du-tǝtaway.

2 ⴾⵍⴾⵔⵏ⵿ⵜ 3:8

Ǝngǝm-in za ǝnnizam wa d-ifalan Infas wa Zǝddigan, iktaban daɣ wallan n aytedan, iššaqal daɣ-san! Manǝmmǝk as wǝr zʼagǝr wen tanaya?

ⴾⵍⴶⵍⵜⵢⴰ 3:10

Amaran aytedan win saffallanen fǝl lǝkkum-nasan y ǝššǝriɣa wa n Ǝttawret, win di tǝsǝlkamt-nasan tulɣant, fǝlas ǝnnan Ǝlkǝttaban: «Tǝwǝret tulɣant awedan kul wa wǝr nǝbbǝrdag faw y ǝššǝrǝdan kul win ǝktabnen daɣ Ǝttawret.»

ⴾⵍⴶⵍⵜⵢⴰ 3:21

Awak almaɣna n awen as ǝššǝriɣa immizray arkawalan ǝn Mǝššina? Kala Kala! Wǝr ilkem ad iga adi! Fǝlas ǝnnar d-itiwakfa ǝššǝriɣa iyyan ihakkan tǝmǝddurt taynayat, wǝdi illikan as lǝkkum y ǝššǝriɣa as za tǝtǝwǝgrǝw taqqat.

ⴾⵍⵗⵀⵔⵢ 12:18

Amaran, wǝrgeɣ arat as ifrâg awedan edes-net a din-tǝhozam, zun tǝmsay tǝmihandarat, madeɣ šiyyay, madeɣ ǝhu, madeɣ tazǝkkay, zun awa ǝgan Kǝl-Israyil daɣ taneɣay.

ⴾⵍⵗⵀⵔⵢ 3:3

Amaran, itiwaxkam-as âs ihor ǝd tanaya tǝknât šigrat ǝn ta n Musa, zund ǝmmǝk âs ǝmakras n ahan, ogar ehan iman-net almaqam.

ⴾⵍⵗⵀⵔⵢ 9:4

Edag wen ih-ay majmar n urǝɣ a fǝl tawasaqqadan aḍutan win ǝzodnen. Ill-ay deɣ ǝssǝnduq wa n tassaq ilsân urǝɣ. Ǝssǝnduq wen ih-ay ǝɣǝzu n urǝɣ ihâ amensay wa n Manna, tah-ay deɣ tallaq ta n Harun tǝnzârat, ǝd sǝlluman ǝššin win fǝl iktab arkawal ǝn tassaq.