2 ⴾⵍⴾⵔⵏ⵿ⵜ 3:18 - Ǝlinjil ǝn Ɣaysa Ǝlmǝsix

¹⁸ Nakkanay ketnana win as itawakkas ǝfǝr wen fǝl udmawan-nana, nǝswâd daɣ tanaya n Ǝmǝli šilan n as iswad awedan daɣ šišet. Isamattay-ana Ǝmǝli, s ǝnta Infas a imos, s ǝššǝɣǝl wa itaggu daɣ wallan-nana, išašal-ana ǝd man-net, tǝtittǝy daɣ-na tanaya-net.

ⵍⵍ ⵢⵙⴰ ⵍⵎⵙⵈ

¹⁸ ⵏⴾⵏⵢ ⴾⵜⵏⵏⴰ ⵓⵏ ⵙ ⵜⵓⴾⵙ ⴼⵔ ⵓⵏ ⴼⵍ ⴹⵎⵓⵏⵏⴰ ⵏⵙⵓⴹ ⴹⵗ ⵜⵏⵢⴰ ⵏⵎⵍⵢ ⵛⵍⵏ ⵏⵙ ⵙⵓⴹ ⵓⴹⵏ ⴹⵗ ⵛⵛⵜ⵰ ⵙⵎⵜⵢⵏⴰ ⵎⵍⵢ ⵙⵏ⵿ⵜⴰ ⵏ⵿ⴼⵙ ⵎⵙ ⵙⵛⵗⵍ ⵓⴰ ⵜⴶⵓ ⴹⵗ ⵓⵍⵏⵏⴰ ⵛⵛⵍⵏⴰ ⴹⵎⵏⵜ ⵜⵜⵜⵢ ⴹⵗⵏⴰ ⵜⵏⵢⵏⵜ⵰

2 ⴾⵍⴾⵔⵏ⵿ⵜ 3:18 ပူးပေါင်းရင်းမြစ်များ

Yaxya 1:14

Wa imosan Awal, iqqal awedan ixsar ɣur-na, ikna tǝla n ǝlxurma, imos mǝššis ǝn tidǝt. Nǝsinagra tanaya-net, tanaya ta igarraw Barar a n iyyanda ɣur Abba-net.

Yaxya 12:41

Aratan win inn-en Isayas fǝlas inây tanaya ǝn Ɣaysa, immigrad deɣ daɣ batu ǝn Ɣaysa.

Yaxya 17:22

Ǝkfêq-qan tanaya ta di-tǝkfe, fǝl ad ǝqqǝlan arat iyyanda s ǝmmǝk was tu-nǝmos nak dǝr-ǝk.

Yaxya 17:24

Abba, areɣ as win di-tǝkfe ad ǝggǝzan ǝntanay da edag wa ǝhe fǝl ad ǝhannayan tanaya ta di-tǝkfe fǝlas di-tare harwa dat ǝxluk n ǝddǝnet.

Kǝl-Ǝrrum 12:2

Ad wǝr tayyim iman-nawan sǝmmǝttǝyan-kawan azzaman win nǝha da ǝmǝrǝdda, kalar ayyiwat iman-nawan a kawan-tǝšǝššinǝy tayttay-nawan ta taynayat, fǝl ad tagrim, tardim deɣ s arat wa imosan tara ǝn Mǝššina, a t-imosan: Awa olaɣan, d awa igrazan i Mǝššina, d awa ikmalan.

Kǝl-Ǝrrum 13:14

Kalar tǝqqǝlet tǝbdoq-nawan alxal wa n Ǝmǝli Ɣaysa Ǝlmǝsix. Ad wǝr tayyim tarrayt waliyyat y arak deranan win aggadǝm annadin daɣ-wan.

Kǝl-Ǝrrum 8:29

Fǝlas win isannafran harwa daɣ tizarat win di otâs-asan ad ǝqqǝlan ǝlmital ǝn Barar-net, fǝl ad iqqǝl Barar-net en aɣafadday daɣ bararan aggotnen.

Kǝl-Ǝrrum 8:4

Arat wen ig-ay fǝl ad nǝfrǝg ǝmazal n Ǝššǝriɣa wa n Ǝttawret ǝs tǝmǝwit toɣadat nakkanay win ǝlkamnen i tara ta n Infas wa Zǝddigan, wǝrgeɣ ta n aggadǝm.

Kǝl-Ǝrrum 8:7

Fǝlas imedranan ǝd deranan win aggadǝm ǝzzingen Mǝššina id aggadǝm wǝr ibbǝrdag y ǝššǝriɣa wa n Mǝššina, amaran wǝr t-ifreg.

1 ⴾⵍⴾⵔⵏ⵿ⵜ 13:12

Ǝmǝrǝdda nǝhannay as, masnat-nana, wala ad tǝggǝt, wǝr tǝmos wala dǝgma n ta tǝlkamat; izlay-tanat awa izlayan anay n awedan daɣ šiššet d anay-net udǝm s udǝm. Ǝmǝrǝdda masnat-in wǝr tǝkmel, mišan ilkâm ad tǝkmǝl, tagu alkamalat ta tǝga tǝmǝzdǝyt ta di-iga Mǝššina.

1 ⴾⵍⴾⵔⵏ⵿ⵜ 15:49

Amaran tulat ta nǝga d awedan wa igan daɣ ǝgodrar, ǝnta a za nagu ǝd wa d-igmadan ijǝnnawan.

2 ⴾⵍⴾⵔⵏ⵿ⵜ 3:17

Amaran Ǝmǝli, Infas a imos. Awedan deɣ wa iggaz Infas n Ǝmǝli, wǝdi illǝllat.

2 ⴾⵍⴾⵔⵏ⵿ⵜ 4:4

Wǝr ǝzzǝgzanan fǝlas Iblis wa n ǝmǝli n ǝddǝnet ta, a tan-isaddarɣalan; igdal-asan anay n ǝnnur wa d-igammadan Ǝlinjil, ǝnnur wa isaknin tanaya n Ǝlmǝsix imosan šaššelan ǝn Mǝššina.

2 ⴾⵍⴾⵔⵏ⵿ⵜ 4:6

Id Mǝššina a innan: «Imǝlǝwlǝwet ǝnnur daɣ šiyyay», ǝnta iman-net a imalawlawan daɣ wallan-nana, ikf-anaɣ ǝnnur, a t-imosan masnat ǝn tanaya ǝn Mǝššina ta tǝmǝlawlawat daɣ udǝm ǝn [Ɣaysa] Ǝlmǝsix.

2 ⴾⵍⴾⵔⵏ⵿ⵜ 5:17

Daɣ adi awedan wa ilan tassaq d Ǝlmǝsix, iqqal taxlǝk taynayat. Abʼas imos awedan was kala a t-imos, fǝlas tǝmǝddurt tas kala tat-iga iɣrad dǝr-ǝs; tǝggaz iyyat taynâyat edag-net.

ⴾⵍⴶⵍⵜⵢⴰ 6:15

Fǝlas wǝrgeɣ ǝmǝnkǝd wala iban-net a imosan ǝlmǝxsud, kalar axluk aynayan ǝs tarrayt n Ǝlmǝsix a imosan ǝlmǝxsud.

ⴾⵍⴾⵍⵙⵢⴰ 3:10

tǝzzar tǝgam daɣ-san ǝmǝrǝdda iyyat tǝzrâyat. Iman-nawan win ǝntanay a ǝtawašašaynaynen faw ǝs šašelan n Ǝmaxlak-nasan fǝl ad tilem masnat tǝndât ǝn Mǝššina.

1 ⵜⵎⵜⵢ 1:11

Ǝsǝssǝɣri wǝdi, igmâd-du Ǝlinjil ǝn Mǝššina ilân albaraka ila tanaya. Ǝlinjil en da a dǝr-i isannattaf.

Titǝs 3:5

issǝfs-ana ǝs tǝhanint-net. Wǝrgeɣ imazalan olaɣnen win nǝtaggu a fǝl nǝgraw efsan win. Kalar nǝgraw-tan s ǝširǝd wa danaɣ-iga Infas wa Zǝddigan. Ǝširǝd wa, ǝnta a danaɣ-ewayan ǝs tǝhǝwt ta taynayat, isammattay-ana nǝssǝnta tǝmǝddurt iyyat taynayat.

Yaqub 1:23

Fǝlas awedan wa isasaman ɣas y awal wa, amaran wǝr itǝmizil s awa inna, wǝdi ola d awedan iššǝggan daɣ šiššet,

1 ⵢⵈⵢⴰ 3:2

Imaran-in nakkanay ǝmǝrǝdda bararan ǝn Mǝššina a nǝmos, amaran arat wa za nǝqqǝl dǝffǝr awa harwa da wǝr dana-d-inafalal. Nǝssân ɣas as Ǝlmǝsix as du-z-inǝfilǝl nola dǝr-ǝs, fǝlas anay a tu-za-nagu ǝnta iman-net.