2 ⴾⵍⴾⵔⵏ⵿ⵜ 11:23 - Ǝlinjil ǝn Ɣaysa Ǝlmǝsix

²³ Kud imaššaɣalan n Ǝlmǝsix a ǝmosan, ogaraq-qan tišit-net. Batu ta ǝge da šilat n as ig-et ǝmeskel. Kud alɣazab a ǝgan, ogaraɣ-asan-tu; kud kasaw a ǝggazan, ogaraq-qan iguz-net; kud šiwwit a tawaggan, ogaraq-qan ǝtǝwǝnɣa; kud deɣ tazak ǝn tamattant a ǝggazan, ogaraq-qan iguz-net.

ⵍⵍ ⵢⵙⴰ ⵍⵎⵙⵈ

²³ ⴾⴹ ⵎⵛⵗⵍⵏ ⵏⵍⵎⵙⵈ ⵎⵙⵏ ⴶⵔⵆⵏ ⵜⵛⵜⵏⵜ⵰ ⵀⵜⵓ ⵜⴰ ⴶ ⴹⴰ ⵛⵍⵜ ⵏⵙ ⴶⵜ ⵎⵙⴾⵍ⵰ ⴾⴹ ⵍⵗⵤⵀ ⴶⵏ ⴶⵔⵗⵙⵏ⵿ⵜⵓ⵰ ⴾⴹ ⴾⵙⵓ ⴶⵤⵏ ⴶⵔⵆⵏ ⴶⵤⵏⵜ⵰ ⴾⴹ ⵛⵓⵜ ⵜⵓⴶⵏ ⴶⵔⵆⵏ ⵜⵓⵏ⵿ⵗⴰ⵰ ⴾⴹ ⴹⵗ ⵜⵤⴾ ⵏ⵿ⵜⵎⵜⵏ⵿ⵜ ⴶⵤⵏ ⴶⵔⵆⵏ ⴶⵤⵏⵜ⵰

2 ⴾⵍⴾⵔⵏ⵿ⵜ 11:23 ပူးပေါင်းရင်းမြစ်များ

Igitan 14:19

Osan-du Kǝl-Ǝlyǝhud wiyyad a d-ǝfalnen aɣrǝm n Antǝyoxǝya ǝd wa n Ikonǝyum, ǝššewalan y aytedan har tan-ǝssǝwaran aganna wa-nasan. Ad ǝggaran Bulǝs ǝs tǝhun, dǝffǝr adi zarorawan-tu har dǝr-ǝs ǝgmadan aɣrǝm, ǝɣilan aba-tu.

Igitan 20:23

Arat iyyanda ɣas a daɣ ǝssanaɣ as, ig-i Infas wa Zǝddigan ta daw aɣaf as, aɣrǝm oseɣ da ilkâm daɣ-i kasaw d alɣazab.

Igitan 21:11

Os-ana-du, idkal ǝsatǝb ǝn Bulǝs, ikrad sǝr-ǝs idaran win-net iman-net ǝd fassan-net, amaran inna: «Ǝnta da awa inna Infas wa Zǝddigan: "Alǝs wa ilan ǝsatǝb wa, ǝmmǝk wa da as tu-z-ǝkrǝdan Kǝl-Ǝlyǝhud daɣ Yerusalam, agin-tu daɣ fassan n aytedan wǝr nǝmos Kǝl-Ǝlyǝhud."»

Igitan 25:14

Adan aggotnen win ǝgan den, idkal-du daɣ-san Festus y ǝmǝnokal Agriffa isalan ǝn Bulǝs, inn-as: «Illa alǝs da, a d-oyya ǝnaxkim Felikǝs daɣ kasaw.

Igitan 27:1

As itawanna ad nǝggǝz aɣlal n aman nakku akal n Italǝya, itawagga Bulǝs ǝnta ǝd wiyyad imǝskǝsa daɣ ǝfus ǝn kabtan iyyan igân esǝm Yulǝyus ihân egan ǝn sojitan as itawannu «Wa n Qaysara».

Igitan 28:16

As din-nǝggaz aɣrǝm n Ǝrrum, irḍa ǝlxǝkum i Bulǝs s ad iɣsǝr daɣ ahan wǝr inamaha ar ǝd soji wa t-ogazan.

Igitan 28:30

Iga Bulǝs ǝššin elan ǝɣrâdnen daɣ ahan ixfâr ǝnta iman-net, itaggu marhaba y aytedan kul win ǝranen anay-net.

Igitan 9:16

Nak iman-in as das-z-agaɣ ǝzǝɣɣǝzzǝb kul wa t-iwaran fǝl ǝddǝlil-in.»

Kǝl-Ǝrrum 8:36

Ǝnnan Ǝlkǝttaban: «Tâwakkasan daɣ-na man ǝzǝl kul fǝl ǝddǝlil-nak. Nǝtiwaxsab zun ayfǝd tawagzamnen.»

1 ⴾⵍⴾⵔⵏ⵿ⵜ 15:10

A iqqal awa ǝmosa, dâ, ǝmosaq-qu s arraxmat ǝn Mǝššina, amaran arraxmat ta di-ikfa, wǝr tǝbbǝnnan; fǝlas ogaraɣ inǝmmuzal kul ǝššǝɣǝl, mišan ya wǝrgeɣ nak a igan adi, kalar arraxmat ǝn Mǝššina a daɣ-i tǝšɣalat.

1 ⴾⵍⴾⵔⵏ⵿ⵜ 3:5

Abbolos a da, ǝnta wala Bulǝs, awak ma ǝmosan? Wǝr nǝmos ar imaššaɣalan ǝn Mǝššina, win sǝr-wan d-ewaynen ǝzǝgzan sǝr-ǝs, nak harkid ǝnta, wǝr nǝga ar ǝššǝɣǝl wa danaɣ-ikfa Ǝmǝli.

1 ⴾⵍⴾⵔⵏ⵿ⵜ 4:1

Daɣ adi, nak d Abbolos a dana-wǝr-itǝwǝggu iduf wǝr nǝmos ar wa n maššaɣalan n Ǝlmǝsix, d almawakkilan-net as imos ǝššǝɣǝl-nasan emel y aytedan igitan ǝn Mǝššina win dasan-ǝhanen ǝtǝnkul.

1 ⴾⵍⴾⵔⵏ⵿ⵜ 4:11

Nakkanay wala ɣas ǝmǝrǝdda da ih-âna laz, nǝffûd, nǝzlâm, nǝtatawat, wǝr nǝla id nǝxsar;

1 ⴾⵍⴾⵔⵏ⵿ⵜ 4:9

Mišan ǝs tannaɣ sǝr-i nakkanay inǝmmuzal, ig-ana Mǝššina daɣ ǝlǝqqam n aytedan, nola d aytedan issiwar ǝššǝriɣa tamattant, nǝtawagga ares n awnaf y ǝddǝnet ketnet, gǝr za aytedan wala angalosan.

2 ⴾⵍⴾⵔⵏ⵿ⵜ 10:7

Ǝswǝdat daɣ awa illan dat šittawen-nawan, tagrim-tu. Kud awedan a kawan-ihan ikkâsan aššak as Ǝlmǝsix a t-ilan; issǝnet za as, nakkanay da ig-âna Ǝlmǝsix tǝla tǝdi da a das-iga ǝddi.

2 ⴾⵍⴾⵔⵏ⵿ⵜ 11:5

Dǝr iga awen da za, wǝr ɣur-i iga as ill-ay arat as di-ogaran nǝmmuzal-nawan wǝr nǝla tulat win di.

2 ⴾⵍⴾⵔⵏ⵿ⵜ 3:6

Ǝnta deɣ a danaɣ-issǝfragan ad nǝqqǝl imaššaɣalan n arkawal ǝn tassaq ta taynayat, wǝr nǝmos ǝlqanun iktâban fǝl sǝlluman, kalar tassaq a imos iktâb Infas wa Zǝddigan daɣ wallan n aytedan; fǝlas ǝlqanun wa irǝwan iktâban fǝl sǝlluman, tamattant a d-itaway s aytedan, amaran tassaq ta iktab Infas wa Zǝddigan daɣ ǝwǝl, tǝmǝddurt a sǝr-san du-tǝtaway.

2 ⴾⵍⴾⵔⵏ⵿ⵜ 4:11

Fǝlas nakkanay win ǝddarnen, faw nǝha tazak ǝn tamattant fǝl ǝddǝlil ǝn Ɣaysa, fǝl ad tǝtǝwǝnǝy tǝmǝddurt ǝn Ɣaysa s ǝlluɣ daɣ tǝɣǝswen-nana ǝmosnen arat itamattin.

2 ⴾⵍⴾⵔⵏ⵿ⵜ 6:9

Nǝtiwazday wǝllen, mišan šilat n as wǝr nǝtawazday. Nǝššigga daɣ tamattant, mišan harwada nǝddâr. Nǝtawaddab mišan wǝr nǝtǝwǝnɣu kǝrǝz.

ⴾⵍⴶⵍⵜⵢⴰ 6:17

A obazan ɣur ǝmǝrǝdda, a di-wǝr-ilǝs awedan waliyyan ǝddǝguz, fǝlas elam-in ǝwarnat-tu tǝmijar ǝn lǝkkum-in i Ɣaysa.

Kǝl-Efez 3:1

Awen daɣ a fǝl ǝmosa nak Bulǝs, amaskasaw n Ǝlmǝsix [Ɣaysa] fǝl ǝddǝlil-nawan, kawanay a wǝr nǝmos Kǝl-Ǝlyǝhud.

Kǝl-Efez 4:1

Daɣ adi arat da wa daɣ-wan gammaya, nak imosan amaskasaw fǝl as ǝɣbadaɣ Ǝmǝli: Kawanay a iɣra Mǝššina, agiwat alxal inihaggan d ǝtǝwǝɣra wa tǝtǝwaggam den.

Kǝl-Efez 6:20

Ǝlinjil en daɣ as ǝmosaɣ almawakkil-net daɣ ǝddǝnet, amaran ǝddǝlil-net a fǝl aheɣ iɣunan. Tattarat-in fǝl ad t-ǝmmala y aytedan s ikus n aššak, s ǝmmǝk was ihor a sǝr-ǝs ǝššiwǝla.

Kǝl-Filib 1:13

Tǝzzar eway-du awen as ǝssanan sojitan kul win tagaznen ǝmǝnokal d aytedan kul sa hadan as ǝddǝlil n Ǝlmǝsix a fǝl aheɣ kasaw.

Kǝl-Filib 2:17

Mišan mijas a daɣ-i tǝwǝkkǝsan man, ǝqqǝla šilat ǝn tǝkutay tǝtiwanɣalat a du-tǝssindat ǝššǝɣǝl wa kawan-isassagan ǝzǝgzan-nawan. Kud iga adi da ad fǝliwǝsa nak, fǝliwǝsa deɣ nak dǝr-wan.

ⴾⵍⴾⵍⵙⵢⴰ 1:24

Ǝmǝrǝdda isidawat i arkanay wa ǝnnaya fall-awan. Fǝlas ǝmmǝk wa ǝnta as ǝsakkasawa ǝs tǝɣǝssa-nin, daɣ aganna wa-nin, arat wa din-aba daɣ alɣazab wa inay Ǝlmǝsix fǝl tǝɣǝssa-net di, tǝmosat Ǝlkǝnisat ǝn nalkiman-net.

ⴾⵍⴾⵍⵙⵢⴰ 1:29

Daɣ tara n aggad n arat wa a fǝl ǝsannahalaɣ ǝššǝɣǝl, ǝs tarna ta du-tǝfalat Ǝlmǝsix, a daɣ-i tǝtimǝtǝkwǝyat s assahat tagget.

1 ⴾⵍ⵿ⵜⵙⵍⵏⴾ 3:2

Tǝzzar nǝzammazal-in amadray-nana Timotay, imosan ǝmadhal daɣ ǝššǝɣǝlan win Mǝššina, tan imosan ǝzǝwwǝziwǝz ǝn salan n Ǝlinjil n Ǝlmǝsix, y ad isǝssuhǝt ǝzǝgzan-nawan alǝm-awan fǝl man,

1 ⵜⵎⵜⵢ 4:6

As tǝmmâlaɣ isalan win dak-ǝge da i mǝzzǝgzan, ad tǝqqǝla amaššaɣal olâɣan n Ǝlmǝsix Ɣaysa, iddaran s Ǝlinjil imosan ǝnǝfilal ǝn Mǝššina daɣ Ɣaysa, ǝd tǝssunt tolâɣat tas tǝsle.

2 ⵜⵎⵜⵢ 1:16

Ǝmǝli ya tǝzizabbe du tǝhanint-nak fǝl aɣaywan n Onesiforus, fǝlas faw italam-i fǝl man, amaran wǝr ikarakad y iguz-in kasaw.

2 ⵜⵎⵜⵢ 1:8

Daɣ adi a kay-wǝr-tǝggǝz tǝkarakit n ad tǝtagayye fǝl Ǝmǝli-nana, wala deɣ isǝkkǝrukǝd-kay iguz-in kasaw fǝl ǝddǝlil-net. Kalar nǝrtǝyet daɣ alɣazab wa tagga daɣ tarrayt n Ǝlinjil, iga awen ǝs tarna ǝn Mǝššina

2 ⵜⵎⵜⵢ 2:9

Ǝddǝlil n Ǝlinjil en da, a fǝl taɣazzaba, har as ǝgan-i ɣunan iguz a taggin y ǝjajǝb n anasgafa. Mišan awal ǝn Mǝššina ǝnta wǝr t-ǝhen ɣunan.

2 ⵜⵎⵜⵢ 3:11

d ǝtǝwǝdgaz-in d alɣazab-in. Tǝssâna daɣ arat kul wa di-igrawan daɣ ǝɣrǝm n Antǝyoxǝya ǝd wa n Ikonǝyum ǝd wa n Lustra. Mǝni-tu ǝtǝwǝdgaz wa wǝr ǝgeɣ? Mišan ikkas-i-du Mǝššina daɣ awen kul.

Filemona 1:9

da ǝssofaɣ ad imos as agamay ɣas a daɣ-ak zʼaga a di-taga tǝnǝfust fǝl ǝddǝlil n ǝnǝmǝra wa nǝga. Nak Bulǝs imosan almawakkil n Ǝlmǝsix Ɣaysa ǝhe kasaw ǝmǝrǝdda fǝl ǝddǝlil-net,

ⴾⵍⵗⵀⵔⵢ 10:34

Tǝhinattem y aytedan win ǝhanen kasaw, tǝssânam daɣ-san, tǝqbalam ǝs man filawasnen a daɣ-wan attarmasan ǝrrǝzǝɣan-nawan, id tǝssânam âs tǝlâm ǝrrǝzǝɣan ǝdkâlnen, a t-ǝllânen har faw.