1 ⴾⵍ⵿ⵜⵙⵍⵏⴾ 1:7 - Ǝlinjil ǝn Ɣaysa Ǝlmǝsix

⁷ Ǝmmǝk wen daɣ as tǝqqalam almasal olâɣan y ǝlmǝsixitan kul win ǝhanen akal ǝn Masedonǝya, ǝd wa n Akayya.

ⵍⵍ ⵢⵙⴰ ⵍⵎⵙⵈ

⁷ ⵎⴾ ⵓⵏ ⴹⵗ ⵙ ⵜⵆⵍⵎ ⵍⵎⵙⵍ ⵍⵗⵏ ⵢⵍⵎⵙⵈⵜⵏ ⴾⵍ ⵓⵏ ⵂⵏⵏ ⴾⵍ ⵏⵎⵙⴹⵏⵢⴰ ⴹ ⵓⵏ ⴾⵢⴰ⵰

1 ⴾⵍ⵿ⵜⵙⵍⵏⴾ 1:7 ပူးပေါင်းရင်းမြစ်များ

Igitan 1:13

As din-osan, ǝggazan ehan wa n afalla daɣ suru wa daɣ saganan. Ǝmosan Butros, Yaxya, Yaqub, Andrawǝs, Filibus, Tuma, Bartulamawǝs, Matta, Yaqub wa n ag Alfay, Simɣon was itawannu wa Isaggatakken ǝd Yahuza wa n ag Yaqub.

Igitan 16:12

Ǝnta nǝgmad-tu ǝs wa n Filib imosan aɣrǝm fǝl tǝxkâm Ǝrrum; imos deɣ aɣrǝm wa azzaran daɣ akal ǝn Masedonǝya. Nǝga daɣ-as adan.

Igitan 18:1

Dǝffǝr awen igmad Bulǝs aɣrǝm n Atena, ikka wa n Korent.

Igitan 18:12

Azzaman win daɣ imos Gallǝyyun ǝnaxkim n akal wa n Akayya, ǝnkaran Kǝl-Ǝlyǝhud ǝgan eɣaf fǝl Bulǝs, ǝbazan-tu, ewayan-tu s adag n ǝššǝriɣa,

Igitan 19:21

Dǝffǝr awen, isammarkas Bulǝs daɣ man-net iki ǝn Yerusalam, immǝr akal wa n Masedonǝya ǝd wa n Akayya. Igannu daɣ man-net: «Dǝffǝr as oseɣ Yerusalam, kundaba ǝkkeɣ aɣrǝm wa n Ǝrrum ǝnta da.»

Kǝl-Ǝrrum 15:26

Fǝlas Ǝlkǝnisaten šin Masedonǝya d Akayya ǝknânat tara n igi ǝn širgiten fǝl ad ǝdhǝlnat šilǝqqawen ǝhanen imizdagan win Yerusalam.

2 ⴾⵍⴾⵔⵏ⵿ⵜ 1:1

Awa nak Bulǝs, imosan ǝs tǝrǝddawt ǝn Mǝššina anammazul n Ǝlmǝsix Ɣaysa, nak d amadray-nana Timotay ǝnnânen ǝhulan-in Ǝlkǝnisat ǝn Mǝššina ta tǝhat aɣrǝm ǝn Korent ǝd mizdagan kul win ǝxsarnen daɣ akal n Akayya ketnet.

2 ⴾⵍⴾⵔⵏ⵿ⵜ 9:2

Fǝlas ǝssânaɣ daɣ gǝlleyat ta tǝgam daɣ a dasan-tǝrǝgam, d as ǝgeɣ y aytedan ǝn Masedonǝya ibaragan fall-awan. Ǝnneɣ-asan: inalkiman n Ǝlmǝsix win akal n Akayya harwa naydan ad ǝran ǝsǝgli ǝn tǝrgiten; fadda ǝddǝguz-nawan daɣ igi ǝn tǝrgiten a issǝran taššam-nasan ad ǝrǝgan ǝntanay da.

1 ⴾⵍ⵿ⵜⵙⵍⵏⴾ 1:8

Wǝrgeɣ Masedonǝya d Akayya ɣas a daɣ tawaslan igitan n awal ǝn Mǝššina win ɣur-wan ǝganen, kalar edag kul wizawazan daɣ-as salan n ǝzǝgzan-nawan ǝs Mǝššina har as wǝr nǝddǝrar s ǝsuɣǝl n awen.

1 ⴾⵍ⵿ⵜⵙⵍⵏⴾ 4:10

Fadda ǝnǝmǝra wa ǝnta iman-net a tǝsannafalalam i mǝdrayan-nana kul win akal ǝn Masedonǝya. Mišan nǝgmay daɣ-wan ǝs gǝlleyat ya imǝdrayan-nana, ad tǝšatim daɣ ǝsǝkni ǝn tara ta.

1 ⵜⵎⵜⵢ 4:12

Ad wǝr tayyaɣ awedan waliyyan alkik fǝl as wǝr tawaššera. Kalar ǝqqǝl almasal i mǝzzǝgzan s awa tǝganna d alxal-nak ǝd tara ta kay-tǝhat d ǝzǝgzan-nak ǝd tazdak n ǝwǝl-nak.

Titǝs 2:7

Kay iman-nak da ilzâm-kay ad tǝtaggaɣ imazalan olaɣnen daɣ ǝkkulluk n anamod fǝl ad tǝqqǝlaɣ almasal y aytedan. Taggu ǝsǝssǝɣri igân s ǝwǝl iyyanda, ilân almaɣna.

1 ⵀⵜⵔⵙ 5:3

Ad wǝr tǝtaggim adi s ǝddǝguz ǝn mǝzzǝgzan win kawan-tawasaɣlafnen, kalar agiwat-as igi a daɣ tǝmosan almasal olaɣan i tamattay ǝn Mǝššina.