1 ⵢⵈⵢⴰ 5:7 - Ǝlinjil ǝn Ɣaysa Ǝlmǝsix

⁷ Daɣ adi karadat tǝgǝyyawen a t-ǝllanen ǝmosnen:

ⵍⵍ ⵢⵙⴰ ⵍⵎⵙⵈ

⁷ ⴹⵗ ⴹⵢ ⴾⵔⴹⵜ ⵜⴶⵢⵓⵏ ⵜⵍⵏⵏ ⵎⵙⵏⵏ

1 ⵢⵈⵢⴰ 5:7 ပူးပေါင်းရင်းမြစ်များ

Matta 17:5

Harwada iššewal Butros as tan-tǝlsa tǝgarak tǝmilawlawat, təqqal-asan zun telay. Igmad ǝmǝsli tagarak ten, inna: «Awa Barar-in wa ǝkneɣ tara; ǝnta a d-issǝndan agna-nin. Sǝsǝmat-as!»

Matta 18:16

Mišan as ugay s a dak-issǝsam, tiddawa d awedan iyyanda, madeɣ ǝššin, tǝqqǝlaq-qu. Ǝmmǝk en daɣ as "batu kul ad taknu ǝqqimnat-as sanatat tǝgǝyyawen madeɣ karadat."

Matta 28:19

Daɣ adi agliwat, takkim šimattiwen kul n ǝddǝnet tagim-tanat inalkiman-in. Salmaɣat-tan daɣ aman s esǝm n Abba, ǝd Barar, d Infas wa Zǝddigan.

Yaxya 1:1

Ǝstizarat as d-ixlak Mǝššina ǝddǝnet da Awal ill-ay. Awal illa ɣur Mǝššina, amaran Awal wa imos Mǝššina.

Yaxya 10:30

Nak d Abba arat iyyanda a nǝmos.»

Yaxya 12:28

Abba, sǝnnǝfilǝl tǝla-nak tanaya."» Tǝzzar igmad-du ǝmǝsli ijǝnnawan inna: «Tǝla-nin tanaya ǝsinafalalaq-qat, amaran a tat-ǝlǝsaɣ ǝsǝnnǝfilǝl.»

Yaxya 14:17

Ǝnta a imosan Infas wa isinǝfililan tidǝt, as wǝr tǝfreg ǝddǝnet ǝlqǝbulat-net, fǝlas wǝr tu-tǝhǝnnǝy wala da tǝzday-tu; eges kawanay tǝzdâyam-tu fǝlas ihoz-kawan amaran ad iggǝz iwallan-nawan har faw.

Yaxya 15:26

As d-osa ǝmadhal wa dawan-du-z-assagla ɣur Abba, imosan Infas wa isinǝfililan tidǝt a sǝr-wan du-z-igmǝdan Abba, a fall-i aggayyat.

Yaxya 5:26

Fǝlas ǝmmǝk wa daɣ as ihakku Abba tǝmǝddurt, ǝmmǝk wǝdi daɣ as ikfa Barar fǝrregat n a tat-ihakku ǝnta da.

Yaxya 8:18

Nak za tǝgǝyya iyyadda a mosaɣ i man-in, tǝgǝyya-nin ta n sanatat amaran Abba s ǝnta di-d-izammazalan a tat-imosan.»

Yaxya 8:54

Inn-asan Ɣaysa: «As imos as iman-in a fǝl sanamala, wǝdi tanaya-nin wǝr tǝnfa wala. Abba-nin s ǝnta as tǝgannim imos Ǝmǝli-nawan, ǝnta a di-ihakkan tanaya,

Igitan 2:33

Idkal-tu Mǝššina di n Abba-net ig-ay daɣ ǝɣil-net, ikf-ay Infas wa Zǝddigan was iga arkawal-net, ǝnta amaran izazzabbat-t-idu fall-ana. Adi a imos arat wa tǝhannayam da, tǝsallim-as.

Igitan 5:32

Nǝmos šigǝyyawen n awen, nakkanay d Infas wa Zǝddigan ihakku Mǝššina y aytedan win ǝlkamnen i tara-net.»

1 ⵢⵈⵢⴰ 1:1

Nǝkattab-awan-in isalan ǝn wa imosan awal ihakku tǝmǝddurt. Awal wa ill-ay dat ǝnǝtti n ǝddǝnet: nǝsl-as nǝnay-tu ǝs šittawen-nana, nǝzigazd-ay, amaran ǝdâsan-tu fassan-nana.

1 ⵢⵈⵢⴰ 5:6

Ɣaysa osâ-du ǝddǝnet, itawasalmaɣ daɣ aman, azni-net deɣ inɣal fǝl tǝgǝttawt, daɣ adi wǝrgeɣ aman ɣas as d-inafalal, kalar aman d ǝzni as d-inafalal. Infas wa Zǝddigan a isattaddan arat wa, Infas wa Zǝddigan amaran tidǝt a imos.

1 ⵢⵈⵢⴰ 5:8

Infas wa Zǝddigan d aman d ǝzni, amaran ketnasnat fǝl karadatesnat nimannaknat ǝs tǝgǝyya ta.

Ǝnǝfilal 19:13

Amawan n ays wen esǝm-net «Awal ǝn Mǝššina», amaran ilsa tabdoq tǝlmâɣat daɣ ǝzni.