1 ⵢⵈⵢⴰ 5:18 - Ǝlinjil ǝn Ɣaysa Ǝlmǝsix

¹⁸ Nǝssân as bararan ǝn Mǝššina wǝr gǝllin taggin ibakkadan, fǝlas Barar ǝn Mǝššina a tan-ogazan. Adi da fǝlas wǝr daɣ-san ifreg Iblis wala.

ⵍⵍ ⵢⵙⴰ ⵍⵎⵙⵈ

¹⁸ ⵏⵙⵏ ⵙ ⵀⵔⵔⵏ ⵏⵎⵛⵏⴰ ⵓⵔ ⴶⵍⵏ ⵜⴶⵏ ⵀⴾⴹⵏ ⴼⵍⵙ ⵀⵔⵔ ⵏⵎⵛⵏⴰ ⵜⵏⴶⵤⵏ⵰ ⴹⵢ ⴹⴰ ⴼⵍⵙ ⵓⵔ ⴹⵗⵙⵏ ⴼⵔⴶ ⵀⵍⵙ ⵓⵍⴰ⵰

1 ⵢⵈⵢⴰ 5:18 ပူးပေါင်းရင်းမြစ်များ

Matta 5:37

Ganniwat ɣas: "Ayew" y awa imosan tidǝt, madeɣ "kala" y awa imosan bahu. Batu a du-tǝššotam fǝl adi kul Aššaytan as du-tǝha.

Matta 6:13

A dana-wǝr-taga daɣ alɣarar ǝn jarrabatan, kalar agǝz-ana daɣ Iblis, [fǝlas taɣmar, ǝd tarna, ǝd tanaya ši-nak har faw. Amin."»]

Yaxya 1:13

Bararan en ǝlâsan tǝhǝwt. Mišan tǝhǝwt en wǝr tola ǝd ta tǝtawazdayat. Wǝr tǝga ǝs lǝkkum i deran n aggadǝm, wala tanat-net. Kala kalar Mǝššina iman-net as tan-iga bararan-net.

Yaxya 14:30

Wǝr dǝr-wan zʼǝlǝsa igi ǝn batu tagget, fǝlas ǝmǝnokal n ǝddǝnet izay-du. Wǝr di-in-ikka d arat,

Yaxya 15:4

agiwat dǝr-i tartǝyt šilat ǝn ta dǝr-wan ǝge, aẓǝl wǝr zʼarǝw ɣas-net as d-iqqǝtas daɣ ašǝk; kawanay da ǝlmital di da a tǝham as dǝr-i wǝr tǝrtayam.

Yaxya 15:7

As dǝr-i tǝrtayam, tǝttafam batuten-in, ǝgmǝyat daɣ Mǝššina di n Abba arat kul wa tǝram, a tu-tǝgrawam.

Yaxya 15:9

Tara ta di-iga Abba, ǝnta a dawan-ǝge; ǝttǝfat-tat.

Igitan 11:23

As din-osa inay arraxmat ǝn Mǝššina ta du-tǝzzǝbbet den, iddǝwat. Tǝzzar ig-asan ketnasan ǝnnǝsixa imosan ad ǝlkǝman y Ǝmǝli.

Yaqub 1:18

Arat irâ a tǝmos tahakkay ta danaɣ-iga tǝmǝddurt ta taynayat s awal-net imosan tidǝt, a t-imosan Ǝlinjil, fǝl ad nǝqqǝl šilat ǝn ɣǝfǝdda daɣ tǝxǝllak-net šin ikfa tǝmǝddurt ta taynayat.

Yaqub 1:27

Ǝddin wa zǝddigan wǝr ila ǝlɣib dat Mǝššina di n Abba, imos-tu ad issǝn awedan daɣ gugelan win maɣatarnen ǝd tǝdoden šin as aba meddan-nasnat ǝddirarnat, igdǝl deɣ i man-net a tu-tǝssǝwǝr ǝddǝnet ǝlɣib waliyyan.

1 ⵀⵜⵔⵙ 1:23

Ǝssǝnat as tǝhǝwt taynayat a tǝgam tǝlât ǝlǝsǝl iɣlâlan, wǝrgeɣ tǝhǝwt ta n aggadǝm tǝmosat arat wǝr nǝɣlel. Kalar awal ǝn Mǝššina iɣlâlan ihakku tǝmǝddurt a imosan ǝlǝsǝl ǝn tǝhǝwt ta tǝgam da.

1 ⵢⵈⵢⴰ 2:29

Tǝssânam as Ǝlmǝsix ǝnta a oɣadan, daɣ adi awedan kul wa itamazalan awa oɣadan, wǝdi irtây d Ǝlmǝsix imos deɣ barar ǝn Mǝššina.

1 ⵢⵈⵢⴰ 3:12

Daɣ adi a dana-wǝr-iggǝz i igân awa iga Kayin, ilkaman y Iblis iga iman n amadray-net. Mafel za itagg-en? Iga iman n amadray-net fǝlas alxal-net a wǝr noɣed amaran wa n amadray-net oɣâd.

1 ⵢⵈⵢⴰ 3:3

Aytedan win ǝganen attama wa, win di ǝzzizdagan iman-nasan s ǝmmǝk as zǝddig Ǝlmǝsix.

1 ⵢⵈⵢⴰ 3:9

Awedan kul wa imosan barar ǝn Mǝššina wǝr itǝggu ibakkadan fǝlas tǝmǝddurt ta du-tǝfalat Mǝššina tǝha iman-net. Wǝr ifreg igi ǝn bakkadan fǝlas barar ǝn Mǝššina a imos.

1 ⵢⵈⵢⴰ 4:6

Nakkanay Mǝššina a dǝr nǝrtay; awedan wa issanan Mǝššina isasam-ana, wa tu-wǝr-nǝssen amaran wǝr danaɣ-isǝsim. Ǝmmǝk wa da as za nǝfrǝg zǝlǝyat gǝr awedan wa d-izammazal Infas wa Zǝddigan ǝd wa d-izammazal ǝmǝssexrǝk.

1 ⵢⵈⵢⴰ 5:1

I izzǝgzanan as Ɣaysa ǝnta Ǝlmǝsix wǝdi barar ǝn Mǝššina a imos. I iran ǝmaraw, ad iru bararan-net.

1 ⵢⵈⵢⴰ 5:15

Amaran dad zamas nǝssân as issisam-ana wǝdi arat wa daɣ-as nǝgmay nǝssân as nǝgrâw-tu.

1 ⵢⵈⵢⴰ 5:19

Nǝssân as nakkanay Mǝššina a danaɣ-ilan, amaran ǝddǝnet ketnet innoda daɣ-as Iblis.

1 ⵢⵈⵢⴰ 5:20

Nǝssân as Barar ǝn Mǝššina osâ-du, amaran ǝnta a danaɣ-ikfan ǝgǝrri fǝl ad nǝssǝn Ǝmǝli wa n tidǝt, amaran nǝrtây d Ǝmǝli wa n tidǝt ǝs tarrayt ǝn Barar-net Ɣaysa Ǝlmǝsix. Ǝnta a imosan Ǝmǝli wa n tidǝt ihakkan tǝmǝddurt ta tǝɣlalat.

1 ⵢⵈⵢⴰ 5:21

Bararan-in agǝzat iman-nawan daɣ ǝssǝnǝman.

1 ⵢⵈⵢⴰ 5:4

fǝlas bararan ǝn Mǝššina kul ornan ǝddǝnet, amaran tarna ta tǝɣlabat ǝddǝnet tǝdi ǝzǝgzan-nana.

Yuday 1:21

Zǝzzǝwǝtat daɣ tara ǝn Mǝššina. Agiwat attama-nawan daɣ Ǝmǝli-nana Ɣaysa Ǝlmǝsix, a dawan-ihǝnǝttǝt, akf-iwan tǝmǝddurt ta tǝɣlalat.

Yuday 1:24

Agiwatana tǝmmalen i Mǝššina di n iyyan s ǝnta a danaɣ-issǝfsan ǝs tarrayt n Ǝmǝli-nana Ɣaysa Ǝlmǝsix! Ǝnta a ifragan agadal y-awan ad tǝfǝtǝqqem daɣ igi ǝn talbast. Ifrâg a kawan-agu aytedan as tu-wǝr-illa i ifragan a daɣ-san d-inǝy ark arat, taknim tǝfalawist fǝlas tǝrtâyam dǝr-ǝs daɣ tanaya-net. Ǝnta a ihoran ǝd tanaya d ǝdkul ǝd tarna ǝd taɣmar, har faw, gǝr daɣ azzaman win okaynen, wala ǝmǝrǝdda, wala awa d-izayan! Amin!

Ǝnǝfilal 2:13

"Kawanay kǝl-Ǝlkǝnisat ta n Fergamos, ǝssâna dad tǝllam, amaran ǝddi daɣ ad tǝlla taɣmar n Aššaytan. Tǝsigatakkem daɣ tarrayt ta-nin. Wǝr tǝmmǝzzǝyam d ǝzǝgzan sǝr-i. Tǝttafam ǝzǝgzan-nawan harkid daɣ azzaman win daɣ tawaggan man n Antifas, imosan ǝnalkim-in iɣdâlan, imos deɣ tǝgǝyya-nin. Itawanɣa daɣ aɣrǝm-nawan, imosan dad illa Aššaytan.