1 ⵢⵈⵢⴰ 3:21 - Ǝlinjil ǝn Ɣaysa Ǝlmǝsix

²¹ Imaran-in, as dana-wǝr-tahammen wallan-nana arak ǝmazal, wǝdi nǝkkǝset aššak fǝl man-nana ɣur Mǝššina.

ⵍⵍ ⵢⵙⴰ ⵍⵎⵙⵈ

²¹ ⵎⵔⵏⵏ ⵙ ⴹⵏⵓⵔ⵿ⵜⵂⵎⵏ ⵓⵍⵏⵏⴰ ⵔⴾ ⵎⵤⵍ ⵓⴹⵢ ⵏⴾⵙⵜ ⵛⴾ ⴼⵍ ⵎⵏⵏⴰ ⵗⵔ ⵎⵛⵏⴰ⵰

1 ⵢⵈⵢⴰ 3:21 ပူးပေါင်းရင်းမြစ်များ

Kǝl-Ǝrrum 14:22

Iduf wa daɣ tǝkkasaɣ aššak daɣ ǝwǝl-nak, wǝdi ag-ay gar-ek ǝd Mǝššina. Ibbilal wa ikkasan aššak as wǝr t-obez ǝššǝriɣa s arat was iga iduf n âs ǝnta a oɣadan!

1 ⴾⵍⴾⵔⵏ⵿ⵜ 4:4

Wǝr di-tǝha tǝrǝk n ark ǝmazal waliyyan, mišan wǝrgeɣ adi a di-z-ikkǝsan. Ǝmǝli, ǝnta a di-z-išrǝɣan.

2 ⴾⵍⴾⵔⵏ⵿ⵜ 1:12

Amaran ǝnta da abarag-nana: wǝr nǝssen fǝl ark arat daɣ ǝddǝnet ta da as dana-z-ǝbǝzan man-nana, wǝllen daɣ tassaq ta dǝr-wan nǝga. Wǝr nǝga ǝmazal ǝs wǝrgeɣ ǝwǝl iyyanda zǝddigan wa ihakku Mǝššina as tu-nǝga. Arraxmat ǝn Mǝššina a danaɣ-tǝssǝfragat awen, wǝrgeɣ a d-ihân ǝs masnat n aggadǝm.

Kǝl-Efez 3:12

Tassaq ta nǝga d Ǝlmǝsix Ɣaysa ǝs tarrayt n ǝzǝgzan sǝr-ǝs a danaɣ-tǝkfat tǝdarfit n ad nǝfrǝg ǝnǝmihaz ǝd Mǝššina ǝs tǝflǝst.

1 ⵜⵎⵜⵢ 2:8

Daɣ adi, daɣ adag kul, as tǝddewam y ǝlɣibada, ǝgmâya daɣ meddan ad tattaran ǝdkâlan ifassan-nasan s ǝwǝl zǝddigan wǝr iha alham wala ǝsǝmmǝsǝndǝd.

ⴾⵍⵗⵀⵔⵢ 10:22

Daɣ adi, zǝnnǝmihǝzatanaɣ iman-nanaɣ ǝd Mǝššina ǝs wallan ǝɣdâlnen, d ǝzǝgzan ikmâlan, fǝlas ǝtǝwǝzǝzdag a ǝgan wallan-nana daɣ igi n id t-illa arak ǝmedran, tǝtawašarad tǝɣǝssa-nana s aman win zaddognen.

ⴾⵍⵗⵀⵔⵢ 4:16

Daɣ adi ihazatanaɣ-in ǝmǝnokal-nana a t-imosan Mǝššina di n ǝmǝggi n arraxmat, nǝgâ awen ǝs tǝflǝst, fǝl ad nǝgrǝw ǝhǝnǝtta, nǝgrǝw deɣ arraxmat s ǝnta dana-za-takfit tilalt daɣ alwaq wa daɣ nǝddǝrar s awen.

1 ⵢⵈⵢⴰ 2:28

Bararan-in akniwat tassaq d Ǝlmǝsix, ǝddi as du-z-inǝfilǝl da nǝkkâs aššak fǝl man-nana, wǝr dǝr-ǝs nǝnamaggag, wǝr nǝkarakad ɣur assa-net.

1 ⵢⵈⵢⴰ 2:7

Imaran-in ammar wa wǝr imos arat aynayan a dawan-in-kattaba, ammar awa wanad da irǝwan a, tǝgrâwam harwa daɣ tizarat imosan isalan win as tǝslam.

1 ⵢⵈⵢⴰ 3:2

Imaran-in nakkanay ǝmǝrǝdda bararan ǝn Mǝššina a nǝmos, amaran arat wa za nǝqqǝl dǝffǝr awa harwa da wǝr dana-d-inafalal. Nǝssân ɣas as Ǝlmǝsix as du-z-inǝfilǝl nola dǝr-ǝs, fǝlas anay a tu-za-nagu ǝnta iman-net.

1 ⵢⵈⵢⴰ 3:20

kudde tihammen-ana wallan-nanaɣ arak ǝmazal. Fǝlas Mǝššina ogar iwallan-nana, amaran issân daɣ arat kul.

1 ⵢⵈⵢⴰ 4:17

As du-tǝga tara ta ǝnǝfilal ikmâlan daɣ wallan-nana, ad nǝkkǝs aššak fǝl man-nana ǝzǝl wa n tabadday, fǝlas tǝmǝddurt-nana daɣ ǝddǝnet a tolat ǝd ta n Ǝlmǝsix.

1 ⵢⵈⵢⴰ 5:14

Ǝnta da ǝmmǝk was nǝkkas aššak fǝl man-nana ɣur Mǝššina: As daɣ-as nǝgmay arat inimannakan ǝd tara-net wǝdi issisam-ana.