1 ⴾⵍⴾⵔⵏ⵿ⵜ 3:16 - Ǝlinjil ǝn Ɣaysa Ǝlmǝsix

¹⁶ Awak masnat a wǝr tǝgema as, kawanay iman-nawan a imosan ehan ǝn Mǝššina, iha deɣ Infas wa Zǝddigan iwallan-nawan?

ⵍⵍ ⵢⵙⴰ ⵍⵎⵙⵈ

¹⁶ ⵓⴾ ⵎⵙⵏⵜ ⵓⵔ ⵜⴶⵎⴰ ⵙ ⴾⵓⵏⵢ ⵎⵏⵓⵏ ⵎⵙⵏ ⵂⵏ ⵏⵎⵛⵏⴰ ⵂⴰ ⴹⵗ ⵏ⵿ⴼⵙ ⵓⴰ ⵤⴹⴶⵏ ⵓⵍⵏⵓⵏ⵰

1 ⴾⵍⴾⵔⵏ⵿ⵜ 3:16 ပူးပေါင်းရင်းမြစ်များ

Yaxya 14:17

Ǝnta a imosan Infas wa isinǝfililan tidǝt, as wǝr tǝfreg ǝddǝnet ǝlqǝbulat-net, fǝlas wǝr tu-tǝhǝnnǝy wala da tǝzday-tu; eges kawanay tǝzdâyam-tu fǝlas ihoz-kawan amaran ad iggǝz iwallan-nawan har faw.

Kǝl-Ǝrrum 6:16

Awak wǝr tǝssenaɣ âs as tǝgeɣ iman-nak akli n awedan tǝbbǝrdagaɣ-as, wǝdi kay tǝqqalaɣ akli n awedan wen? Daɣ adi wa ɣas tǝqqalaɣ akli n abakkad itawayan ǝs tǝmattant, wa tǝqqalaɣ akli ǝn tarrayt ta n ǝbǝrdǝg i Mǝššina tǝtawayat ǝs taqqat?

Kǝl-Ǝrrum 6:3

Nakkanay ketnanaɣ ǝmmǝk a nǝmos as nǝtawasalmaɣ daɣ aman s esǝm ǝn Ɣaysa Ǝlmǝsix, awak tatawt a din-tǝgam as nǝrtây dǝr-ǝs daɣ tǝmattant-net?

Kǝl-Ǝrrum 8:11

Šiɣǝswen-nawan tǝsǝlkamt-nasnat tǝmattant; dǝr iga awen da ya as imos as ih-iwan Infas ǝn Wa d-issǝnkaran Ɣaysa Ǝlmǝsix daɣ tǝmattant, wǝdi Wa d-issǝnkaran Ɣaysa Ǝlmǝsix daɣ tǝmattant ad agu tǝmǝddurt taynayat daɣ tǝɣǝswen-nawan s Infas-net Zǝddigan a kawan-ihân.

Kǝl-Ǝrrum 8:9

Kawanay, as imos as izdâɣ-kawan Infas ǝn Mǝššina wǝdi ab-as tǝlkamam i medranan ǝd deranan n aggadǝm, kalar win Infas wa Zǝddigan as tǝlkamam. Awedan wa wǝr iha Infas wa n Ǝlmǝsix, wǝdi wǝrgeɣ i n Ǝlmǝsix.

1 ⴾⵍⴾⵔⵏ⵿ⵜ 3:17

Amaran awedan kul wa ihallakan ehan ǝn Mǝššina, a t-ihlǝk Mǝššina; fǝlas ehan ǝn Mǝššina i zǝddigan, amaran kawanay a t-imosan.

1 ⴾⵍⴾⵔⵏ⵿ⵜ 3:9

Nak d Abbolos nǝdrâw ǝššǝɣǝl wa danaɣ-ikfa Mǝššina, amaran kawanay a mosnen šilat ǝn tawagost-net, tǝmosam deɣ ǝkǝrrus-net.

1 ⴾⵍⴾⵔⵏ⵿ⵜ 5:6

Wǝr tǝlem ǝddǝlil waliyyan fadda s igi ǝn baragan. Awak wǝr tǝssenam as, «arat ǝn xamira a isakafan tǝbǝlulǝq n agel irwayan ketnet?»

1 ⴾⵍⴾⵔⵏ⵿ⵜ 6:16

Meɣ masnat a wǝr tǝgem as awedan wa issǝrtayan iman-net ǝd tǝkarwat, wǝdi iqqal dǝr-ǝs taɣǝssa iyyadda? Awak wǝrgeɣ ǝnnan Ǝlkǝttaban: «Alǝs ǝd tǝntut-net ad ǝqqǝlan taɣǝssa iyyadda»?

1 ⴾⵍⴾⵔⵏ⵿ⵜ 6:19

Awak masnat a wǝr tǝgem as šiɣǝswen-nawan ehan n Infas wa Zǝddigan a ǝmosnat, a kawan-ihân, ikf-âwan-tu Mǝššina? Wǝrge kawanay a ilan iman-nawan.

1 ⴾⵍⴾⵔⵏ⵿ⵜ 6:9

Awak masnat a wǝr tǝgem as inǝllubas wǝr zʼǝgrǝwan adagar daɣ Taɣmar ta n Mǝššina? Ǝqqǝlat-du daɣ ǝxruk wa tǝgam, tǝssǝnam as imaggan n ǝzzǝna, d aytedan win ǝɣbadnen ǝssǝnǝman, ǝd win tagginen i tǝdoden-nasan šidoden, ǝd meddan win tagginen iman-nasan šidoden ǝd win tagginen imidawan-nasan šidoden,

1 ⴾⵍⴾⵔⵏ⵿ⵜ 9:13

Awak masnat a wǝr tǝgem as aytedan win šaqqalnen daɣ Ahan wa Zǝwwǝran n Ǝlɣibada, ehan en da a tan-ihakkin isudar-nasan; win ǝšɣalnen deɣ ɣur majmar wa daɣ taqqadnat tǝkutawen, ǝlân adagar-nasan daɣ tǝkutawen en?

1 ⴾⵍⴾⵔⵏ⵿ⵜ 9:24

Masnat a wǝr tǝgem âs, tammazaga aytedan aggotnen a tat-taggaznen, mišan awedan iyyanda a tat-d-itarnin? Daɣ adi azǝlat, tagim azzal wa kawan-du-z-isassarnin.

2 ⴾⵍⴾⵔⵏ⵿ⵜ 6:16

Ehan n Ǝlɣibada ǝn Mǝššina deɣ ma tǝmos tǝrǝddawt ta zʼagu d ǝssǝnǝman? Fǝlas nakkanay a ǝmosnen Ehan ǝn Mǝššina di iddaran, id Mǝššina a innan: «Ad ǝxsǝra daɣ aytedan-in, idawa dǝr-san; ǝqqǝlaɣ Ǝmǝli-nasan, ǝntanay deɣ ǝqqǝlan tamattay-nin.»

1 ⵜⵎⵜⵢ 3:15

fǝl ad iqqal as kud fall-ak in-ǝlloleɣ, da ad tǝssǝnaɣ alxal was immǝkkan ad t-agin aytedan daɣ ahan ǝn Mǝššina di n Amaɣlol a t-imosan Ǝlkǝnisat. Ǝlkǝnisat ta ǝnta a tǝmosat tǝgǝttawt ta n tǝsǝkbǝlt ǝn tidǝt.

2 ⵜⵎⵜⵢ 1:14

Taɣlift tǝhossayat ta tǝgrawa ɣur Mǝššina, agǝz-tat ǝs tarna n Infas wa Zǝddigan a danaɣ-ihan.

ⴾⵍⵗⵀⵔⵢ 3:6

Ǝlmǝsix amaran barar n ahan ǝn Mǝššina a imos, iɣdâl i tamattay ǝn Mǝššina, imos ǝmuzar-net. Ehan wen amaran nakkanay a t-ǝmosnen as imos as nǝzazzawat daɣ tǝflǝst tǝglayat d attama was nǝsabarag.

Yaqub 4:4

Xa inǝmmǝzray ǝn Mǝššina! Masnat a wǝr tǝgem as, tara n ǝddǝnet gezzar ǝn Mǝššina a tǝmos? Daɣ adi awedan wa igan iman-net ǝmidi n ǝddǝnet, wǝdi azangaw ǝn Mǝššina a imos.

1 ⵀⵜⵔⵙ 2:5

Dad zamas kawanay da tǝmosam zun tǝhun ǝddarnen, itawakras sǝr-wan ahan n ǝlɣibada ǝn Mǝššina ǝs tilalt n Infas wa Zǝddigan, wǝdi tǝqqalam ilimaman zaddognen hakkinen šikutawen šin imal Infas wa Zǝddigan s ǝntanatay a ǝgraznen i Mǝššina ǝs tarrayt ǝn Ɣaysa Ǝlmǝsix.

1 ⵢⵈⵢⴰ 4:12

Mǝššina wǝr kala ad t-inay awedan. Mišan kud nǝnimara gar-ena wǝdi iha iman-nana, tǝnifalal-du daɣ-na tara-net ǝs tǝmǝwit tǝkmâlat.