1 ⴾⵍⴾⵔⵏ⵿ⵜ 13:5 - Ǝlinjil ǝn Ɣaysa Ǝlmǝsix

⁵ Awedan taha tara wǝr itǝggu ǝmazal n iba ǝn tǝkarakit, wǝr igǝmmǝy awa tu-z-anfin ǝnta ɣas, wǝr rǝɣis alham-net, wǝr itǝttǝf daɣ man ark amazal a das-iga awedan;

ⵍⵍ ⵢⵙⴰ ⵍⵎⵙⵈ

⁵ ⵓⴹⵏ ⵜⵂⴰ ⵜⵔⴰ ⵓⵔ ⵜⴶⵓ ⵎⵤⵍ ⵏⵀⴰ ⵏ⵿ⵜⴾⵔⴾⵜ ⵓⵔ ⴶⵎⵢ ⵓⴰ ⵜⵤⵏ⵿ⴼⵏ ⵏ⵿ⵜⴰ ⵗⵙ ⵓⵔ ⵔⵗⵙ ⵍⵂⵎⵏⵜ ⵓⵔ ⵜⵜⴼ ⴹⵗ ⵎⵏ ⵔⴾ ⵎⵤⵍ ⴹⵙⴶⴰ ⵓⴹⵏ⵰

1 ⴾⵍⴾⵔⵏ⵿ⵜ 13:5 ပူးပေါင်းရင်းမြစ်များ

Matta 5:22

Nak za ǝnneɣ-awan, awedan kul wa iggaz alham n iyyan, wǝdi ad t-ibǝz ǝššǝriɣa awwaddab. Awedan deɣ kul wa innan y iyyan: "Anafnoz!" Wǝdi ad itǝwǝsǝbdǝd dat Asaggawar wa Zǝwwǝran as itawannu Sanhedrin fǝl ad itǝwǝšrǝɣ, amaran awedan wa innan y iyyan: "Kay amaros!" Wǝdi ǝššǝriɣa-net Jahannama.

Matta 9:4

Inn-asan Ɣaysa issânan daɣ awa samadranan: «Mafel tǝtaggim arak medranan win daɣ wallan-nawan?

Markus 3:5

Issəlal-tan Ɣaysa asawad-net ih-ay alham, təɣšâd taɣart ta ǝgan wallan-nasan iman-net wəllen. Təzzar inna y aləs wen: «Ǝzzəl əfus-nak.» Izzal-tu, izzay iqqal əmmək-net.

Luqa 7:39

As inay Farisay wa isimuguren Ɣaysa awen, inna daɣ man-net: «Ǝnnar imos alǝs a ǝnnǝbi, issǝn as tǝntut ta tu-tǝddasat da, tanasbakkadt.»

1 ⴾⵍⴾⵔⵏ⵿ⵜ 10:24

A tu-wǝr-imǝl waliyyan daɣ-wan igammayan tǝnfa ta n man-net ǝnta ɣas, kalar igmǝyet awa zʼanfin imahharagan-net.

1 ⴾⵍⴾⵔⵏ⵿ⵜ 10:33

Agat awa tagga; nak a igammayan d ad ǝgrǝzaɣ y awedan kul daɣ arat kul; wǝr gǝmmǝya tǝnfa i man-nin, kalar tǝnfa y aytedan aggotnen a gammaya fǝl ad ǝgrǝwan ǝlɣillas ɣur Mǝššina.

1 ⴾⵍⴾⵔⵏ⵿ⵜ 11:18

Fǝlas arat wa azzaran, wa sǝr-wan ǝsleɣ âs, id tǝmmǝnay aljamaɣat n Ǝlkǝnisat-nawan y ǝlɣibada, ad tǝqqǝlam šizunawen; amaran wǝr aba a ǝzzigzanaɣ daɣ batu di.

1 ⴾⵍⴾⵔⵏ⵿ⵜ 12:25

fǝl ad wǝr tǝzun tǝɣǝssa gar-es, kalar ǝkkulluk ǝn tǝslǝt ad tǝssǝn daɣ tǝmidit-net.

1 ⴾⵍⴾⵔⵏ⵿ⵜ 7:36

As iga alǝs arkawal n azalaf i tǝmidit-net har d-ewad alwaq wa daɣ ihor a tat-izlaf, amaran iksud ǝsǝkkǝrukǝd-net, wǝdi izlǝfet-tat, kud adi a ira, wǝr imos awen abakkad.

2 ⴾⵍⴾⵔⵏ⵿ⵜ 5:19

imosan as: Mǝššina eway-du alxer gar-es d ǝddǝnet ketnet ǝs tarrayt n Ǝlmǝsix, abʼas fall-asan ittaf ibakkadan-nasan. Ǝntanay da da isalan n igi n alxer win as danaɣ-inna a tan-nagu y aytedan.

ⴾⵍⴶⵍⵜⵢⴰ 5:13

Kawanay amaran imǝdrayan-in, iɣr-iwan-du Mǝššina y ad taddarfem. Eges tǝdarfit ten ad wǝr tǝqqǝl arat a sǝr-wan d ewayan lǝkkum y arak deranan ǝn tara ǝn man. Kalar akkiyyan daɣ-wan iqqǝlet akli ǝn win hadatnen, iga awen ǝs tara.

Kǝl-Filib 2:21

Amaran aytedan kul win hadatnen tǝnfa ta n man-nasan ɣas a gammayan, wǝrgeɣ talɣa ta n Ɣaysa Ǝlmǝsix.

Kǝl-Filib 4:8

Xasil imǝdrayan-in, aratan da win as ihor a tan-tagim faw da daɣ taytwen-nawan ǝd medranan-nawan: imazalan kul win ǝknanen ǝlluɣ, ǝhoran d i tan-imalan, ǝd mazalan win ǝmosnen tidǝt, ǝmosan ǝzzǝbun, oɣâdan, zaddogan, ǝssiran, tatamalan.

2 ⴾⵍ⵿ⵜⵙⵍⵏⴾ 3:7

Kawanay iman-nawan, tǝssânam wǝllen as immikkan ad tataggim awa nǝtag. Harwa a ɣur-wan nǝlla, wǝr nǝmos imǝssǝndad.

2 ⵜⵎⵜⵢ 2:10

Awen da fǝlas ǝddǝlil ǝn win isannafran Mǝššina a fǝl ǝzmara y arat ketnet, fǝl ad ǝgrǝwan ǝntanay da efsan ǝs tarrayt n Ǝlmǝsix Ɣaysa, ǝgrǝwan tanaya tǝɣlalat.

2 ⵜⵎⵜⵢ 4:16

Ɣur ǝššǝriɣa-nin wa azzaran wǝr t-illa awedan iwâran aganna-nin, kalar awedan kul igmad batu-nin. Mǝššina ya wǝr tan-tobeza s ǝmazal di.

Yaqub 1:19

Ya imǝdrayan-in ǝkneɣ tara, sǝsǝmat: ǝgmâya daɣ ǝkkulluk n awedan ad issǝrɣǝs ǝsǝsǝm, ayyu tararada n awal, wala irɣas alham-net.