1 ⴾⵍⴾⵔⵏ⵿ⵜ 11:26 - Ǝlinjil ǝn Ɣaysa Ǝlmǝsix

²⁶ Fǝlas id tǝtšam tagǝlla ta, tǝšwam deɣ daɣ tǝkabart ta, wǝdi isalan ǝn tamattant n Ǝmǝli Ɣaysa a tǝtaggim, har ǝzǝl wa du-z-iqqǝl.

ⵍⵍ ⵢⵙⴰ ⵍⵎⵙⵈ

²⁶ ⴼⵍⵙ ⴹ ⵜⵜⵛⵎ ⵜⴶⵍⴰ ⵜⴰ ⵜⵛⵓⵎ ⴹⵗ ⴹⵗ ⵜⴾⵀⵔ⵿ⵜ ⵜⴰ ⵓⴹⵢ ⵙⵍⵏ ⵏ⵿ⵜⵎⵜⵏ⵿ⵜ ⵏⵎⵍⵢ ⵗⵢⵙⴰ ⵜⵜⴶⵎ ⵂⵔ ⵤⵍ ⵓⴰ ⴹⵤⵆⵍ⵰

1 ⴾⵍⴾⵔⵏ⵿ⵜ 11:26 ပူးပေါင်းရင်းမြစ်များ

Yaxya 14:3

As tu-sammataga, ad d-ǝqqala, idawaɣ-in dǝr-wan fǝl ad tǝggǝzam edag wa ǝhe.

Yaxya 21:22

Inn-as Ɣaysa: «Kud tara a ǝgeɣ ad iddǝr har d-ǝqqǝla, tǝdi wǝr kay-tǝqqel. Kay ǝlkǝm-i ɣas!»

Yaxya 21:23

Wazawazan salan daɣ mǝzzǝgzan ǝs Ɣaysa as anattalib wa wǝr tu-z-iba. Ǝnta Ɣaysa wǝrgeɣ a inna wǝr tu-z-iba, tǝnna ɣas a iga: «Kud tara a ǝgeɣ ad iddǝr har d-ǝqqǝla tǝdi wǝr kay-tǝqqel.»

Igitan 1:11

Ǝnnan-asan: «Ya meddan ǝn Galilaya, mas tǝbdadam, tǝswâdam daɣ jǝnnawan? Ɣaysa wa immǝdkalan gar-ewwan da ǝs jǝnnawan, ilkâm a d-iqqǝl s ǝmmǝk wa da as tu-tǝnayam ikk-en.»

1 ⴾⵍⴾⵔⵏ⵿ⵜ 15:23

Tanakra daɣ tamattant amaran, tǝgâ s ǝnnizam: Ǝlmǝsix a sǝr-ǝs d-azzaran, dǝffǝr adi win sǝr-ǝs ǝzzǝgzannen a du-za-tǝwǝsǝnkǝrnen ɣur tawaɣlay-net.

1 ⴾⵍⴾⵔⵏ⵿ⵜ 4:5

Daɣ adi ad wǝr tǝssǝwǝram awedan waliyyan lahan dat tawaɣlay n Ǝmǝli s ǝnta a zʼassaknin ezal a mallan arat kul wa itawaggan daɣ ǝssir, isǝffǝggu awa ihan iwallan n aytedan. Alwaq wǝdi, awedan kul ad igrǝw ɣur Mǝššina tǝmmal ta dǝr ihor.

1 ⴾⵍ⵿ⵜⵙⵍⵏⴾ 4:16

Fǝlas Ǝmǝli iman-net as du-z-azzabbat daɣ jǝnnawan ɣur ǝkuray, imosan ǝmǝsli n angalos wa zǝwwǝran, d anasaɣ n asăk ǝn Mǝššina. As iga adi aytedan kul win aba ǝzzigzanan s Ǝlmǝsix, ǝntanay a du-z-izarnen tanakra.

2 ⴾⵍ⵿ⵜⵙⵍⵏⴾ 1:10

Adi kul ad agu ǝzǝl wa du-z-azzabbat Ɣaysa iha ammas n aytedan win mizdagan ǝd win sǝr-ǝs ǝzzǝgzannen kul fǝl ad t-ǝssǝɣmǝran ad t-ǝmmalan. Kawanay da a tan-tǝggǝzam ǝzǝl wǝdi fǝlas tǝzzigzanam isalan win dawan-nǝga.

ⴾⵍⵗⵀⵔⵢ 9:28

ǝmmǝk wen daɣ den âs Ǝlmǝsix da ǝtǝwǝkfa iyyanda a itawagga imos takutay, fǝl ad imǝs ibakkadan n aytedan aggotnen. Amaran assa-net wa n ǝššin, wǝr d-igla fǝl ames ǝn bakkadan, kalar fǝl ad iɣlǝs win das-ǝssǝgadnen ǝknân tara n a d-asu.

2 ⵀⵜⵔⵙ 3:10

Ǝzǝl wa ilkaman, a d-agu assa wa d-itaggu abaydag. Ǝzǝl wen, ad tǝɣrǝd tǝmsay ahluk n awa ihan ijǝnnawan kul, iba tamayyamayt ǝn jǝnnawan, iddew awen d ǝmǝsli iknân tallabǝst, ikšǝf amaḍal d awa fall-as itawamazalan kul fǝl ad tǝwǝxkǝman.

1 ⵢⵈⵢⴰ 2:28

Bararan-in akniwat tassaq d Ǝlmǝsix, ǝddi as du-z-inǝfilǝl da nǝkkâs aššak fǝl man-nana, wǝr dǝr-ǝs nǝnamaggag, wǝr nǝkarakad ɣur assa-net.

Yuday 1:14

Ǝntanay da tǝqqal-tan batu ta iga ǝnnǝbi Xenok, imosan ahaya wa n ǝssa n Adǝm. Inna sǝr-san: «Ǝnǝy, Ǝmǝli a d-asu iddew ǝd tǝmǝrwen ǝn giman n angalosan,

Ǝnǝfilal 1:7

Ǝnta ǝddi a d-izayan ǝddi iha-du šignawen. Aytedan kul ad t-ǝnǝyan harkid win t-ǝdagnen saxxarabben-tu ǝs tǝzoli. Tawšeten n ǝddǝnet kul a fall-asnat tagu tǝfǝyyawt daɣ talɣa n awa t-igrawan. Awalla awen daɣ a igan. Amin!

Ǝnǝfilal 22:20

Wa igǝyyen fǝl aratan win, isattadd-en, inna: «Awalla, ǝzayaɣ-in tarmad.» Amin! Iyyaw, Ǝmǝli Ɣaysa!