Luke 9:22 - Thet

²² ကျီးကအိမ် ကိုယ်တော်နာ တပည့်တော်ရက်အင် "လူမျိူးအကြီးအကဲရက်၊ ပုရောဟိတ်ရက်အိမ် ကျမ်းတတ်ဆရာရက်နာ လူးသားတော်ယင် ညှဉ်းပန်းနှိပ်စက်လင်ကား။ အမာရက်နာ အမင်ငြင်းပယ်ကို ကတိုက်လင်ကား။ ညီးင့ဒင့်ယဲ့ သုံးရောက်မြောက်ရယက်အာ အမာအဆက်ဆိမ်းလင်က"ငါ့ကို ငါ့လင်ကဟေ။

Luke 9:22 ပူးပေါင်းရင်းမြစ်များ

Luke 17:25

ညီးင့ဒင့်ယေ့ အိမ်မအချိန်အထုပ်မီ မလားကင်းမ အမာနာ ဒုက္ခဝေဒနာယင် ခံစားပိုကို အတတ်ကခေတ်အာက လူးရက်က ငြင်းပယ်ဟေ ကဟင်းလင်ပိုကား။

Luke 24:26

မေရှိယာနာ အမှာကဘုန်းတန်ခိုးတော်ရက်အင် အလှုမိကထပ် ဒုက္ခဝေဒနာယင် ခံစားပိုကဟေကား အချေးကလဲ" ငါးဂို့ ငါ့လင်ကဟေ။

Luke 24:44

ကျီးကအိမ် ကိုယ်တော်ယေရှုနာ "မောရှေကပညတ်ကျမ်း၊ အရိယာသူတော်စင်ရက်ကကျမ်းအိမ်၊ ဆာလံကျမ်းရက်အာ ငါကအကြောင်းငင် ဖေါ်ပြပီးဟေကအတိုင်း အမှန်တကယ်ဖြစ်လင်ကငါ့ဂို့ နနိန်ရက်အင် ငါငါ့ဆနပ်ဒက်ကအကြောင်းအရာရက်နာ မှအဖြစ်အပျက် ရက်မယ်ဖြစ်ဟေ"ငါ့ကို ငါ့လင်ကဟေ။

Luke 24:7

"လူ့သားတော်ယင် အပြစ်ဒုစရိုက်သမားရက်က လက်ထဲယာ အက်လင်ကား။ အမာရက်နာ "လူ့သားတော်"ယင် လက်ဝါးကပ် တိုင်ယာတင်ကိုး ကတိုက်လင်ကား။ ညီးင့ဒင့်ယေ့ အမှာနာ ဆုံးရက်မြောက်ဟေကရယက်အာ ရှင်ပြန်ထမြောင်လင်က" ငါးကို ငါ့ပီဒက်ဟေအရိလဲ"ငါ့ကို ငါ့လင်ကဟေ။

Luke 9:44

"နနိန်ရက်အင် ငါငှားကားကရက်အင် အာရုံစိုက်ကိုး အတေးယင်းဂီ။ လူဂါအဆာ ရန်သူတာဟူးဝါ အက်ဟေကားဟင်းငန်ပေါဂါ" ငါးဂို့ ငှားလင်ကဟေ။