Luke 2:38 - Thet

³⁸ မှတာဆာလောင်စာ ဗိမာန်တော်အတာဟုန်းငါ ထုပ်ကျီးကရပ် မန်ဆာယေရူယင် ပေါ်ဟေကရပ် ဘုရားရှင်ဂါဂုဏ်တော်ငင် ချီးမွမ်းဂို့ ဂျေရုဆလင်မြို့ယာဘင်း ကယ်တင်ဟေကား စောင့်ဂို့မျှော်တုန်းဂါး လူအပေါင်းရက်အင် အိမ်မှမန်ဆာကအကြောင်းငင် ပြိစ်တုန်းလင်ကဟေ။

Luke 2:38 ပူးပေါင်းရင်းမြစ်များ

Luke 1:68

"အစ္စရေးလူမျိုး ဆန်စူရက်က အရှင်သခင်ဖြစ်တော်မူဟေကား ဘုရားရှင်ဂါး ဂုဏ်ကျေးဇူးတော်ငင် ငါချီးမွမ်းဟေ။ ဘုရားရှင်နာ အမာကလူမျိူးအပေါင်းရက်အင် ကယ်တင်ကဇီစ် ကြွဗန်(ဖ်)ဟေကဖြစ်ဟေ။

Luke 2:25

အိမ်မှအချိန်ငါ ဂျေရုဆလင်မြို့ယာ ရှုမောင်ငါ့ကိုအမိန်းဟေကား လူးဟူးဝါငါ့လင်ကဟေ။ အမှာနာ ဘုရားရှင်နှစ်သက်ဟေကအရာရက်အင် လိစ်ကျီးဂို့ ဘုရားရှင်ကပညတ်တော်ရက်အင်နာ နာခံကဟေ။ ဘုရားရှင်စာ အစ္စရေးလူမျိုးရက်အင် ခွန်အားအီကို ကယ်တင်အီးယန်ဂါး စောင့်တုန်းဟေက လူဟူးဝါးဖြစ်ကအတွက် ဉာဏ်အလင်းတော်စာ အမှာထနဲ့ဆင်းသက်ဗားဂို့။

Luke 2:36

အိမ်မားနေယာ အာရှာမျိုးနွယ်ဝင် ဖနွေလဂါး အဆာအိဖြစ်ဟေကား အရိယာသူတော်စင် အန္နယဲ့ ငါတုန်းလင်ကဟေ။ အမှာနာ အိမ်ထောင်ဟြန်ဂို့ အဟိုးဗားအိမ်မက်တာ ခုနှစ်နှစ်ကြားမနီး ပေါင်းသင်းတုန်းလင်ကဟေ။

Luke 23:51

အမာနာ ကိုယ်တော်ယေရူယင် ကတိုက်ကဇိစ်ကြံစည်ဒက်ကား အယောက်က လွှတ်တော်အဖွဲ့ဝင်ရက်ကား ဆုံးဖြတ်ချက်အိမ် လုပ်ဆောင်ချက်ရက်အင် သဘောအတူဒက်ပါ(လ်)။ မှတောင်မဒင့် မှကမ္ဘာယာ ဘုရားရှင်ကသာသနာတော် ထုန်ကဇိစ် တဗျင်းလိုလားတုန်းက လူးယေ ဖြစ်ဟေ။

Luke 24:21

အမာနာ ငါရက်ကား အစ္စရေလူမျိုးအပေါင်းရက်အင်‌ ရွေးနူတ်ကယ်ကလူးဖြစ်လင်ကငါ့ကို့ ငါရက် မျှော်လင်းပီကယေ့ အတတ်က(လ်) အိမ်မအဖြစ်ပျက်ရက်ဖြစ်ဒက်ကား သုံးရက်ကြားဒက်နန်း။