Stzꞌibꞌen Mak 16:4 - Tektiteko

⁴ Per aj kypon, oxik kyen te ab'j lamb'il stzi' te pantyon ojetq tuq tz'el toli' b'ix te ab'j jun chman ab'j tuq.

Stzꞌibꞌen Mak 16:4 ပူးပေါင်းရင်းမြစ်များ

Stzꞌibꞌen Matey 27:60

b'ix owox tsi' tuj jun muqb'il anim aj man ak'a'j tuq tuj jun peky tujx xtx'o'otx'. Yaji okaj xtxayi' stzi' te jul tuky'i jun ma chman ab'j b'ix owaj.

Stzꞌibꞌen Matey 27:66

Ntons kyetz eb'ajxik b'ix oqet kyk'ulu' byenech te ab'j stzi' te jul tlamelul te muqb'il anim b'ix owok ksi' jun techa'l ti'j b'ix ekaj ksi' tzi kye soldad xb'uqil tetz.

Stzꞌibꞌen Mak 16:3

B'ix man tuq nkyeb'et tuj b'ey, nqet tuq kykawla' ikxjani: «¿Ab'l owelal tolin te ab'j stzi' te pantyon tzan qox?»

Stzꞌibꞌen Mak 16:5

Ya ma kye'ox tuj te pantyon oxik kyen jun ku'xon wit'liqet tuj tb'anq'ab'. Tetz tq'anaq xluj b'ix b'an sjapun tuq. Aj txik kye'e', kyetz etzajb'aj.

Stzꞌibꞌen Luks 24:2

Otzaj kykamb'a' te ab'j ojetq tuq tz'el in twitz te jul muqb'il anim,

Stzꞌibꞌen Waꞌnch 20:1

Ntons, tuj tb'ay q'ij te saman, man tuq qloljx, te Liy aj Magdála oxik aj ja' owox muqu' te Jesus, b'ix otzaj tkamb'a' te ab'j lamb'il stzi' te jul ojetq tuq tz'el in.