Tbꞌay Uꞌj Stzꞌibꞌen Waꞌnch 5:3 - Tektiteko

³ Komo oj tqet qgani' Qtata Dios telponx tzan tqet qoksla' aj ntzaj tq'uma', b'ix te aj ntzaj tq'uma' nya'tx jun tidi' aj b'an kwest te qetz.

Tbꞌay Uꞌj Stzꞌibꞌen Waꞌnch 5:3 ပူးပေါင်းရင်းမြစ်များ

Stzꞌibꞌen Matey 23:4

Kyetz nqet kyb'isu' tidi'chq aj b'an kwest tzan tqet kyk'ulu' txq'anky xjal, b'ix yaji nxik kyk'ulu' mandad kyi'j kye txq'anky, per kyetz nya'tx dispwest tzan kyonen ch'inwt.

Stzꞌibꞌen Waꞌnch 14:15

«Qa etetz nkyinqet egani', intqet etoksla' te aj nxik nq'uma'ni.

Stzꞌibꞌen Waꞌnch 15:10

Qa etetz oqtel etoksla' kyaqil aj nxik nq'uma' ntons etetz atikxqet junch'in wuky'i'l b'ix owokel eten titza' nkxqet ngani'. Iktza'x wetz nqet woksla' aj ntzaj tq'uma' te Ntat b'ix k'onti'l nkaj nkola' b'ix ikxji n'ok wen titza' tetz nkyinqet tgani'.

Stzꞌibꞌen Waꞌnch 15:14

Etetz a'ix wajyol qa etetz nqet ek'ulu' iktza' wetz nxik nq'uma'.

Kye Aj Rom 7:12

Ikxji n'ok qen te Kawb'il ch'inwt nya'tx galan ti'j, b'ix kyaqil aj ntyoli' b'an galan b'ix tume'l b'ix ch'inwt nya'tx galan ti'j.

Kye Aj Rom 7:22

Wetz tuj wanim nkyinchalaj ti'j te aj tgan te Qtata Dios.

Kye Ebrey 8:10

“Astilji, te tume'l ak'a'j aj okajel nsi' kyuky'i kye aj Israel oj tponb'aj aj tyempji, a te ja ntzani,” kyi te Qajawil ikxjani. “Oxe'l nsi' Nkawb'il tuj kywi' b'ix onk'ulu'tz tzan tkaj tuj kyanim, b'ix wetz okyin'okel te Dios aj otzajel kyna'o' b'ix kyetz okye'okel kye nxjalil.

Tbꞌay Uꞌj Stzꞌibꞌen Waꞌnch 2:3

Ikxjani te tume'l titza' n'el qniky' qa oje tz'ok qotzqila' tetz: Nqet qoksla' aj okaj tq'uma' te Qtata Dios.

Tkabꞌiꞌ Uꞌj Stzꞌibꞌen Waꞌnch 1:6

B'ix ikxjani titza' tzan tqet qgani' qib': A tgan tzan qb'et tuj tume'l iktza' okaj tq'uma' [te Qtata Dios]. Aj ntzani te aj okaj tq'uma' iktza'x owok echa'o' atx b'an oqtxi' tzan eb'et tuj tume'l ikxji.