Tite 3:8 - New Testament in Mitsogo

⁸ Evovie éne kaka éetsuma paga, ésangakoga. Me Paul nanyôngéô mbe ôsimbuéa ébégôe éne buta mbe ane eetsa Nzambé mitémamie gémôtsumé paga angadigaa na môvinéné gô mayanza mamisôba génzeegede ésimee ényôngéô Nzambé. Nôeni éne te éne ényepa gôndé oma.

Tite 3:8 ပူးပေါင်းရင်းမြစ်များ

Matthieu 20:4

Kumu atsaga amatôma ahngô mbe: Anye kiakani nôkedenga akanyô gô tsaga yami. Nanganôvanéa kuanakue.

Jean 12:44

Jésus amanigôa mbe: One eetsa me môtémedi wetso, asiitsa gôndé memuene môtévo. Eetsi te na gôndé ône amatôma me.

Jean 5:24

Jésus amavovo mbe: One ookô mane mavovo me na eetsa môtémedi wetso na gôndé Nzambé, ône amatôma me, andé na monyo amôbô na môbô. Namani émôyuua gô môtsundu. Anôtôgi g’ôwa, aka na monyo.

Mayanzame 12:15

Akedi amamôdékéda mbe: Tsika. Apatéda nane. Ivô tômbône amoomba mbe: Me tsapatéda. Te na gô pie andé v’ombaa. Akedi ahngô mbe: Eé-éé, ôeni te môsi g’ôba avigédiô na Nzambé gôékenea angô.

Romains 4:5

Endé te nane va gatse amôma na Nzambé. Môtsundu aNzambé ôsapengana gôndé wa n’anyô abévie. Okô môma géyanzé ébégô éamôsôba, eetsa Nzambé môtémedi wetso gémôtsumé paga. Nzambé eena môtémedi ôsaba na paga na amôénda mbe: môma etsimama agébé n’oési.

II Corinthiens 4:13

Matendeo MaNzambé matônigôa mbe: Me nameetsa môtémee wetso gébé na buétsé gô mabégô mema, t’ebandô me navovo mangô. Na we dôta tôsamatsuma paga, tômeetsa mitémamie gô mabégô mema, t’ebandô tôvovo mangô.

Ephésiens 4:28

Te mbe ône amabaka muisui anzeegede éésua. Buedi mbe ayanzé na mogome medi amuene gôédiia mane manyôngéô angô géésué. Na eetsé dôta na misugamie gô mane mayanzangô.

I Timothée 1:15

Bangôa ébégô édué ésangakoga na éndéké évôni na ényepa ôkôngéda éangô gébé na paga. Ebégôe te mbe: Jésus‐Christ amaviga gôédigaa va gatse oma gôéoboo ane amadimbanani gô ébévee éaô. Va gatse ahngô me namootéa ébéva.

I Timothée 2:8

Nanyôngéô mbe gô tsengeye yetso, amôgôô atômba mogo maô gôévovo na Nzambé. Avove na Nzambé na mitéma mimagôgéani gébé na ôpisa, na gébé na matasa mamasaganédana.

I Timothée 5:10

Otenda te ône amenyanganô gô mayanza medi mamisôba na amamenya éékéda anedi. Te ône amamenya ékenea agenda na asikiné éyanzee éagébé na tsama gôéwedéa asi mbumu éaNzambé, na amawedéa ane amaba gô maguga na ameenda mayanza mamisôba maminongo mietso.

II Timothée 1:12

Maguga matubédu me, te gô éne. Buéyé nane, me tsatsuma paga ta na pesu. Me tsabômu ône ameetsa me môtémami. Namenya na gô pie mbe angô andé na ngudi yekenea éyanzee na ényangee émadeekedangô me, ngu na nyoo ôvôni.

Tite 1:9

Buedi mbe abaké môtémee wetso gô mabégô mapie gékiné ta na vibégô vivo viaNzambé. Vane angaba n’eodo na ngudi gôéongô akedi ndongi na meekédume mapie. Angaba na ngudi dôta gôétévéda nzéa éapie gôndé ane adigaa g’ôési, na gôékoa ahngô matasame.

Tite 2:14

Amaadeekeda amuene gôéwa gôndé wa n’anyô, gôéyuua we gô mabégô metso mabévani na gôégôgéda we mbe tôngaba omedi, asi évambevo n’edi. Na mbe tôngaba na gényônga na môvinéné gôéénda mane mamisôba.

Tite 2:7

Ewe Tite, ôtévéda ahngô gô mônongoe woo gayanza mônzambu mabégô mamisôba. Odigaa na môtéma ômasumani gôéékéda mabégô mavôni mandéké n’ewe.

Tite 3:1

Bangôéda muetso mbe: Sugéani anyene gôégobeda ane atômani na ane ameetsô manyanga. Gobedani ahngô gôéénda mayanza metso mamisôba.

Tite 3:14

Buedi mbe omee asô n’anyô, éékédu gatôwedéana wa n’anyône na wa n’anyôene gô mane mavôni matôgômbéôni. Enyepa mbe omee asô n’anyô agono na géétété gébôtani gô mayanza maô n’esimee éaô éamisôba, kaka ga géétété sagékômba.

Philémon 1:11

Va mbeego angô asibaké na tsoongo gôndé éwe, géé deo noo aka na tsoongo gôndé wa n’oo muetso abaé.

Hébreux 10:24

Tôkasôanéni wa n’anyôene na wa n’anyôene gôéôtéa ényôngananéô na gôéôtéa éyanza mane mamisôba.

I Pierre 1:21

Gô ina aJésus‐Christ, mitéma mianyô misatsuma Nzambé paga, ône amakundua Jésus va gatse oma amawani. Na amamôétsa ôkumaka n’ondômba gômbe mitéma mianyô na tsoongone éanyô éngaba gôndé amuene Nzambé gébé na buétsé.