Tite 3:2 - New Testament in Mitsogo

² Ewe Tite, tôma oma mbe: Nômbiatsuava môma. Bakani oma agétabé na oma ekena. Bakani kuka yetso na sekaseka n’oma muetso.

Tite 3:2 ပူးပေါင်းရင်းမြစ်များ

Matthieu 11:29

Tôtsuéké égumbee wa n’oo abaé, éwe gévo gésa samôkongo, me dôta gévo gésa. Singa me nagôékéda. Me te môma angeba agébé na nyemo. Ongadenga gédundéô samôtémee woo ganyôngéô éwe.

Mayanzame 23:5

Paul amamôbeenda mbe: Me tsimenyaka mbe angô te pene adeekedi adigondoku. Matendeo MaNzambé matôbeenda mbe: Ombiatoko pene atôma omami.

I Corinthiens 6:10

Na eesui, n’asi onzôô okitie, n’asi édangi, n’atokoni, n’asi môkôbé. Omee ane asangeengéa g’ôkumu aNzambé.

I Corinthiens 9:19

Me Paul tsidigé g’ôvéga. Tsaba môvéga amôma mbe natômu n’edi. Buéyé mbe nane nameengéa memuene g’ôvéga gôéba môvéga oma muetso gômbe vayanzéa me ahngô, nangaweseda ayekani na gôndé Nzambé.

II Corinthiens 10:1

Me Paul nanôgondo mbe kokooni yanye, ôôkôni éne énganônigôa me. Avo nôvovo mbe vadigaa Paul vandé we éva andé ti môsiki edi na gétabé. Ivô ti mane makudégangô andé gôdagôda te matsakiméda môtéma amôma. Me Paul nanôgondo gô ngeba na gô divooti yamuene Christ mbe

II Corinthiens 12:20

Me Paul nakebangana mbe kabaga tsanôdenga gaténdéda me. Na kabaga me dôta tsaba n’anyô gamaténdéda anye gôndé me. Mavooe kabaga nadenga dôta va gatse anyô masaganéda, na ngusu, na dipisa, na tatô, na matoki, na matsuavi, na dienza, na mabégô masagô.

Galatie 5:22

Tambô gabôta géétété samôsôba miônda miedi miamisôba, mônongovo gaGédidi SaNzambé gébôta gô môtéma amôma ésima éedi éamisôba. Gébôta t’etondo, na gényônga, gétabé, ôbibô, tsôvé oma, ngeba, mavôma,

Galatie 6:1

Ana aTétee asi mbumu éaNzambé, ôkô ôébéyi muana aTétee n’oo ayanza ébégô ébévani, pati yebégô, anye nôndé na Gédidi SaNzambé nikéani étévéda angô nzéane éetsimama. Indakani nane gô ngeba. Na dôta gôndé anye, môma na môma awemé gôndé amuene kabaga akuba gô mane makanégu angô.

Galatie 6:10

T’ebandô ôkô tôndé vangô kuka yetso tôena môkasô adagéô ébégô te gôndé wa n’anyô gôémôwedéa. Tôôtéé éwedanéa wa n’anyô asi mbumu éaNzambé.

Ephésiens 4:2

Bakani gébé na nyemo na gébé na dibagaa. Bibédani gôésinganéa mane maanyene n’anyene gô vitoone éndé n’anyô.

Ephésiens 4:31

Patsani gôdagôda n’anyô matasa metso na mavovia manyô manganye na pigaga, n’opisa. Nôtôgani gô mindônga na matoki. Aaganani n’ebévee éetso.

Philippiens 4:5

Buedi mbe émenyanganô na muetso gandéké anye gébé na nyemo. Kumu Jésus amahviga n’atsatsee.

1 Thessaloniciens 2:7

Géé nane, we tômabaka na deede vandé anye gandé iyee anyuéséda anedi.

I Timothée 3:11

Buedi mbe agayaô dôta abaké agobedani na gébé gékinda pambo éadeekeda. Abaké gébé na migianganô miamatsuavi. Abaké ageto abôkédé na amavôma gô mabégô metso.

I Timothée 3:3

Môma nône, abaké gébé na gésima senyua maduku, na gébé na masaganéda. Abaké môma amavôma na môtéma ômasumani. Abaké gébé n’onzôô okiti.

Jacques 3:17

Ivô gôndéké éodo éviga g’ôba te éodo émagôgéani. Ene te ébégô éedi éamapanga, na éodoe éne éndé éagétabé, gébé na nyemo, gébé na tato. Te éodo émayôa na ngeba, na ékuséda go môtéma amôma ésima éamisôba. Eodoe éne ékina matasa mabévani na ésaba n’enyepa éamônya.

Jacques 4:11

Ana aTéta agô mbumu éaNzambé nônatsuavana anyene n’anyene. One eeséda muana aTétee n’edi na atsuava angô, eeséda Matendeo MaNzambé na atsuava mangô. Menya mbe éwe ôtsuava Matendeome éwe ôsaba môneegedi amangô ivô éwe te môkékôyi amangô.

I Pierre 2:1

Viiani ngima ésima ébévani éetso. Te diboe na enyepa éamônya na ngusu na matsuavi metso.

I Pierre 3:10

Te gatôbeendu na Matendeo MaNzambé mbe: Gôndé ône anyôngéô édigaa gétabé gô tsengene, Na anyôngéô éena minya mietso gényônga. Aweme ômeni edi gô mikokou na miumbu miedi gô diboe.

I Pierre 3:8

Te nane, anye muetso bakani n’etasevo. Bakani na tsôvé dipo. Va gatse anyô bakani n’etondo éana aTétee, asi mbumu éaNzambé. Bakani na ngeba. Sugédani anyene va mbene akanyô.

I Pierre 4:4

Akanyô ahndé gô mabégô mabévani deo noo ahtsapéô gôébégô nôsagésangana n’ahngô gô mane mabévani mameendanye n’ahngô va mbeego. Na ahngô ahnôbuanya.

II Pierre 2:10

Kekee ti gandé ane anyima tsôvé dibévani yotô na ahkeenga ényangee éaNzambé. Eekédi adiboe ahndé n’obagaa na nyemo. Ahsookô gomo gôédeta asi g’ôba.

Jude 1:10

Ivô amôgôôe adeo noo ane, abuanya metso masanigôgéô ahngô te buanyaga. Agono na nyama yagô pindi dinda minongomie miaô mimeekaganô n’ahngô. Na miangô mikeda ahngô na gôébungana.

Jude 1:8

Endé te nane na amôgôôe ane ahkudungana va gatse anyô deo noo ayanza mônongovo gameenda akaô va mbeego. Ahngô eena mabégône gô ndoti na mangô makeda angô gôébévéda yôtôye yaanguene. Eenza éanyangee éaNzambé. Adeta ane andé n’ondômba ag’ôba.