Tite 3:11 - New Testament in Mitsogo

¹¹ Osabômu mbe môma amônongoe ône, matasa medi mamani ényungéga gôétsika nzéa étsimama. Mônongoe waô ôbévani te ône ôasiséda ahngô anguene.

Tite 3:11 ပူးပေါင်းရင်းမြစ်များ

LUC TSANGO EAMOSOBA EMATENDA 19:22

Môtômine amamôsemba mbe: Ewe môyanzi môbévani. Ogi ôvovi éwe te ône ôsoseda éwe. Osibômu mbe me te môma môdagani. Nabongo te éne ésivumbé me. Naa môyakô me gépangé égaaba.

LUC TSANGO EAMOSOBA EMATENDA 7:30

Apharisien n’evovie amakékôa éne émakônzéô ahngô na Nzambé. Amakina éétsô bateme na Jean.

Jean 3:18

One eetsa Muana ANzambé môtémedi wetso aseetsô ôési. Ivô ône aseetsa Muana ANzambé môtémedi wetso amani éétso ôési te gôtsumangô mane maMuana ekika ANzambé paga.

Mayanzame 13:46

Paul na Barnabas amavovo gébé na gomo mbe: Nzambé amanyôngéô mbe anye Ajuif nôpanga éékédu Mane Mamavovo amuene. Ivô anye nôkékôa mangô. N’anye nôeeséda anyene veendanye mbe: We tôsabuta monyo amôbô na môbô. Tambô, menyani mbe we tônôtôgi gôndé anye. Tôkea na gôndé ane asaba Ajuif.

Mayanzame 15:24

Tômookô mbe avo oma amatimôga éva gôébuéa na gôndé anye. Gô mavovia maô amayungéda anye na ameetsanye mikebanganô. Menyani mbe kaka we tômatôma ahngô na gôndé anye.

Mayanzame 23:25

Na amatendéa gésangô mbe:

Romains 3:19

Tôsabômu mbe migemie mimakitsôni mindé te gôndé ane adigaa gô tsina amiangô. Gô mitôma na mige miaNzambé gôsaba môma angayuuéga gô miangô. Na vane oma muetso ava tsina tôésédu te gô miangô.

II Timothée 2:14

Natôma éwe Timothée mbe: Bangôéda na ikéda oma va miso maNzambé mbe asasaganédana gô mavoviame na mavéndégéôme. Masaganédame mamônongo ône madaga na mapatsa ane ookôni.

Tite 1:11

Ibéda ahngô miônyamie mbe akôda gôébégô andé gôéyungéda mbumu amôbongo gômeekédahngô mane masaba kuanakue gôéékédu. Eékéda nane te g’ônzôô adode gôédidiia gô mangônzô maô.

Tite 1:14

Na mbe asakôngéda matangôtangô mapakéda Ajuif mbe mabégô mapie. Na mbe asagobeda mitômamie na migemie miane amanôtôga gô nzéane éamabégô mapie.

Hébreux 10:26

Okô wa n’anyô tômani éôkô mabégô mapie, tôômba éénda mane masanyôngéô Nzambé n’osôbee asô n’anyô, gôsabadô wene ôgondoku ôngoongôa étônôtôa ébévee éne.