Tite 3:10 - New Testament in Mitsogo

¹⁰ Ivédaka gône ane anyongéô étatôa oma aNzambé, meevédéô mabaé, vane kinani évamba n’ahngo.

Tite 3:10 ပူးပေါင်းရင်းမြစ်များ

Romains 16:17

Me Paul nanôkeneda mbe wemani gôndé ane anyôngéô étatôa anye. Ayungéda meekédume mamookô anye. Anyôngéô ébôméda anye nômeetsa Jésus mitémamie. Aaganani n’ahngô.

I Corinthiens 11:19

Buétsé vandé tatô va gatse anyô te gôémenyanganô ane andé na vitoo na Nzambé.

II Corinthiens 13:2

Nanôkeneda, anye nômakuba mbeego gô mabégô mabévani, na gôndé anye nôsikubéni muetso. Namanôkeneda gô môtôôe wami amôbaé ômabaka me n’anye. Tsabéyee n’anye, nanôomba énôkeneda mbe vangoomba me éviga na gôndé anye, tsangadô éena môma ngeba gô mane mabévani meendangô.

Galatie 5:12

Buedi mbe ane ahyungéda anye gôégeetu ahkiaké gô nzéane éaô gésikamé, akitsé éetso éanguene.

Galatie 5:20

na égobeda mbumba yegoni, na maganga, n’adudanô anguene n’anguene, na masaganédana na ngusu, na dipisa, na misoso, na pingô yéômbé ésaba na vitôô gô mabégô maNzambé,

II Thessaloniciens 3:14

Okô môvo asagobeda ndongi yagésangô gegé, tendani inee éedi. Kinani évamba n’edi buta mbe eena tsoyi.

II Thessaloniciens 3:6

Ana aTétee n’ami asi mbumu éaNzambé, gô ina aKumu Jésus‐Christ tônôbeenda mbe: Nômbiavamba n’asi mbumu éaNzambé andé na gésima sadakadaka na asagobeda meekédume mamatôékéda angô.

II Timothée 3:5

Gô ndéôye dine, oma angagésangana gô gésôga ti eembe andé gôégobeda Nzambé tambô asavamba na ngudi yedi. Kina évamba n’omee amônongoe ône.

II Pierre 2:1

Va mbeego va gatse ambumu éaNzambé vamabaka eekédi adiboe. Te mônongovo va gatse anyô vangaba eekédi adiboe. Ahngô ahtsongonéda meekédume mooboe gôébunza mane mapie. N’ahngô ahkina Môékédi môvôni ône amooboo ahngô. Eekédi adiboe ahngakudungana anguene gôébungana tsina na tsina.

II Jean 1:10

Okô aviga na gôndé anye gétsué meekédu mema, nômbiasinga angô eengéa na gôndé anye gôésambanéa n’angô.