Tite 3:1 - New Testament in Mitsogo

¹ Bangôéda muetso mbe: Sugéani anyene gôégobeda ane atômani na ane ameetsô manyanga. Gobedani ahngô gôéénda mayanza metso mamisôba.

Tite 3:1 ပူးပေါင်းရင်းမြစ်များ

Matthieu 22:21

Ahmaabéa Jésus mbe: Eetso te éaCésar, môtômi atsenge. Vane Jésus amavovo n’ahngô mbe: Ene éndé éamôtômi atsenge, nikédani na gôndé angô. Ene éndé éaNzambé, nikédani na gôndé Nzambé.

I Corinthiens 15:58

Ana aTéta n’ami amôtéma, t’ebandô me Paul nanôongô mbe oodoni gô mabégô mema kabaga nôsasipa. Bakani na géviôviô gôéyanzéa Kumu gôébégô éagékundugéô. Nôsabômu mbe éne éyanzanye pitsi yedi éndé anye na vitoo na Kumu Jésus, éndéké na tsoongo.

Ephésiens 2:10

Gôébégô tômavangô na Nzambé na tômakou gômatôvamba na Jésus‐Christ gômbe tôngaba na monyo ômadugani na mayanza mamisôba. Amuene amatôkônzéa mayanzame mane mbe tôngeenda mangô.

Philippiens 1:11

Osambôe wami te mbe mônongoe wanyô ôbaké ga géétété samôsôba gébôta miônda miedi miamisôba. Te mbe Jésus‐Christ, ône andé gô mitéma mianyô atsigédé ésimee éedi éamisôba gô môdigédie wanyô. Vane Nzambé angakumédu na géneegage setso.

Colosses 1:10

Vane nôngadigaa ganyôngéô Kumu Jésus. Na nôngeenda éne ékasôgéda môtémee wedi. Vane nôngaba ga géétété samôsôba gébôta miônda miedi miamisôba. Mitéma mianyô mingabôta ésima éamisôba. N’anye nôngawesea gôémenya gandéké Nzambé.

I Timothée 2:2

Buedi gôévovo na Nzambé gôndé atômi avôni atsengeye, n’ane andé na manyanga muetso, buta mbe tôdigaa na gétabé gébé na mikebanganô. Vane tôngaba na môdigeo ôgobedani ganyôngéô Nzambé.

I Timothée 4:6

Ewe Timothée, ôkô ôongi asi mbumu éaNzambé ndongi yedi, ôndéké môyanzi amôsôba aJésus‐Christ. Otubéda gabôngôa éwe gédidige soo ômuene na mabégôme meetséwe môtémee gébé na paga, na gabôngôu éwe na meekédume mami mapie mamookô éwe.

I Timothée 5:10

Otenda te ône amenyanganô gô mayanza medi mamisôba na amamenya éékéda anedi. Te ône amamenya ékenea agenda na asikiné éyanzee éagébé na tsama gôéwedéa asi mbumu éaNzambé, na amawedéa ane amaba gô maguga na ameenda mayanza mamisôba maminongo mietso.

II Timothée 1:6

T’ebandô nagôbangôéda mbe, môgôô ômeetsô éwe na Nzambé vamatsakéga me éwe mogome, kidéa angô gakidéô soto mbe kabaga géema.

II Timothée 2:14

Natôma éwe Timothée mbe: Bangôéda na ikéda oma va miso maNzambé mbe asasaganédana gô mavoviame na mavéndégéôme. Masaganédame mamônongo ône madaga na mapatsa ane ookôni.

II Timothée 2:21

Okô môma agôgéda môtémedi gôéaagana na mabégô mabévani metso magôbeendi me angasevou gasevou gépedee sokumaka gôéyanza mane mavôni masoongôa muetso éyanza. Môma nône, gandé angô môtémedi ômagôgéani wetso gôndé kooko edi, eenanô n’edi mbe andé na tsoongo. Angamôyanzéa ésaôe éetso éamisôba éngatômu angô.

Tite 1:16

Eenda mbe: We tôsabômu Nzambé, tambô. Esimee na mayanza maô matubéda mônongoe waô ôsavambangô na Nzambé. Andé ga sôma gébooni sambônga ébévani. Akina Nzambé. Na asoongôa éyanza ta n’ebégô évo éamôsôba.

Tite 2:14

Amaadeekeda amuene gôéwa gôndé wa n’anyô, gôéyuua we gô mabégô metso mabévani na gôégôgéda we mbe tôngaba omedi, asi évambevo n’edi. Na mbe tôngaba na gényônga na môvinéné gôéénda mane mamisôba.

Tite 3:14

Buedi mbe omee asô n’anyô, éékédu gatôwedéana wa n’anyône na wa n’anyôene gô mane mavôni matôgômbéôni. Enyepa mbe omee asô n’anyô agono na géétété gébôtani gô mayanza maô n’esimee éaô éamisôba, kaka ga géétété sagékômba.

Tite 3:8

Evovie éne kaka éetsuma paga, ésangakoga. Me Paul nanyôngéô mbe ôsimbuéa ébégôe éne buta mbe ane eetsa Nzambé mitémamie gémôtsumé paga angadigaa na môvinéné gô mayanza mamisôba génzeegede ésimee ényôngéô Nzambé. Nôeni éne te éne ényepa gôndé oma.

Hébreux 13:21

Nanyôngéô mbe Nzambé, môétsi agétabé, anôétsa ngudi gôéénda mane mamisôba na gôéyanza mane manyôngéô amuene. Te mbe éné étômangô éenanô gô midigédi miasô n’anyô gô ndugi yaJésus‐Christ. Te mbe ôndômbee wetso ôbaké gôndé Jésus‐Christ, môbô na môbô. Amen.

II Pierre 1:12

Buéyé gamenyanye mabégô mema, buéyé gasipanye gô mabégô mapie mameetsô anye, me noomba énôbangôéda mabégô mema.

Jude 1:5

Anye nôsabômu mabégô mema. Eébéyée nane, nanôbangôéda gamayanza Kumu gôéoboo ana aIsraël g’ôvéga ômadigaahngô gô Egypte. Va mbenene vane amayôha ana aIsraël muetso amakina émôgobedani.