Tite 2:12 - New Testament in Mitsogo

¹² Ngebaye yedi dine ditubéda we ganyôngéô Nzambé mbe tôviié ngima môdigédi asagô na tsôvé yetso yava tsina. Na ganyôngéô angô mbe tôdigéé na mavôma gô tsengene na ésima éamisôba ésapengana n’ene ényôngéô amuene.

Tite 2:12 ပူးပေါင်းရင်းမြစ်များ

Matthieu 12:32

One eenza me, Muana Amôma, andé na ngudi yesingéô kokoo. Géé, ône eenza Gédidi SaNzambé asangasingéô kokoo buéyé bandôa ndéô nedué ngu na gô ndéô évigani.

Matthieu 16:24

Vane Jésus amavovo n’aneengie muetso mbe: Okô môma anyôngéô ékea nzéepo n’ami, aviié mane maamuene ngima. Atsué gésumuge sedi sowa na akéé geômbé gévo n’ami.

Matthieu 28:20

Nôékédaka ahngô gôégobeda mabégô metso mamatôma me anye. Bangôani ébégôé édué. Me nandéké n’anye pitsiye yetso ngu na vangakôdéa tsengene.

LUC TSANGO EAMOSOBA EMATENDA 1:6

Zacharie na Elisabeth amagobeda Nzambé gô mabégô metso. Ahsikékôé ta n’ebégô évo ématsikéô ahngô gô mitômamie na gô mige miaKumu Nzambé.

LUC TSANGO EAMOSOBA EMATENDA 1:75

Ameenda nane gômbe tôngaba oma amatsimamani aNzambé na gébé n’oési va mbene edi, Pitsi yasô yetso yava tsina.

Jean 14:30

Tsangadôvovo mayekani n’anye. Tsesune, ône atôma tsinane avigi. Otômue wedi ôsatôma me.

Jean 6:25

Oma amadenga Jésus gô dipo tsényé yamubu. Amamôévôa mbe: Môékédi, ôabôgi n’ego nayee?

Mayanzame 24:16

T’ebandô nagényôga gôédigaa kuanakue va mbene aNzambé na va gatse oma kabaga vatsundédu me na muanga amôtémami mbe ôeséda me.

Mayanzame 24:25

Paul amabandôa évovo. Amanigôa ganyôngéô Jésus mbe môma adigaa n’etsimama. Na gôétôma ôtôe woo gôékina mane mabévani. Amavovo dôta n’ebégôe éamôtsundu ôvigani. Vane Félix ameena gomo na amamôénda mbe: Te vanedô. Kiaka. Okedigaa. Gô épo kuka vangeena me ndéô nangagôbambéa.

Romains 12:2

Nômbiagésangana mônongo ôvo na ésima évo n’asi tsengene. Ivô tsikéani Nzambé anôkoa matasame mbe mapengana na mane mamabaka n’anye mbeego. Vane nôngamenya éne ényôngéô Nzambé gôndé anye. Te éne éamisôba, na mane meetsimama na masapengana na matasa medi.

Romains 6:12

Nômbiasinga mbe mabégô mabévani matôma yôtô yanyô. Nômbiagobeda tsôvéyé dibévani ditômu anye na yôtô yanyô.

Romains 6:19

Me Paul navovo n’anye nakanéga na tsavane éovéga te gôdagéô anye énigôgéô mabégô mema. Gô mbeego nômatsôkéa gôéadeekeda anyene g’ôvéga amayanza mabévani manzooh, na nômadigaa sagô. Tambô n’atsatsee deekedani anyene na gényônga ga avéga akôô aJésus gôéba na môdigédi ômagôgéani.

Romains 8:13

Okô tôgobeda yôtôye yasô n’anyô na manyimama maô tôngawa. Okô wa n’anyô gô ngudi yaGédidi SaNzambé tôpangi ékina manyimame mane mamabôtu na wa n’anyô, tôngaba na monyo.

II Corinthiens 1:12

Bononi éne éndéké n’asô eekédi gôényemôga na ékasôga gôndé anye. Mianga miamitéma miasô mitôtsundéda géesédé we môdigédie wasô na mônongoe wasô ônyepani va gatse ane asavamba na Nzambé na dôta va gatse anye. Tôdigaa n’oma muetso na mavôma maviga gôndé Nzambé gébé na buembe. Te éodo émeetsa Nzambé we étôtévéda nzéa, kaka éodoe ébôtu na môma.

II Corinthiens 7:1

Wee yami, ôvangee ône ômavanga Nzambé mbeego ôndé na ngudi gôndé wa n’anyô deo noo. Tambô tôbaké n’ekena gôébusuga mane mevindô kabaga tômagônga gôébévéda ôtô na gédidi gagônga môma mbéka éambii. Tôadeekedéni wa n’anyôene na gôndé Nzambé gôédigaa monyovo n’edi na gomo gôémôgobeda.

Galatie 1:4

Christ amaadeekeda amuene ngu na g’ôwa gô ébévee éasô n’anyô. Te gôétôoboo na gôétôkuséda g’ôvéga ômatômuku we na tsinane éadeo noo édué éndé émayôa na mabégô mabévani. Te éne émanyôngéô Tetasô n’anyô Nzambé.

Galatie 5:24

Ane andé na vitoo na Jésus‐Christ ameeséda anguene gôésiséda mitéma mimabôtu n’ahngô, na tsôvéye yetso dibévani na manyima metso mabévani.

Ephésiens 1:4

Menyani mbe Nzambé madeo asikana tsina n’oba amapanga ésevoa wa n’anyô gôévamba n’edi gô ngudi yaChrist, gômbe tôngaba n’etsimama na gébé n’oési va mbene edi.

Ephésiens 2:2

Gô ndéô nene nômagésangana gô ésima na môdigédi asi tsengene. Nômagobeda ône atôma édidie ébévani éangudi éava tsina. One atômani ône, ayanza deo noo gô mitéma miane akékôa ôgi aNzambé.

Colosses 1:22

Ivô deo noo, gô ôgondoku ômayôhu ôtô aMuanedi Jésus, Nzambé amanikéa énôvambéda na amuene. Ameenda nane gômbe nôngeenanô n’edi ti eembe nôsaba n’oési, na nôndé n’etsimama nômagôgéani.

1 Thessaloniciens 4:7

Nzambé asisevoa wa n’anyô mbe tôdigaa gô minongo mietso miagésasô. Amasevoa wa n’anyô mbe tôaagané n’ebéva gôédigaa môvo n’edi gô étsimama.

1 Thessaloniciens 4:9

Nôsabutadô éongu ndongi gôébégô éavitoone éndéké n’ana aTétee asi mbumu éaNzambé. Endé te nane, nômani éékédu na amuene Nzambé gakegea étondo éavitoone éasô n’anyô.

I Timothée 4:12

Ombiasinga môma, ta na môvo adeta ônzambue woo mbe: Agébaka ti muanéngé. Ivô gô mônongoe woo, tubéda ane ameetsa Jésus mitémamie nganégu éamôsôba g’ôvovédie woo, na g’ôdigédie woo. Tubéda angô dôta ganyôngéô éwe akoo, na gasatsumewe Jésus paga gandé éwe na môtéma ômagôgéani.

I Timothée 6:17

Beenda ane andé n’okiti atsengene mbe: Nômbiaba na bopeeo. Beenda ahngô mbe aseetsa mitéma miaô na gô mônongo okiti ône ôgôgani na ôdimbanani, ivô eetse mitémamie miaô na gôndé Nzambé, ône atôétsa éetso gékuté, gôékasôgéda we mitéma.

I Timothée 6:9

Ivô ane andé na tsôvé édiia ôkitie akuba gô pagô étambéô angô. Akubédu na manyima mabévani mookô ahngô masaba na tsoongo. Na mangô mayavôga ébuéda môma gôébunganéda monyoe wedi ava tsina na buéyé n’one agô mbene.

II Timothée 3:12

Endé te nane. Muetso anyôngéô édigaa na égobeda Nzambé gô vitoone éndé wa n’anyô na Jésus‐Christ, angeena gékuanô.

II Timothée 4:10

Gôébégô Démas amatsika me. Angô amootéa ényôngéô mabégô matsengene, te gamakeangô na gô Thessalonique. Crescens dôta amakea na gô Galatie. Na Tite amakea na gô Dalmatie.

Tite 3:3

Osabômu mbe buéyé wa n’anyô va mbeego tômabaka gandéké akasô deo noo. Tômabaka n’odungé, gégobede, na tômabaka oma amadimbanéô nzéa. Tômadigaa g’ôvéga ômatômu we na tsôvé dibévani dimatsôkéa yôtô yasô n’anyô. Tômadigaa gô ébévee na gô ngusu. We tômavinga akasô, n’ahngô dôta amavinga we.

Hébreux 8:11

Asangadôbuta môma gôéékéda angô. Na gôsangaba môma anganogôa môkedi mbe: Buedi gôémenya Kumu. Gôébégô muetso angamenya me, Kumu aô. Bandôa n’anéngé ngu na payi, ahngamenya me.

Jacques 1:27

One andé na gô pie môma aNzambé, gébé n’oési va mbene aNzambé te ône aweda ana atsani na mikué gô panda yaô. Na akumba mane mabévani matsenge nedué.

II Pierre 2:9

Kumu asabômu éoboo omedi gô éne ékanégu ahngô. Kumu asabômu ékenea oma abévani ngu na gô nyaa amôtsundu.

II Pierre 3:11

?Va tôena mbe éetso éne ébandôa éwesea gôébungana, midigédi mianyô mingaba nayee? Buedi mbe ôdigédi anyô ôbaké n’etsimama môtémovo na Nzambé.

I Jean 2:27

Géé ti gôndé anye, Christ amapika anye na Gédidi sedi. Gédidi sedi gémeengéa gô mitéma mianyô na nôsabuta môma gôénôékéda. Ekegea te nane. Gédidi SaNzambé génôékéda metso. Mane meekéda sangô te mapie kaka mooboe. T’ebandô bakani na vitoo na Christ na nôngagobeda meekédume maGédidi sedi.

I Jean 2:6

One avovo mbe: Me te môvo na Nzambé, adigéké gamabaka Jésus.

I Jean 5:19

Tôsabômu mbe tôndéké ana aNzambé na tsengene nyetso éndéké gô tsina otômu aMôbévine.

Jude 1:18

Ameevéda anye mbe: Gô pitsiye yamôyusumédu oma anganôdeta na angadigaa gô manyima mabévani mamitéma miaô mikékôa Nzambé.

Gétsutsuéô 14:12

Nôeni ébandôe ésipa asi mbumu éaNzambé na bôkédé, te ane ahgobeda mitôma na mige miedi na ahsanôtôga gôndé Jésus ône ameetsangô mitémamie gébé na buétsé.