Tite 1:9 - New Testament in Mitsogo

⁹ Buedi mbe abaké môtémee wetso gô mabégô mapie gékiné ta na vibégô vivo viaNzambé. Vane angaba n’eodo na ngudi gôéongô akedi ndongi na meekédume mapie. Angaba na ngudi dôta gôétévéda nzéa éapie gôndé ane adigaa g’ôési, na gôékoa ahngô matasame.

Tite 1:9 ပူးပေါင်းရင်းမြစ်များ

Mayanzame 18:28

Apollos amanigôana na Ajuif v’ekanga gôétubéda ahngô diési yaô. Mane mamavovo angô mamabaka na ngudi dipôni na mamadita, gôébégô amatanga metso te gô Matendeo MaNzambé. Amatubéda ahngô mbe Jésus te Christ, ône amasevou na Nzambé na ône amavéngéô na Ajuif.

I Corinthiens 14:24

Tôkanéga dôta mbe môma na môma gô mbumu éaNzambé apandôéda ndongi dimeetsô angô na Nzambé. Na avo eengéa, ane asamenya mabégôme mane na ane asavamba na Nzambé. Gô mane mookiô angô, ahngookô na vede gô mitéma miaô mbe: Me te môbévi. Môtémedi ôngadumédu na ôngeesédu gô mane mapandôédiôni.

1 Thessaloniciens 5:21

Vasani na tônegedani mabégô metso. Nôsevoa gôékenea mane mamisôba mandé na tsoongo.

II Thessaloniciens 2:15

T’ebandô nanôbeenda mbe: Ana aTétee asi mbumu éaNzambé oodoni gô mabégô mapie. Ditégani meekédume metso mamanigôa we anye, buéyé na mônya, buéyé mbe na gésangô.

I Timothée 1:10

Na gôndé asi gésasô na gôndé amôgôô ayanza anguene gésasô, na gôndé akabi avéga, n’apatie, n’ane asongéa éngôndô. Mige mikitsô te gôndé muetso ayanza mane mapengana na meekédu mapie.

I Timothée 1:15

Bangôa ébégô édué ésangakoga na éndéké évôni na ényepa ôkôngéda éangô gébé na paga. Ebégôe te mbe: Jésus‐Christ amaviga gôédigaa va gatse oma gôéoboo ane amadimbanani gô ébévee éaô. Va gatse ahngô me namootéa ébéva.

I Timothée 1:19

Ekeeyie yoo te gômeetsewe Nzambé môtémee woo wetso gémôtsumé paga. Na te gôndé éwe gébé n’oési vatsundédu éwe na muangee amôtémoo. Avo oma amakékôa éne émeesédu ahngô na miangamie miamitémamie miaô na amamôtôga gô nzéane éaJésus étôkeani te gô éne.

I Timothée 4:9

Ebégôe éne, kaka éetsuma paga na ésangakôga. Endé kuanakue mbe ôétsa môtémee woo wetso.

I Timothée 6:3

Okô môma akanégi éékéda mavo mabégô, na angô asaba n’evamba na mavovia mapie maKumu asô n’anyô Jésus‐Christ, na meekédume maneegeda we Nzambé,

II Timothée 1:13

Ewe Timothée, bangôa mavovia mami mapie mbe te mônongoe ôngadeka éwe gôéékéda. Sipa na bôkédé gô nzéa éaJésus étôkeani édué na gô étondo éedi étôdiia gô vitoone éndé wa n’anyô na Jésus‐Christ.

II Timothée 2:2

Mane mamookô éwe me neekéda va pingô yoma amookôni, éwe dôta ikéda mangô gôndé oma amavômani. Na ahngô dôta angakea angaba na ngudi yeekéda n’avo oma.

II Timothée 2:25

Gôndé ane atsuma meekédu medi paga, buedi mbe anigôé na gényônga gébé n’opisa. Vane mavooe Nzambé angayanza gôékoa atsumie apaga mitémamie, n’ahngô angatsiga émenya mane mandé mapie.

II Timothée 3:14

Géé éwe Timothée, sipéda môtémoo gô mane mameeka éwe masatsumewe paga. Osabômu mônongoe amôékédine woo.

II Timothée 4:3

Menya mbe ndéône éwesea, éne éngakina oma éôkô meekédu mapie. Matô maô manganyôngéô éôkô mabégô masapengana na tsôvé yayôtô yaô. Angakénga gôéévôa eekédi ayekani ngu na vangadenga ahngô môékédi anigôa mane manyôngéô matô maô éôkô.

Tite 1:11

Ibéda ahngô miônyamie mbe akôda gôébégô andé gôéyungéda mbumu amôbongo gômeekédahngô mane masaba kuanakue gôéékédu. Eékéda nane te g’ônzôô adode gôédidiia gô mangônzô maô.

Tite 2:1

Géé éwe Tite, ikéda te mane masapengana n’amuene Nzambé.

Jude 1:3

Omami amôtéma namanyôngéô énôtendéa ébégôe éagéobogeoge gématôobou, wa n’anyô muetso. Ivô n’atsatsee nookô pepe tsôvé gôénôkasôgéda mitémamie na gésangô gegé mbe: Genyani ébadie gôéebakanéda mabégô mapie mameetsa Nzambé gôndé ane amamôétsa mitémamie gémôtsumé paga. Nzambé amatôétsa mane medi mapie kukepo na koo.

Gétsutsuéô 2:25

Ivô simbédani mane mandéké n’anyô ngu na vangaviga me.

Gétsutsuéô 3:11

Me tsangaamba éviga. Simbédakani vipesuvie viangudi vindé n’anyô, kabaga nôwatô n’oma môsendee wanyô ôngadiianye gô ébadie égenyuni.

Gétsutsuéô 3:3

Bangôani meekédume mamadiianye. Kôngédani gamookô anye mangô. Indakani mane mamookô anye. Eesédani anyene mitéma mianyô gôéviia ngima ébévee éanyô gôénika na gôndé me. Okô nôsitimôga nangaviga na gôndé anye na bambasa gaviga muisui. N’anye nôsangamenya ndéône éngaviga me.