Tite 1:5 - New Testament in Mitsogo

⁵ Me Paul namagôtsika gô tsenge éaCrète buta mbe ômangôa ékônza mabégôme magô mbumu éaNzambé. Na mbe ôétsa ényangee éopeeye gôndé ane angasevouni gô mbumu éaNzambé gô môsenge na môsenge. Bangôa gamatévéda me éwe gô ébégôe éne.

Tite 1:5 ပူးပေါင်းရင်းမြစ်များ

Mayanzame 11:30

Ameetsa te nane. Amakudéga éne émeetsangô ôbiia na gôndé peeye yambumu éaNzambé gô Judée. Te Barnabas na Saul amatsua dibiiaye dine.

Mayanzame 14:23

Go tunguye yetso dimawanya asi mbumu éaNzambé, Paul na Barnabas amasevoéa ahngô peeye dingatômani. Ahmadigaa amakina môyakô gôévovo na Nzambé na vane ahmadeekeda ahngô na gô mogo maKumu, ône ameetsahngô mitémamie.

Mayanzame 2:11

Tôndéké te ane amabôtu gô éongo éAjuif na ane ameengéa gô gésôga sAjuif. We agenda tômaviga dôta gô Crète na go Arabie. Buéyé nane, we muetso tôôkô na vede gavovo omeaa yôgiye yasô yaminongo mietso gôékuméda Nzambé gô mayanza medi mavôni.

Mayanzame 27:12

Ehbôngô ésinyepe gôédigaa pitsi diyekani gôémangôa ndéône nyetso éasodi wangô. T’ebandô asi môtôôe amanyôngéô énôtôga vangô gôékea na gô Phénix. Phénix te éhbôngô éndé gô Crète gésa gédôngu gôpénda kômbéne. Te tungune ényepa gô ndéône éasodi.

Mayanzame 27:13

Nyovo ôpunga ônyepani ôviga gô dongu ômavumbéa. Anugie ameenda mbe: N’opungee ône tôngabuéa. Amaduta môkodie gôéenôa étaé émasipaka mbôngône gô mbéyi kabaga ékea. Na tômakea. Tômagônga gô môvamba aCrète.

Mayanzame 27:21

We muetso tômabaka gô mbôngône, tôsiéé môyakô pitsi diyekani. Vane Paul amatema môtie na amavovo mbe: Amôgôô n’ami, anye mbe nômookéôkô me, mbe tôsinôtôgé vita gô Crète, wa n’anyô mbe tôsidimbanédana éôma éasô n’anyô éetso.

Mayanzame 27:7

Gô pitsi diyekani tômakea vage na vage. Tômabaka na panda dipôni gôébuéa gô môsenge ôéndô mbe Cnide, na tôsitsegé wangô. Gékungage gémeebakanéda we gôéomba éwesea na gésa géne. Vane tômoota gô Cap Salmoné gôégônga gô môvamba anéngé ééndô mbe Crète.

I Corinthiens 11:34

One ôôkô nzaa apangé éaa gô ebedi, kabaga nôkôva géesédéô saNzambé gô éne ééndanye gô géwanyéô. Gôndé na mene mabégô mangakônza me nandé va gatse anyô.

I Corinthiens 14:40

Gô mabégô mema metso tsôkéakani na mavôma gébé na môyungéda.

I Corinthiens 4:17

Na dôta nanôkudégéa Timothée muanami amôtéma agô mbumu éaNzambé ône adigaa gôndé Kumu na mavôma. Anganôbangôéda mônongo amonyo ôdigaa me gô vitoone éndé me na Jésus‐Christ. Mônongoe ône te ône ôékéda me gô tunguye yetso didigaa mbumu éaNzambé.

Colosses 2:5

Béyé mbe gandé me gôdagôda n’anye g’ôtô, nandé vavo n’anye gô môtémami. Môtémami ôndé na gényônga gôndé anye na vitoo gôésipa gômeetsanye Christ mitémamie gémôtsumé paga.

I Timothée 1:3

Vamanôtôga me gô Macédoine, namagôbeenda mbe, éwe digaa gô Ephèse. Nagôomba ébeenda mbe, digaa te gône. Gôndéké avo gône eekéda mabégô madiboe. Dékéda ahngô mbe: Nômbieekéda.

II Timothée 2:2

Mane mamookô éwe me neekéda va pingô yoma amookôni, éwe dôta ikéda mangô gôndé oma amavômani. Na ahngô dôta angakea angaba na ngudi yeekéda n’avo oma.

Tite 1:12

Môsi tsenge éaô éaCrète amapandôéda mônongoe waô va mbeego mbe: Asi Crète, bandôa va mbeego te asi môkôbé, n’asi dibagaa, n’asi dakadaka. Saô gémba te aakagane.