Tite 1:4 - New Testament in Mitsogo

⁴ Me nagôtendéa Tite, éwe muanami amôtéma agô mbumu éaNzambé. Wa n’oo muetso abaé tômamôétsa mitémamie gébé na paga. Nanyôngéô mbe Tétasô n’oo Nzambé na Mooboyi asô n’oo Jésus‐Christ agôétsa mate na gétabé.

Tite 1:4 ပူးပေါင်းရင်းမြစ်များ

LUC TSANGO EAMOSOBA EMATENDA 2:11

Te deo noo, Mooboyi abôtiô gôndé anye gô môsenge aDavid. Angô te Christ, ône amatômu na Nzambé. Angô te Kumu.

Jean 4:42

Ahmavovo na môgeto nône mbe: Oeni we égô, tôétsi mitémamie, kaka gô mane mavovi éwe matévo, ivô te gô mane mookiô wéene. Tônigôéyiô na gô pie mbe angô te Mooboyi oma muetso.

Romains 1:12

Na va ngongone vane nookô tsôvé gôédigaa n’anyô gômbe mane mameetsa wa n’anyô mitémamie gématsumé paga, mangatôkasôgéda wa n’anyôene na wa n’anyôene.

Romains 1:7

Nanôtendéa anye asi Rome nôbambéô na Nzambé mbe vagébakanye va tsina nôngaba môvo n’edi. Na mbe nôngatetu mbe asi mbumu éedi. Te mbe Nzambé, Tétee éasô n’anyô, na Jésus-Christ Kumu asô n’anyô anôétsa mate medi na gétabé sedi.

II Corinthiens 12:18

Namatôma Tite na gôndé anye. Namakudéga dôta n’edi muana aTétee môvo asabômu anye. ?Tambô me te nanôtsôgéda bobo‐a? ?Tite asanôtsôgéda bobo‐a? Bonokoni wa n’edi tôndé te mônongovo. Meekédume te mavo na matambéme matôyetani te mavo.

II Corinthiens 2:13

Buéyé nane namakebangana ti kebangana gôsidenga me muana aTétee n’asô n’anyô Tite wangô. T’ebandô nameevana n’asi Troas gôékea na gô Macédoine.

II Corinthiens 4:13

Matendeo MaNzambé matônigôa mbe: Me nameetsa môtémee wetso gébé na buétsé gô mabégô mema, t’ebandô me navovo mangô. Na we dôta tôsamatsuma paga, tômeetsa mitémamie gô mabégô mema, t’ebandô tôvovo mangô.

II Corinthiens 7:6

Ivô Nzambé asô n’anyô te ône akasôgéda môma amadeeda môtéma. Nzambé amayavôga ékudéga muana aTétee n’asô n’anyô Tite na gôndé we gôétôkasôgéda.

II Corinthiens 8:16

Nakuméda Nzambé gôébégô angô amakoa Tite aka na gényônga gôndé anye mônongovo gandé me na gényônga gôndé anye.

II Corinthiens 8:23

Gôndé Tite, nôsabômu mbe te wa n’edi tôyanza géômbé gôndé anye. Géé avo aviga n’edi madeo nôsiena ahngô, menyani mbe ahmakudégu te n’asi mbumu éaNzambé gôékuméda Jésus‐Christ gô éyanzee éaô.

II Corinthiens 8:6

Veena we mate maNzambé mandéké gôndé akasô égô, tônyôngéô mbe na mangô mabaké dôta gôndé anye gô Corinthe. T’ebandô tôtôma Tite mbe: Kiaka, mangôé éyanzee éoo gôndé asi Corinthe mbe n’ahngô dôta eetsa na gényônga ôkabôe waô.

Galatie 2:3

Gô mane mamanigôa me akasô, Tite môsi éongo éaGrec amaviga n’ami. Asitingédu pengô ta na tindégu mbe: Singa ôgeetu.

Galatie 3:26

We tôndéké ana aNzambé na vitoo na Jésus‐Christ, te gôtôétsa Nzambé mitéma miasô n’anyô gémôtsumé paga.

Galatie 3:28

Tambô gôsabadô ôkabô va gatse Ajuif n’ane ahsaba Ajuif, va gatse avéga n’ane asaba avéga, va gatse amôgôô n’ageto. Muetso tôndé môvo na vitoo na Jésus‐Christ.

Ephésiens 1:2

Te mbe Tétasô n’anyô Nzambé, na Kumu asô n’anyô Jésus‐Christ eetsé mate medi na gétabé sedi gôndé anye.

Colosses 1:2

Tônôtendéa, anye muetso asi mbumu éaNzambé nôdigaa gô môsenge aColosses. Anye te ana aTétee amavôma gô ngudi yaChrist. Te mbe Tétasô n’anyô Nzambé anôétsa mate medi na gétabé sedi.

I Timothée 1:12

Me Paul nakuméda Kumu asô n’oo Jésus‐Christ, ône ameetsa me ngudi gôédugéda éyanzee éami. Namôkuméda gôébégô ameena me mbe: One andé na mavôma gôéétsô éyanza. Namôkuméda gômasevoangô me mbe namôyanzéa.

II Timothée 1:1

Oô te me Paul namatômu na Jésus‐Christ gamanyôngéô Nzambé. Namasevou gôénigôa gamavangana Nzambé na wa n’anyô monyoe ôtôdiia vatôvamba évambevo na Jésus‐Christ.

II Timothée 1:2

Nagôtendéa, Timothée éwe muanami amôtéma agô mbumu éaNzambé. Nanyôngéô mbe Tétasô n’oo Nzambé, na Kumu asô n’oo Jésus‐Christ agôétsa mate na agôsingéa kokoo na agôétsa gétabé sedi.

II Timothée 4:10

Gôébégô Démas amatsika me. Angô amootéa ényôngéô mabégô matsengene, te gamakeangô na gô Thessalonique. Crescens dôta amakea na gô Galatie. Na Tite amakea na gô Dalmatie.

Tite 1:3

Gô ndéône émanyôngéô amuene amatsutsuéda wa n’anyô monyoe ône te gô ngudi yôgie wedi. Angô te meekédume manigôa me g’ôtômu aMooboyi asô n’anyô Nzambé.

Tite 2:13

Ngeba yedi ditôékéda gôédigaa kuanakue gôéenéa gévigéô sanyee ôvôni agényônga ôtôténdédani. Nyee ône ôvôni ôngatsutsuga ôbébayi ôtubéda ôndômba aMooboyi asô n’anyô Jésus‐Christ, angô te Nzambéne éasô n’anyô épôni ésaba na gégoni.

II Pierre 1:1

Oô te me Simon Pierre, môyanzine amatômu na Jésus‐Christ. Natendéa ane ahmeetsô na Nzambé ngudi yeetsa angô mitéma miaô gémôtsumé paga mônongovo gameetsa me. Ngudi yedi tômeetsô yangô gô étsimama éaNzambé na éaMooboyi asô n’anyô Jésus‐Christ.

II Pierre 1:11

Te gô éne mbe nôngaba na mitayi gôéengéa g’ôkumu amôbô na môbô aKumu asô n’anyô na Mooboyi asô n’anyô Jésus‐Christ.

II Pierre 2:20

Te vane ôkô oma ahmani éaagana na mabégô mabévani matsengene gôvambangô na Kumu na Mooboyi asô n’anyô Jésus‐Christ, na ahngô anikéa éadeekeda anguene gô mabégô mabévani na yôtô yaô divoo pepe. Ebévee éaô éamôbaé éôtéa ébévee éamapanga.

II Pierre 3:18

Oodoni gô mane mamadiianye gô ngeba yaNzambé na gô mane mamenyanye maKumu éasô n’anyô na Mooboyi asô n’anyô Jésus‐Christ. Ondômba ôbaké gôndé angô n’atsatsee na gô môbô na môbô. Amen.

II Pierre 3:2

Nanyôngéô mbe anye nôbangôa mabégôme mamapanga mamavovo apandôédi amatasa maNzambé mbeego. Bangôani dôta mige na mitôma miaKumu na Mooboyi asô n’anyô mimeekéda ane amatômuku na Jésus.

I Jean 5:14

T’ebandô tôndé na mitéma mimasumani gébé na paga gô éne éduka wa n’anyô Nzambé. Tsoongone éasô n’anyô te mbe, Nzambé asinga miduké miasô n’anyô vatôduka éne ényôngéô amuene Nzambé.

Jude 1:3

Omami amôtéma namanyôngéô énôtendéa ébégôe éagéobogeoge gématôobou, wa n’anyô muetso. Ivô n’atsatsee nookô pepe tsôvé gôénôkasôgéda mitémamie na gésangô gegé mbe: Genyani ébadie gôéebakanéda mabégô mapie mameetsa Nzambé gôndé ane amamôétsa mitémamie gémôtsumé paga. Nzambé amatôétsa mane medi mapie kukepo na koo.