Tite 1:15 - New Testament in Mitsogo

¹⁵ One andé na môtéma ômagôgéani, mane medi metso te mamagôgéani. Géé ône andé na môtéma apaga ôsigôgéni, mane medi metso te masigôgéni. Gôébégô muangee amôtémedi ôndé gô évitsi ôsoongôa émôtsundéda.

Tite 1:15 ပူးပေါင်းရင်းမြစ်များ

Matthieu 15:18

Ivô mane makusa gô mônya amôma maviga gô môtémedi, na te mangô mabévéda môma.

Mayanzame 10:15

Ogi ômoomba évovo mbe: Okô Nzambé ameenda mbe: Sôma gége géndé gémagôgéani, ômbieenda mbe: Me tsaa. Gésigôgéé.

Romains 14:14

Gôndé ane andé évambevo na Kumu Jésus-Christ, me Paul tsabômu mbe mabégô metso mava tsina mandéké mamagôgéani gamakanô mangô. Ivô te môma akoa mangô maka mevindô. Okô môma andé n’etasa mbe, ébégô édué ésanyepa, menya mbe gôndé angô ébégôe ésaba émagôgéani.

Romains 14:20

Ombiabunzéda éyanza éaNzambé gô gépede samôyakô. Na gô pie, môyakôe wetso ôndé te aakaga. Ivô éne éndé ébévani te gôékuéséda muana aTétee n’oo agô mbumu éaNzambé gô mabégô mabévani gô môyakô ôngaa éwe.

Romains 14:23

Ivô gôndé ône andé na paga gô môyakô ôaa angô, angeetsô ôési na Nzambé gôyééyi angô gô paga na gôpukanédi angô mane maNzambé na môyakô. Eetso éyanza môma na mitéma mibaé te éapaga, na te ébégô ébévani.

I Corinthiens 10:23

Avo va gatse anyô, nôvovo mbe: Gô éetso me tsaba na môge. Ii, te buedi. Ivô menyani mbe mavo mabégô masanyepa gôndé wa n’anyô. Nôvovo mbe: Gô éetso me tsaba na môge. Menyani mbe mavo mabégô maaganéda wa n’anyô na Nzambé.

I Corinthiens 10:25

Aakani éetso éngasômba anye gô ékasa ésômbédu nyama gébé na mikebanganô gôébambéa mbe: ?Nyamane édué éviga gôni?

I Corinthiens 10:31

Nômbiatsapéô. Buéyé mbe aakani buéyé mbe nyuakani, buéyé mbe indakani pati ébégô, indakani metso te gôékuméda Nzambé.

I Corinthiens 8:7

Ivô kaka muetso amaditéga buedi gô môtéma ébégô édué éapie mbe: Nzambé te Kumu ayôma yetso. Avo va gatse awa n’anyô ahmeekeganô pepe na mabégô mambumba na angô ngu na deo noo buéyé mbe ahmakusa wangô, gôéaa nyamaye yangô gône atasa mbe na gô pie édué te yambumba. Mianga miamitéma miaô madeo misikoga pepe gô mabégô maNzambé na amenya mbe ngudi yambumba dindéké gô môyakôe ône.

I Timothée 6:5

T’ebandô pagaye yaô disakôdéa, gôébégô mitéma miaô mindé mimayungani na misamenya mabégô mapie. Ahngô amenya mbe môma agobeda Nzambé te gôédiia ôkitie.

Hébreux 10:22

Tambô tôweséni na gôndé Nzambé na mitéma miamavôma. Na tômôétsa mitéma gébé na paga gô mabégô medi metso. Buedi mbe mitéma miasô n’anyô mibaké mimagôgéani kabaga mianga miamitéma miasô mibéva. Na buéyé na yôtô yasô n’anyô diôvôu na meba masaba na mbugé na tsengesenge.

Hébreux 12:15

Wemani anyene n’anyene mbe gôsaba môma anika ngima gôénôtôga gô mate maNzambé. Wemani kabaga va gatse anyô gôba môma agono na mabunza mandôé makandani na mabévéda oma ayekani na môyobo. Pigaga gô môtéma amôma te môyobo.

Hébreux 9:14

Okô mbe nzina yanyama dimaba na ngudi nane, tambô tasani ngudi diôtéani dindé gô nzina yaJésus‐Christ. Amaadeekeda amuene ôgondoku agébé n’oési. Nzina yedi digôgéda mianga miamitéma miasô n’anyô gômbe mikebanganô na ésima ébévani ésangamana ngudi yasô. Na vane tôngaba na ngudi gôéyanzéa Nzambé Kumu amonyo.