Romains 9:4 - New Testament in Mitsogo

⁴ Ebandôe yaô te tétaô Israël. Nzambé amasingéa ahngô mbe: Anami. Amabambana n’ahngô na ôbébayi ôtubéda ôndômbee wedi wetso. Amaba n’evamba évôni n’ahngô. Amakitséa ahngô mige miedi na amatôma ahngô mitôma miedi. Amatubéda ahngô mônongo ôneegedu amuene. Ameetsa ahngô divanga yedi.

Romains 9:4 ပူးပေါင်းရင်းမြစ်များ

Matthieu 21:33

Jésus amavovo mbe: Oôkôni épo tsava. Gômabaka mômôgôô, kumu éatsaga. Angô amagaaba tsaga edi éetété éamiônda étetu mbe ôvigne. Amamiguga môgômba. Amasaa gépénda na amasaa gédigéô gô ngongongongo samôkenene atsagane. Amavangana n’ayanzie. Amanôtôga gô tsengedi amakea môtôô.

Jean 1:17

Mige na mitôma miaNzambé mimaviga na tétasô Moïse. Mate mapie metso mamaviga na Jésus-Christ. Môétsine te Nzambé.

Jean 1:47

Vameena Jésus Nathanaël aviga ga vane gôéwanya na Jésus, amavovo mbe: Ii, ôdôô te môsi éongo éaIsraël apie. Asaba na mangônzô.

Mayanzame 2:39

Menyani mbe vamavanga Nzambé gôétôétsa Gédidi sedi amavanga gôndé wa n’anyô na gôndé ana asô n’anyô, na gôndé muetso adigaa gô tsenge ditongoni. Endé gôndé muetso angabambéôni na Kumu éasô n’anyô Nzambé.

Romains 3:2

Ii, na gô pie gômabôtu éwe gô éongo éAjuif, ôndé n’ebégô. Ogi aNzambé ômapanga ébuéa te gôndé Ajuif.

Romains 8:15

Gédidi gémeetsô wa n’anyô na Nzambé gésatônikéda gôéba avéga atômu na gomo. Ivô Gédidige géne gétôbôta ana aNzambé. Gôndé we gô mbumu éedi, Gédidi sedi gétôwedéa gôémôneegeda mbe: Téta, Téta.

Romains 9:6

Tsangoongôa évovo mbe ôvangee ômavanga Nzambé ôsibôngamé. Menyani mbe muetso amabôtu gô mbumu éaIsraël, kaka muetso eenanô na Nzambé mbe ana aIsraël.

II Corinthiens 11:22

?Ane asingana n’anye te asi ôgi aHébreu‐a? Me dôta tsavovo gémbéta, me to môsi ôgi aHébreu. ?Ahngô te asi éongo éaIsraël‐a? Me dôta te môsi éongo éaIsraël. ?Tétaô te Abraham‐a? Na me muetso, téta te Abraham.

Galatie 3:16

Endé te nane. Nzambé amavangana n’Abraham na muanedi ôvanga. Nzambé asivove n’Abraham mbe: Ovanga te gôndé éwe n’anoo. Ivô Nzambé amavovo n’Abraham mbe: Ovangee te gôndé éwe na muanoo. Evéndégéô mbe ôsaba gôndé oma ayekani. Ondé gôndé môvo. Môvo nône te amuene Christ.

Ephésiens 2:12

Gô ndéô nene nômabaka gôdagôda na Nzambé. Anye na Nzambé nôsimenyangané, nômabaka agenda. Nôsindenganô va gatse ane amasevou na Nzambé. Gô évamba émavamba Nzambé n’omedi gô ngudi yovanga ôvôni, anye nômabaka nômatatôuni. Nômadigaa gô monyo atsengene gébé na ébégô éeténdéda, na gémenye Nzambé.

Hébreux 9:1

Evamba éamapanga éamôma na Nzambé émabaka na mabégôme mamatôma Nzambé gô mônongo ônganeegedu angô gô ebedi agébandé ava tsina.

Hébreux 9:10

Gô évambee éambeego éne, gômadenganô mabégô mamiyakô na mane manyuôni, na mane meesôga gôégôgéda môma na pingô yamige na mitôma. Oma amanyepedu va mbene aNzambé gô gékeneo samabégôme mane ngu na ndéône émaviga Christ gôétôtubéda nyene nzéa.

Hébreux 9:3

Va ngima amôkanda ombô gômadenganô tsongo éadisambô ééndô mbe gédigaa saNzambé.

Hébreux 9:5

Va ngongo agégaa géne gômabaka gégoni gémapakôni sasi g’ôba. Gégonige gématubédaka mbe Nzambé andéké éva. Papaye y’asi g’ôba dimawanya gôépika tungu émeenanô ngeba yaNzambé. Te tungu émadeekedu ôgondoku ôsingéa môma kokoo gô mabégô medi mabévani. Ivô gôsaba ndéô gôénigôa metso mane.

Hébreux 9:6

Vamakônzu eba ône nane, adeekedi adigondoku ameengéa pitsi yetso gô ebee amapanga ôvôni gôéyanza éyanzee éaô, gékôndé ta na pitsi épo.