Romains 9:30 - New Testament in Mitsogo

³⁰ ?Tôngeendani vita nayee? Ekegea te nane. Ane asaba gô éongo éAjuif na asibuta étsimama ényôngéô Nzambé, ahmatsimamédu vameetsahngô Nzambé mitéma miaô gébé na buétsé, gôéenanô n’edi ti eembe ahsaba n’oési.

Romains 9:30 ပူးပေါင်းရင်းမြစ်များ

Romains 10:10

Gôébégô môma eetsa Nzambé môtémedi gémôtsumé paga, na Nzambé eena angô ti eembe asaba n’oési. Môma anigôa na mônyee wedi amuene na Nzambé amôoboo.

Romains 10:20

Na Esaïe amaba na bôkédé gôénigôa mbe: Me Nzambé namadenganô na ane asikanégé ébuta me. Namatsutsuga gôndé ane asiduké me ébégô.

Romains 10:6

Na ôôkôni dôta éne étôbeendu gôndé ane eetsa Nzambé mitéma miaô gébé na buétsé gôétsimamédu n’edi. Etendu mbe: Ombiatsuma paga ômuene gô môtémoo mbe ?ône angabata na g’ôba gôésutuméda Christ indaa?

Romains 3:5

Me Paul nangavovo gavovo avo oma. Ahngô mbe: Mbeka mbe we oma tôyanza mane mabévani, étsimama éaNzambé mbe ésangamenyanganô. ?Tambô Nzambé asiséda we gôndé? Nzambé asaba na mitayi vasasa ôpisee wedi. Te gavovo avo.

Romains 4:11

Va mbenene vane, Abraham amageetu te ndémbô émeetsô angô na Nzambé gôétubéda mbe mômane ôdôô madeo asigeetu ameetsa me môtémedi gétsumé me paga, na asabadô n’oési va mbene ame, Nzambé. T’ebandô Abraham te tétene amuetso ane asageetuni eetsa Nzambé mitéma miaô na Nzambé eena ahngô ti eembe ahsabadô n’oési.

Romains 4:13

Nzambé amavangana n’Abraham mbe: Ewe n’anoo, tsinane nyetso te mikuanya mianyô. Ovangee ône, Nzambé asiôvangé ne Abraham tsangô mbe Abraham agobeda ndongi na mige na mitôma miaNzambé. Amavangana gôébégô Nzambé ameena Abraham ti eembe asibé n’oési va mbene edi gômeetsangô Nzambé môtémedi gébé na buétsé.

Romains 4:22

Endé te nane. Nzambé ameena Abraham ti eembe asibé n’oési, te gô ngudi yamôténdéda ômabaka n’edi, gétsumé Nzambé paga.

Romains 4:9

?Ane eena gényônga te ane amageetu gô gésôga sAjuif atévo-a? ?Tambô gényôngage géne gésaba na gôndé ane asigeetuni-a? Namani énôbeenda mbe Abraham ameetsa Nzambé môtémedi wetso gémôtsumé paga. Na Nzambé ameena angô ti eembe asibé n’oési ta n’ovo.

Romains 5:1

Endé te nane. Wa n’anyô tômeetsa Jésus mitéma miasô n’anyô gémôtsumé paga, tôenanô na Nzambé ti eembe tôsaba n’oési. Na tôdigaa n’edi na gétabé gô ngudi yaKumu Jésus-Christ.

Romains 9:14

?Tôngavovo mbe ndé? ?Tôngeenda mbe Nzambé apenganéda mayanza medi-a? Aé, kaka nane.

Romains 9:31

Géé ana aIsraël, amakanéga ékenea mige na mitôma miaNzambé gôétsimamédu va mbene edi. Na ahsiôngôé étsimamédu.

Galatie 2:16

Béyé nane tôsabômu mbe môma aseenanô na Nzambé ti eembe asaba n’oési tsangô mbe akenea mitôma na mige miaNzambé. Ivô andé gébé n’oési va mbene aNzambé te gôétsa angô Jésus‐Christ môtémedi wetso gémôtsumé paga. Na we dôta tômeetsa Jésus mitéma miasô gôéba gébé n’oési va mbene aNzambé, kaka gô ngudi yegékeneo samige miedi ivô te gôsatsuma we Jésus paga. Gôsaba môma andé n’etsimama va mbene aNzambé tsangô mbe akenea mige miedi.

Galatie 3:24

Endé te nane. Migemie mine mimabaka môdékédi gôndé wa n’anyô ngu na vamaviga Christ. Christ amatsimaméda wa n’anyô mbe tôenanô na Nzambé ti eembe tôsaba n’oési vameetsa we angô mitéma miasô n’anyô gémôtsumé paga.

Galatie 3:8

Matendeo MaNzambé matôévéda ébégô madeo ésibuéa mbe gôndé ane ahsaba gô éôngo éAjuif, Nzambé angeena angô ti eembe asaba n’oési te vasatsumahngô ngudi yaNzambé paga. T’ebandô Abraham ameevédu ébégôe éamôsôba mbe: Nzambé angeetsa mate gôndé mongo metso mava tsina gô ineoo.

Galatie 5:5

Ivô gôndé wa n’anyô tsoongone éasô n’anyô te mbe tôngatsimamédu na Nzambé ti eembe tôsaba n’oési. Te éne étôenéani gô ngudi yaGédidi SaNzambé géne géyanza veetsa we Nzambé mitéma miasô n’anyô.

Ephésiens 2:12

Gô ndéô nene nômabaka gôdagôda na Nzambé. Anye na Nzambé nôsimenyangané, nômabaka agenda. Nôsindenganô va gatse ane amasevou na Nzambé. Gô évamba émavamba Nzambé n’omedi gô ngudi yovanga ôvôni, anye nômabaka nômatatôuni. Nômadigaa gô monyo atsengene gébé na ébégô éeténdéda, na gémenye Nzambé.

Philippiens 3:9

Nanyôngéô éba môvo n’edi. Tsoongôa éénda mbe gôkenea me mige mia Nzambé me tsaba n’oési va mbene éedi. Tsabômu mbe neenanô na Nzambé ti eembe tsaba n’oési, te gômeetsa me Christ môtémami wetso gémôtsumé paga. Amuene Nzambé amakônza nzéane mbe ôkô môma eetsi Jésus‐Christ môtémedi wetso gémôtsumé paga, me Nzambé nangamôbono ti eembe asaba n’oési.

I Timothée 6:11

Ivô éwe Timothée, ôndé môma aNzambé, tambô te buedi gôétongonéa na metso mane gôémagônga. Yanza gôédigaa gô étsimama na gôégobeda Nzambé ôndé n’edi môtémovo gémôtsumé paga. Digaa na étondo, n’obibô na sekaseka.

Hébreux 11:7

Noé ameetsa Nzambé môtémedi wetso na asitsumé meevédéô maNzambé paga. Buéyé mbe gamabakangô madeo asiena éne émavovo Nzambé mbe éngabuéa, Noé amasaa mbôngône. Angô na gévia sedi amoobou. Gôsibé Noé na paga, mitayimie mimeetsô angô na Nzambé mimeeséda oma muetso. Gôsitsumé angô Nzambé paga, Noé ameetsô n’edi ôséngu.

I Pierre 4:3

Kôdéanidô. Tsikani ésima émayanzanye gô ndéô dimootani. Te ésima éoma ahsavamba na Nzambé. Nômayanza gébunzénge gô manyima mabévani, na madangi, na miambô na mbaga, n’egobeda éambumba diôtéa ébévani.