Romains 9:3 - New Testament in Mitsogo

³ Nzambé mbe asingiki, me mbe naadeekedi memuene gôédoku na Nzambé na gôéaaganédu na Christ buta mbe ana aTétee n’ami asi éongo éAjuif oobou gô inami.

Romains 9:3 ပူးပေါင်းရင်းမြစ်များ

Mayanzame 13:26

Amôgôô, ana aTétee n’ami ana aAbraham, n’anye muetso nôneegeda Nzambé na gomo. Mabégôme mane magéobogeo mamakudégu gôndé wa n’anyô.

Mayanzame 22:5

Pene adeekedi adigondoku na dôta géômbé sapeeye andé mbangi yami. Nameetsô n’ahngô ésangô ébaé gôékea na gô Damas gôédigaa n’anee aTétee n’ami Ajuif. Nameetsô na ényanga gôétsôpa ane ameetsa Jésus mitémamie na gôékeda ahngô na gô Jérusalem mbe aketsundédu.

Mayanzame 28:21

Ajuif amabika mbe: We égô gô Rome, tôsidiié ta na gésangô gévo géviga gô Judée génigôa we ébégôe éoo. We dôta tôseena ta na muana aTétee môvo aviga gône gôénigôa we éne ébévani émayanza éwe.

Romains 1:3

Tsangône te éne éaMuana ANzambé, kumu asô n’anyô Jésus-Christ. Bôkudue wedi gôndé oma tétedi te David, môtômi môvôni atsenge.

Romains 11:1

Me Paul natsapéô mbe ?tambô Nzambé amakina omedi ana aIsraël-a? Aé, asiakiné. Memuene Paul nandé môsi éongo éaIsraël. Tétene éami te Abraham. Ebôtee éami te Benjamin.

Romains 11:14

Me nanyôngéô ényiméda asi éongoe yami gômbe angabuta éba mônongovo gandé ane asaba Ajuif.

Romains 16:11

Kômbôani tétene éami Hérodion na géômbé saNarcisse, ane ameetsa Kumu mitéma miaô.

Romains 16:21

Môwedine wami Timothée anôkômbôa. Kindami Lucius, Jason, na Sosipater anôkômbôa.

Romains 16:7

Kômbôani gô inami dôta kindami Andronicus na Junias. Ahmadigaa n’ami gô eba atsôgôô. Me madeo tsisinga Christ te ahngô aka oma aChrist na ootéa éneegedu va gatse ane amasevou na amatôkuku na Jésus-Christ.

Romains 9:2

Na pitsi n’omanda nookô pievia gô môtémami na gôsaba ékasôga.

I Corinthiens 12:3

Na deo noo nômeengéa gôndé Nzambé tsanyôngéô mbe nôbé na buétsé, gémenyé mbe éne évovo môma te éapie na te éaNzambé. Okô môma atoko Jésus géneegede inedi, menyani mbe angô asaba na Gédidi SaNzambé. Okô môma aneegeda ina aJésus mbe: Jésus te Kumu, menyani mbe angô atômu na Gédidi SaNzambé.

I Corinthiens 16:22

Okô môma asanyôngéô Kumu Jésus angadoku. Maranatha‐événdégéô mbe: Kumu Jésus vigaka.

II Corinthiens 12:15

Gôndé me nangeena buedi gôékaba éami eétso na gôndé anye. Nakabéyee béye na memuene muetso gôénôwedéa. Vangeenda me nane, ényôngéôe éami gôndé anye ébata te bataga, ivô éne éanyô gôndé me ésugéa te sugéa. ?Ebégôé éne ékegea nayee?

Galatie 1:8

Menyani édué. Okô muene, buéyé mbe môma buéyé mbe môsi g’ôba avigédu na Nzambé, anônigôa nyene tsangô éamôsôba épangana na éne émapanga we éékéda anye, ahngô mbe ahngadoku na gô mungu asoto.

Galatie 1:9

We tômani énôbeenda na me nanôomba énôbeenda n’atsatsee mbe, ôkô môma anônigôa nyene tsangô éamôsôba épengana n’ene émeekédu anye, angadoku na gô mungu asoto.

Galatie 3:10

Avo ahmenya mbe étsimamee éami éenanô me na Nzambé te gô gékeneo samige miaNzambé. Tambô andéké amakôkôuni. Matendeo meevéda mbe: Môkokou gôndé môma na môma asagobeda pitsi yetso na ngaangaa, éetso ématenduni gô miganda miamige miaNzambé.

Galatie 3:13

Christ amakokou gô gévenga sasô n’anyô. T’ebandô amatôoboo na tôsaba gô tsina amôkokou amige. Matendeo MaNzambé matônigôa mbe: Môkokou ôndé gôndé môma ayôhu gô gésumu sowa.

Ephésiens 6:5

Ndongi yedi te yangô avéga. Gobedani kumuye yanyô yava tsina n’edita na gomo. Yanzéani ahngô na môtémovo ti eembe nôyanzéa te amuene Christ.