Romains 9:22 - New Testament in Mitsogo

²² ?Gô éne éyanza Nzambé tôngamôsemba nayee? Nzambéamabibéda ti bibéda ane agono n’epedee ébônda ôpisedi gô minongo miaô miebungana. Tambô Nzambé andé na mitayi gôétubéda ôpisedi na ngudi yedi gôndé ahngô.

Romains 9:22 ပူးပေါင်းရင်းမြစ်များ

Romains 1:18

Endé te nane. Nzambé atubéda ôpisedi ôviga g’ôba. Nzambé eena ôpisee gô ébéva éamôma na gô mabégô metso mabévani mayanza oma. Mayansa maô mabévani meebakanéda mabégô mapie mbe kabaga meenanô.

Romains 9:17

Tôtanga gô Matendeo MaNzambé mane mamavovo Nzambé na môtômi atsenge éEgypte. Nzambé angô mbe: Me namagôsevoa gôéba môtômi atsenge gômbe ngudi yami dingeenanô na inami éngookanô gô tsinane nyetso.

Romains 9:20

Ovénga éwe ndaa ômavangôni? ?Ewe ôsemba Nzambé nayee? Gépedee sakiekie géyanzô na môma géngasemba môyanzine atotone mbe: ?Oyanzi me nane nayee?

Romains 9:21

Aé. Gésangamôsemba. Kumu atotone andé n’enyangee gôéyanza éne ényôngéô angô na totone éebôô. Na gébuké gévo satoto oongôa ésaa na saté gévo gépedee gényepani. Na gévo saté asaa gétséké sasôma gébuétéô setutu.

1 Thessaloniciens 2:16

Agényôga gôéebakanéda me mbe kabaga neekéda mabégô magéobogeo gôndé ane asaba Ajuif. Gô éne andé gôékôndéga na gôédugéda mabégô maô mabévani mamayanzangô bandôa na peeye yaô va mbeego. Ivô ôpisa aNzambé ômani épikaméa ahngô.

1 Thessaloniciens 5:9

Endé te nane. Nzambé asivangé gôndé wa n’anyô mbe tôngeena ôpisedi. Amavangéa wa n’anyô géobogeo gô ngudi yaKumu Jésus‐Christ mbe sangô gétôyuua g’ôpisa.

II Timothée 2:20

Gô eba ôvôni gôdenganô épedee émakônzu na dodo na épedee éosunu ôvôni. Ivô kaka éangô étévo. Gôdenganô te na épedee éapéndé émapakôni na épedee éakiekie. Ene éadodo n’osunu ôvôni te épedee éokumaka na éasueti. Ene dôta éapéndé na éakiekie éyééô te pitsi yetso.

I Pierre 2:8

Matendeo MaNzambé matônigôa mbe: Etaé éne émakoga éka éôkana mabaku. Na éka ôbobo ônikanédana mangimangima. Angô ôpôngéda muetso asookéô ndongi yaNzambé. Te gamavanga Nzambé mbe éngaba te nane gôndé ane asookôni.

I Pierre 3:20

Edidie éangô ésiôkéôkô Nzambé va mbeego. Vamabibéda Nzambé abibéda ndéô diyekani gô pitsi dimasaaka Noé mbôngône. Ane amoobouni asibaké ayekani. Te oma génana amabaka gô gatse ambôngône vamapepa yangô va ngongo ameba.

II Pierre 2:3

G’ônzôô waô adiiaga ahngavooto anye na meekédu maô mooboe mavakangô, buta mbe ahngô ahtsôbôga vakambi ahngô. Môtsundédi aô andé va magô bandôa va mbeego. Môbunganédi aô andé ti gôévéngéa ahngô.

II Pierre 2:9

Kumu asabômu éoboo omedi gô éne ékanégu ahngô. Kumu asabômu ékenea oma abévani ngu na gô nyaa amôtsundu.

II Pierre 3:15

Menyani mbe vadinga Kumu asô n’anyô éviga te mbe muetso tôdiia géobogeo. Te gamatenda muana aTétee n’asô n’anyô Paul gô éodo émeetsô angô na Nzambé.

Jude 1:4

Endé te nane. Avo oma eenza mane maNzambé amakudungana anguene va gatse anye. Akoa meekédume mangeba yaNzambé gôémabunza maka wene mônongo. Abuta éétsô mitayi gô metso mabévani meendahngô. Akina Jésus‐Christ, ône andé Kumu asô n’anyô na môékédi asô n’anyô asaba na gégoni. Môtsundue waô ômeevédu na mbeego gô Matendeo MaNzambé.