Romains 9:16 - New Testament in Mitsogo

¹⁶ Tambô Nzambé asabono ényapa éamôma na mayanza medi, ivô amuene asevoa gô ngeba yedi ône anyôngéô angô mbe amôena ngeba.

Romains 9:16 ပူးပေါင်းရင်းမြစ်များ

Matthieu 11:27

Jésus amavovo mbe: Tétami amani édeekeda me mabégô metso. Gôsaba môma angoongôa émenya me, Muana ANzambé, buétsé te amuene Téta. Gôsaba môma angoongôa émenya Téta, buétsé te memuene Muanedi, na dôta ane angatubédu Téta na me.

Matthieu 4:8

Yabédé amakea na Jésus na gô ngongo amôkôdi ôtôngôni. Amamôtubéda tsengeye yetso yava tsina na dikumakaye yaô.

LUC TSANGO EAMOSOBA EMATENDA 10:21

Gô ndéô nene, Jésus amatsôkéa na gényônga gévôni saGédidi SaNzambé, na amavovo na Nzambé mbe: Ah Téta, éwe Kumu atsina n’oba, nagôkuméda. Ewe ômatsutsuéda mabégô mavôni gôndé ana anéngé mbe amamenya. Géé gôndé oma eodo na oma agéneenga gévôni ômasuéga mangô. Na gô pie Téta, éndé te nane gôébégô ômuene ômanyôngéô te nane. Nagôkuméda gô éangô.

Jean 3:8

Opunga ôvumbéa gô tungu ényôngéô angô. N’ewe ôôkô ndungune éedi. Ivô ôsamenya gôvigangô na gôkeangô. Te mônongovo gôndé muetso abôtu na Gédidi SaNzambé.

Romains 9:11

Ivô Nzambé andé na étasa éedi gô éne évangangô gôésevoa omedi. Abambéa oma ganyôngéô amuene géboné mane mayanzahngô. Tasani gamavovo Nzambé na Rebecca na vane nôngamenya mbe Nzambé asapenganéda gô éne évangangô. Amavovo na Rebecca, anedi madeo asibôtu na madeo asiyanza mamisôba na mabévani. Nzambé amavovo mbe: Pene angayanzéa môdimine.

Galatie 2:2

Namakea gôébégô Nzambé amatubéda me mbe: Kiaka. Gô géwanyéô sane atômani namanigôa ahngô Tsangône Eamôsôba éékéda me gôndé ane ahasaba gô éongo éAjuif. Tsinyôngéô mbe éne éyanza me bandôa mbeego ngu na deo noo édimbana gébé na tsoongo.

Ephésiens 2:8

Nômoobou te gô ngeba dimeenanô anye na Nzambé vameetsanye angô mitémamie gémôtsumé paga. Géôbogeoge géne gésibandôé n’anye. Nômagéétsô na Nzambé géenza.

Philippiens 2:13

Menyani mbe Nzambé asatsika éyanza gô mitéma mianyô. Ayanza mbe nôôkô tsôvé gôémôgobeda. Na ayanza mbe nôndéké na ngudi gôékea gô nzéane émakônzangô gôndé anye.

Jacques 1:18

Angô amatôbôta gamanyôngéô amuene gô ngudi yamabégô medi mapie gômbe wa n’anyô tôngaba ana akua gô éetso émavanga Nzambé.