Romains 8:9 - New Testament in Mitsogo

⁹ Ivô anye, nôsadigaa gô ngudi yaanyene na gô manyima mayôtô yanyô. Gédidi SaNzambé géndéké gô mitéma minayô. N’anye nôdigaa ganyôngéô sangô. One asaba na Gédidi SaChrist gô môtémedi, angô asamenyanganô na Nzambé.

Romains 8:9 ပူးပေါင်းရင်းမြစ်များ

LUC TSANGO EAMOSOBA EMATENDA 11:13

Buéyé gandé anye abévie, nôsabômu eetsa anee wanyô éômee éamisôba. ?Tambô na tétanyô, ône andé g’ôba asanganôétsa Gédidi sedi-a? Angeetsa sangô te gôndé ane amôdukani.

Jean 14:17

Asi tsengene asangagédiia gôébégô asaba na ngudi yegéena na asangoongôa égémenya. Géé anye, nôngagémenya gôébégô sangô, Gédidi gétsutsuéda mabégô mapie géngaba n’anyô na géngadigaa gô mitéma mianyô.

Jean 14:23

Jésus amanigôa mbe: Okô môma anyôngéyiô me angagobeda éne évovo me. Téta angamônyôngéô. Vane wa na Téta tôngaviga na gôndé angô gôédigaa gô môtémedi.

Jean 3:34

One amatômu na Nzambé avovo te mane maNzambé gôébégô Nzambé, ône asaba na guma eetsa oma Gédidi sedi gésaba n’okana.

Jean 3:6

One amabôtu n’otô n’edi te ôtô. Na ône amabôtu na Gédidi SaNzambé te Gédidi.

Mayanzame 16:7

Vamaweseahngô na gô Mysie amanyôngéô ékea na gô Bithynie, ivô Gédidi SaJésus gésisingé ahngô gôékea.

Romains 7:5

Endé te nane. Vamadigaanye gô ésimee éanyô éambeego gôédugéda mane mabévani mamanyima yôtô yanyô, nômayanza te mane mamadékéda Nzambé mbe: Nômbienda. Nôsiôngôé ékina mane mabévani makeda môma na g’ôwa.

Romains 8:1

Ekôdéô éebégôe te édué. Gôsabadô géesédéô gôndé ane andé na vitoo na Jésus-Christ.

Romains 8:11

Nzambé amakunda Jésus g’ôwa. Okô Gédidi sedi géne gémakundua Christ g’ôwa gôéba na monyo gédigaa gô mitéma mianyô, sangô dôta génganôétsa monyo gô yôtôye yanyô disaba na ngudi.

Romains 8:2

Gôébégô ôtômu aGédidi SaNzambé, géne gétôvambéda monyovo na Jésus-Christ, gémayuua me g’ôtômu amabégô mabévani na g’ôtômu owa.

I Corinthiens 15:23

Ivô ékundugéôe éndé gô ngéko na ngéko. Mapangame te amuene Christ. Va ngimedi te wa n’anyô oma aJésus‐Christ gô ndéône énganikangô na gô tsina.

I Corinthiens 3:16

Anye nôsabômu mbe anye te eba aNzambé. Gédidi sedi gédigaa gô mitéma mianyô.

I Corinthiens 6:17

Menyani dôta mbe ône amagésangana môtémovo na Kumu Jésus aka môvo n’edi.

I Corinthiens 6:19

?Anye madeo nôsiôkô mbe yôtô yasô n’anyô te yeba yaGédidi SaNzambé‐a? Sangô te géne gémeetsô wa n’anyô na Nzambé gédigaa gô mitéma miasô n’anyô. Yôtôye yasô n’anyô kaka yawa n’anyôene.

II Corinthiens 10:7

Anye nôndé na gésima sebono éne éenôni. Tambô tôbonékéni wa n’anyô muetso. One eenda mbe: Me te môma aChrist, atanganédé dôta mbe we muetso te oma aChrist mônongovo gandé angô.

II Corinthiens 6:16

?Eba ôkumédu Nzambé ôngavamba na mbumba ditoko Nzambé nayee? Gôébégô wa n’anyô tôndéké eba aNzambé ône ôdôngani. Amuene Nzambé amavovo mbe: Nandé n’ebami, nadigaa va gatse omami. Me te Nzambé éaô, ahngô dôta te anami.

Galatie 4:6

Nzambé amakudéga na gô mitéma miasô n’anyô Gédidi SaMuanedi Jésus, gôébangôéda wa n’anyôene mbe na gô pie tôndéké anedi. Gédidige géne te sangô géaadôngana mbe: Ah Téta.

Galatie 5:24

Ane andé na vitoo na Jésus‐Christ ameeséda anguene gôésiséda mitéma mimabôtu n’ahngô, na tsôvéye yetso dibévani na manyima metso mabévani.

Ephésiens 1:13

Anye asi Ephèse nômookô Tsangô Eamôsôba éaJésus‐Christ, yangô te meekédu mapie manônigôa géôbogeo. Vamookô anye nômeetsa Christ mitéma mianyô gébé na paga. Na vane Nzambé amatôéémba ndémbô étubéda inedi. Ndémbône te Gédidi sedi sovanga ômavanga angô mbeego.

Ephésiens 2:22

Vamagésangana anye na Christ, anye ne akanyô muetso nômagésu n’edi gô ebee ôsaaôni ôdigaa Nzambé gô ngudi yaGédidi sedi.

Ephésiens 3:17

Naduka angô mbe Christ adige gô mitéma mianyô vandé anye gébé na paga gôndé angô. Naduka dôta Nzambé mbe anye nôngaba ga géétété gémasuenea mitambamie na gô tsina mbe n’anye nôngasuenea gôésipa gô étondo éaNzambé. Namôduka mbe

Philippiens 1:19

Tsabômu mbe gô ngudi yadisambô divovo anye na Nzambé gôndé me, na gô ngudi yaGédidi gémeetsô wa n’anyô na Jésus‐Christ, mabégôme metso makoga maka mamisôba gôndé me.

II Timothée 1:14

Kenea meekédume mamisôba mamadeekedu éwe. Okenea mangô te go ngudi yaGédidi SaNzambé géndéké gô mitéma miasô n’oo.

I Pierre 1:11

Apandôédi ahmabaka na géviôviô gôébuta éménya éyénza éngavigani na mônongoe ôngaba mabégô metso gô ndéôye yangô. Ahmabuta émenya gamabendu ahngô na Gédidi SaChrist géne gémabaka gô mitéma miaô. Gédidi SaChrist gémamenyeda ahngô maguga mangeena Jésus, na ôkumakee ôngaanda mangô gô ngima.

I Jean 3:24

One agobeda mitôma na mige miaNzambé andé na vitoo na Nzambé, na Nzambé andé na vitoo n’edi. Ndémbone émeembô wa n’anyô étubéda mbe Nzambé andé na vitoo na wa n’anyô, te Gédidi sedi gémeengédangô na gôndé wa n’anyô.

I Jean 4:13

Ndémbo émeembô wa n’anyô étubéda mbe tôndé môvo na Nzambé na angô te môvo n’asô n’anyô ?yéndé? Te ndémbone éaGédidi sedi gémeengédangô na gôndé wa n’anyô.

I Jean 4:4

Gôndé anye anami nôndé ana aNzambé ag’ôbôtu, nômani édiia gô ébadie égenya anye n’eekédi adiboe. Nômediia gôébégô Gédidige géndé gô mitéma mianyô géôtéa ngudi na géne géndéké gôndé oma atsengene.

Gétsutsuéô 13:8

Oma muetso ava tsina anganeegeda te Genyamanyamage géne. Ekegea mbe, muetso te ane ahsaba na mina maô mamatendu v’ebandô atsina n’oba gô miganda miamonyo. Migandamie te mine miaMôpaga ômayôhuni.

Gétsutsuéô 20:15

One asangadenganô inedi ématendu gô miganda miamonyo angagunyu na gô mungu asoto.