Romains 8:8 - New Testament in Mitsogo

⁸ Ane aténdéda ndugi yaô gamabôtu ahngô, asangoongôa éénda éne ényôngéô Nzambé.

Romains 8:8 ပူးပေါင်းရင်းမြစ်များ

Matthieu 3:17

Ogi ômookanô ôvovo g’ôba mbe: Odôô te muanami amôtôma amiso. Me namônyôngéô na nzoo na gô môtéma.

Jean 3:3

Jésus amasiia n’edi mbe: Nagôbeenda na gô pie mbe, ôkô môma asibôtu ôbôtu amôbaé, ône aGédidi SaNzambé, asangoongôa émenya mbe ôkumu aNzambé ôndéké.

Jean 8:29

One amatôma me andéké n’ami. Menyani mbe asatsika me tsani gôénda me mane manyôngéô amuene.

Romains 1:21

Menyani mbe oma ahsabômu Nzambé. Ivô ahngô ahsamôneegeda na ahsamôkuméda ganyôngéô amuene Nzambé. Géé nane, matasa moma maka gébé n’eodo, na mitéma miaô mika ga mimavétsa môkambô na mimakukégu n’evitsi.

Romains 7:5

Endé te nane. Vamadigaanye gô ésimee éanyô éambeego gôédugéda mane mabévani mamanyima yôtô yanyô, nômayanza te mane mamadékéda Nzambé mbe: Nômbienda. Nôsiôngôé ékina mane mabévani makeda môma na g’ôwa.

Romains 8:9

Ivô anye, nôsadigaa gô ngudi yaanyene na gô manyima mayôtô yanyô. Gédidi SaNzambé géndéké gô mitéma minayô. N’anye nôdigaa ganyôngéô sangô. One asaba na Gédidi SaChrist gô môtémedi, angô asamenyanganô na Nzambé.

I Corinthiens 7:32

Me Paul nanôongô mbe gô mane meenanôni na mane mabandôni makebangana môma, bakani ga môma amapaba gésengo samane matsengene. Tôsabômu gandé môma. Mômôgôô asibeeni abuta éénda éne ényôngéô Kumu Jésus na matasa medi metso mandéké te gôéyanzéa Kumu edi.

Philippiens 4:18

Menyani mbe namani édiia te éetso émakudéganye ne éndé éetso émadugani. Vavigi Epaphrodite n’atsatsee na éne émeetsanye ôbiia, tsabutadô sôma. Mane meetsanye ôbiia, magono na ôgondoku ôbékuni. Mbôngane éedi éamôsôba ébutima na gôndé Nzambé éétsa angô môgangu. Ogondokue wanyô ôsingéô na Nzambé.

Colosses 1:10

Vane nôngadigaa ganyôngéô Kumu Jésus. Na nôngeenda éne ékasôgéda môtémee wedi. Vane nôngaba ga géétété samôsôba gébôta miônda miedi miamisôba. Mitéma mianyô mingabôta ésima éamisôba. N’anye nôngawesea gôémenya gandéké Nzambé.

Colosses 3:20

Anye anéngé, éyanzee émeetsô anye gôégobeda Kumu Jésus te mbe: Gobedani iyee yanyô na tétee yanyô gô mabégô metso ganyôngéô amuene Nzambé.

1 Thessaloniciens 4:1

Ana aTétee asi mbumu éaNzambé, nômani émenya môdigédi na ésima éamisôba ényôngéô Nzambé. Na gô pie nôdigaa te gô angô. Ivô deo noo nanôtôma, na nanôgondo gô ina aKumu Jésus mbe, ombani ényepeda mônongoe wanyô.

Hébreux 13:16

Nômbieeba gôéwedanéa na gôékabanéa anyene n’anyene éne éndé n’anye. Oô te mônongoe adigondoku ônyôngéô Nzambé.

Hébreux 13:21

Nanyôngéô mbe Nzambé, môétsi agétabé, anôétsa ngudi gôéénda mane mamisôba na gôéyanza mane manyôngéô amuene. Te mbe éné étômangô éenanô gô midigédi miasô n’anyô gô ndugi yaJésus‐Christ. Te mbe ôndômbee wetso ôbaké gôndé Jésus‐Christ, môbô na môbô. Amen.

I Jean 3:22

Wa n’anyô tôdiia gôndé angô metso mane maduka we te gôgobeda we mitôma na mige miedi na tôénda gô mabégô metso te éne ényôngéô angô.