Romains 8:34 - New Testament in Mitsogo

³⁴ ?One angeeséda ane amasevouni indaa? Kaka Christ. Gôébégô te Jésus-Christ amawa, na va ngongone vane amakunduga. Na angô andé digaa gô géeyo gémôgôô saNzambé gôétôsungéa.

Romains 8:34 ပူးပေါင်းရင်းမြစ်များ

Matthieu 20:28

Béyé me Muana Amôma, vamaviga me tsivutéé mogo mami gôétôma oma. Ivô namatôma na namabanda na mogo mami. Nameetsa memuene monyo ami ngu na g’ôwa, te môvanô gôéoboo oma ayekani.

Marc 16:19

Vamamanangô évovo nane, Kumu Jésus amabata na g’ôba gôédigaa gô géeyo gémôgôô saNzambé.

Jean 14:19

Eva na gô vipesu viandéô asi tsengene asangadôena me. Géé anye, nôngeena me. Gôndé me na monyo, tambô n’anye dôta nôngaba na monyo.

Jean 16:23

Nyoone, anye nôsangadôtsapéô ébégô gôéévôa me nyivô. Nanôbeenda na gô pie mbe Téta Nzambé anganôétsa metso mangamôdukanye gô inami.

Mayanzame 2:24

Nzambé amamôkundua g’ôwa. Amamôtsôbôa ésengo éowa. Owa ôsibé n’otômu gôédingéda Jésus gô ngii.

Romains 14:13

Tôtsikéni eesédana wa n’anyôene na wa n’anyôene. Buedi gôévanga mbe: Me tsangeenda ébégô éngapôngéda môkasô na éngakuéséda angô gô mane masanyôngéô Nzambé.

Romains 14:9

Christ amawa na amakunduga gôététu mbe Kumune éane amawani na éane adôngani.

Romains 4:25

Nzambé ameetsa Jésus gôéwa gô mabégô masô n’anyô mabévani. Amamôkundua gôétôtsimaméda va mbene aNzambé ti eembe tôsaba n’oési.

Romains 8:1

Ekôdéô éebégôe te édué. Gôsabadô géesédéô gôndé ane andé na vitoo na Jésus-Christ.

Romains 8:27

Amuene Nzambé, ône avasa gô mitéma miasô n’anyô asabômu éne éduka Gédidi gôndé wa n’anyô. Gôébégô Gédidige gévovo na Nzambé gôndé asi mbumu éedi gô mane manyôngéô Nzambé.

Colosses 3:1

Nômawa na Christ na nômakunduu gôéba monyovo na Christ. Tambô butani mane mag’ôba gôdigaa Christ gô géeyo gémôgôô saNzambé.

Hébreux 1:3

Jésus te gévede gévôni gétanédu n’obébayi ôtubéda ôndômba aNzambé. Gandéké Nzambé, te gandé Muanedi. Asumbéda tsina n’oba n’ogie wedi angudi. Vamamana angô égôgéda oma gô ébévee éaô amadigaa g’ôba gô géeyo gémôgôô te gésa senyanga éaNzambé, Kumu angudi yetso.

Hébreux 7:25

T’ebandô Jésus andé na ngudi gôétôoboo deo noo, ngu na gô mbene n’okendô. Angô oboo ane aviga na gôndé Nzambé gô inedi gôébégô andé monyo môbô na môbô gôévovo na Nzambé gôésungéa omee ane.

Hébreux 9:24

Gôébégô Christ asiengéé gô tsongo éadisambô édigaa Nzambé émasaaô na môma mbe Christ adeekeda amuene gône. Eba ôsaa môma gôéneegeda Nzambé te makanégéda mone apie ag’ôba. Jésus ameengéa na g’ôba gôéadeekeda amuene te gôétôsungéa va mbene aNzambé deo noo.

I Pierre 3:18

Christ amuene amawa ôwa ôvo gô ébévee éetso. Angô môma amatsimamani amawa gôndé oma abévani. Oweedi ôbuéda wa n’anyô na gôndé Nzambé. Oma amayôha angô g’ôtô. Nzambé amakundua angô gô ngudi yaGédidi sedi.

I Pierre 3:22

Angô amabata na g’ôba. Andé gô géeyo gémôgôô saNzambé. Gô ényangedi, asi g’ôba ayanzi aNzambé na ditômuye na ngudi yetso dindé gô tsina otômu edi.

Gétsutsuéô 1:18

Me te Kumu amonyo. Namawaaka, géé deo noo nandé na monyo ôsakôdéakani. Môsapie owa, na tsengene éowa ôndéké te n’ami.